Kalɛ 8:22 - NYANMIƐN NDƐ'N 1998

²² Kɛ ɔ yoli sɔ'n, Levifuɛ'm be wa dili junman tannin sua'n nun. Kɛ be ´di junman sɔ'n, Aarɔn nin i mma mun yɛ be nian be su-ɔ. Kɛ Anannganman kan kleli Moiz kɛ be `fa yo Levifuɛ mun'n, i su yɛ be yoli-ɔ.

Kalɛ 8:22 ပူးပေါင်းရင်းမြစ်များ

2 Be Nyoliɛ 30:27

I sin'n, Nyanmiɛn nyrun jranfuɛ mun nin Levifuɛ'm be jasoli, nan b'a yra sran'm be nguan. Be Nyanmiɛn bɔ be srɛli'n ɔli lele juli nglo lɔ, ɔ juli Anannganman bɔbɔ tranwlɛ'n nun lɔ. Yɛ ɔ tɛli be su.

2 Be Nyoliɛ 31:2

Ezekias sieli Nyanmiɛn nyrun jranfuɛ mun nin Levifuɛ'm be akpasua-akpasua ekun. Sran kun i junman ng'ɔ di i akpasua'n su'n, ɔ kleli i. Anannganman i sua'n nun'n, Nyanmiɛn nyrun jranfuɛ mun nin Levifuɛ'm be junman'n yɛlɛ tɛ nga be yra be nnɛn'n kɔlikɔli'n nin bo kun yolɛ'n i su tɛ'm be yilɛ. Wie'm be kusu'n Anannganman sulɛ'n wafa'n nin jue nga be to be mɛnmɛn i'n, be yɛ be nian su-ɔ.

Ezipt Lɔ Tulɛ'n 12:50

Izraɛlfuɛ'm be kwlaa be yoli nga Anannganman kan kleli Moiz nin Aarɔn'n. Be niannin su sɛsɛ be yoli.

Kalɛ 1:50

Tannin sua nga n yi min wun nglo nun'n bɔ min alaka'n wo nun'n, ɔ nin i wun ninnge'n kwlaa, fa wlɛ i Levifuɛ'm bé sa nun. Sɛ amun su tu amun bo kɔ lika uflɛ'n, be yɛ be ti tannin sua'n nin i wun ninnge'm be suafuɛ-ɔ. Be ´di sua sɔ'n i nun junman yɛ be ´yo be ngblaliɛ liɛ'n sin yiɛ i.

Kalɛ 8:15

I sin, man Levifuɛ'm be wa di junman tannin sua'n nun. Wafa nga bɔ a ´fa kplo be wun fiɛn'n bɔ a ´yo nzɔliɛ ng'ɔ kle kɛ be su fa be be wlɛ mín sa nun'n yɛ ɔ o lɛ-ɔ.

Kalɛ 8:21

Levifuɛ'm be kploli bé wun fiɛn, kpɛkuun be kpuli bé wun ninnge mun. I sin Aarɔn yoli nzɔliɛ ng'ɔ kle kɛ be su fa be wlɛ Anannganman i sa nun, yɛ ɔ yoli like ng'ɔ fata kɛ ɔ yo nan Nyanmiɛn ɔ'a yaci be wun sa a cɛ be nan be wun fiɛn'n ɔ'a kplo'n.

Kalɛ 8:23

Anannganman seli Moiz kɛ: