Kalɛ 8:6 - NYANMIƐN NDƐ'N 1998

⁶ «Flɛ Levifuɛ mun man be jaso Izraɛlfuɛ onga'm be afiɛn nan kplo be fiɛn nan siesie be nin min e afiɛn.

Kalɛ 8:6 ပူးပေါင်းရင်းမြစ်များ

2 Be Nyoliɛ 29:11

Amun liɛ'n, min mma mun, nán amun yo sa su kpafuɛ mun kun. Amun yɛ Anannganman fali amun kɛ amun jrɛn i nyrun nan amun sɔ i, nan amun di i junman'n, nan amun yra ansans be mɛn i nin-ɔn.»

Ezipt Lɔ Tulɛ'n 19:15

I sin ɔ seli be kɛ: «Amun `siesie amun wun amun `minndɛ ainman. Nán amun nin amun yi'm be la nna tɛ.»

Ezai 52:11

Amun bɔ amun sua Anannganman i sulɛ ninnge mun'n, amun `wɔ, amun `wɔ, amun `fite! Nán amun kan ninnge fiɛn fi. Amun `fin Babilɔni lɔ fite, amun `yo amún wun saun !

Saun Yolɛ 14:11

Min nyrun jranfuɛ nga bɔ i yɛ ɔ ´bo sran wun aso'n, ɔ `fa sran'n nin i ninnge mun, ɔ sie be tannin sua'n i anuan nun min nyrun lɛ.

Malasi 3:3

Ɔ ´tran ase, ɔ ´tɔn sika'n, ɔ ´yi i nun fiɛn'n, ɔ ´yo Levi i osu'n nun Nyanmiɛn nyrun jranfuɛ'm be saun kɛ be fa yo sika ɔkwlɛ ɔ nin jɛtɛ ufue'm be saun'n sa. Kpɛkuun siɛn'n, sɛ be wa man Anannganman i like'n, be ´nanti i mmla'n su yɛ be ´mɛn i-ɔ.

Kalɛ 3:6

«Fa Levifuɛ mun wunnge wa man min nyrun jranfuɛ Aarɔn nian bé su, nan be `di junman be `mɛn i.

Kalɛ 8:5

Anannganman seli Moiz kɛ:

2 Korɛntfuɛ Mun 7:1

N sran kpa mun, sa nga Nyanmiɛn seli kɛ ɔ ´yo be'n, i kwlaa sɔ'n ti'n, man e wla sa ng'ɔ saci sran'n i kwlaa nin akunndan tɛtɛ'n kwlaa be ase. Sɛ e waan e nyin yi Nyanmiɛn'n, man e nian e wun kpa kɛ nán man sa kaan sa tran e nin i ye afiɛn.

Mmla'n 10:8

I blɛ sɔ'n nun yɛ Anannganman sieli Levi akpasua'n sufuɛ'm be ngunmin kɛ be `sua i alaka nin-ɔn. I waan be jrɛn i nyrun be `su i. Yɛ i waan be `fɛ i dunman'n be yra sran'm be nguan. Lele ndɛ be tɛ di i sɔ junman mun.

Jacques 4:8

An `fa amún wun mantan Nyanmiɛn, yɛ i kusu ´fɛ i wun mantan amun-ɔn. Sa tɛ yofuɛ mun, an `wunnzin amún sa, akunndan nnyɔn-nnyɔnfuɛ mun, an `yaci akunndan tɛtɛ'n.