Kalɛ 8:21 - NYANMIƐN NDƐ'N 1998

²¹ Levifuɛ'm be kploli bé wun fiɛn, kpɛkuun be kpuli bé wun ninnge mun. I sin Aarɔn yoli nzɔliɛ ng'ɔ kle kɛ be su fa be wlɛ Anannganman i sa nun, yɛ ɔ yoli like ng'ɔ fata kɛ ɔ yo nan Nyanmiɛn ɔ'a yaci be wun sa a cɛ be nan be wun fiɛn'n ɔ'a kplo'n.

Kalɛ 8:21 ပူးပေါင်းရင်းမြစ်များ

Ezipt Lɔ Tulɛ'n 19:10

Anannganman seli Moiz ekun kɛ: «Sa ɔ́ sin sran'm bé wun lɔ nan se be kɛ be `yo bé wun saun ndɛ nin ainman. Be `kpu be tralɛ mun.

Saun Yolɛ 14:11

Min nyrun jranfuɛ nga bɔ i yɛ ɔ ´bo sran wun aso'n, ɔ `fa sran'n nin i ninnge mun, ɔ sie be tannin sua'n i anuan nun min nyrun lɛ.

Kalɛ 19:12

Man ɔ fa nzue sɔ'n wie fa kplo i wun fiɛn'n cɛn ba nsan'n su nin cɛn ba nso'n su, yɛ ɔ ´yo saun-ɔn. Sɛ ɔ'a kplo-mɛn i wun fiɛn'n cɛn ba nsan'n su'n nin cɛn ba nso'n su'n, ɔ su yo-man saun.

Kalɛ 19:19

Man sran b'ɔ ti saun'n ɔ tu sran ng'ɔ ti fiɛn'n i wun fiɛn'n, cɛn ba nsan'n su nin cɛn ba nso'n su. I sin, man sran ng'ɔ ti fiɛn'n ɔ kpu i tralɛ mun nan ɔ `wunnzin, kpɛkuun nnɔsua ɔ'a yo saun.

Kalɛ 3:12

«Nian, m bɔbɔ min yɛ n fali Levifuɛ mun Izraɛlfuɛ'm be nun-ɔn. Be yɛ be ´sin Izraɛl talua ba'm be ajalɛ nun be ´di n sua'n nun junman nin-ɔn.

Kalɛ 8:15

I sin, man Levifuɛ'm be wa di junman tannin sua'n nun. Wafa nga bɔ a ´fa kplo be wun fiɛn'n bɔ a ´yo nzɔliɛ ng'ɔ kle kɛ be su fa be be wlɛ mín sa nun'n yɛ ɔ o lɛ-ɔ.

Kalɛ 8:20

Moiz nin Aarɔn, ɔ nin Izraɛlfuɛ'm be kwlakwla be yoli like nga Anannganman kan kleli Moiz kɛ be yo be man Levifuɛ mun'n.

Kalɛ 8:22

Kɛ ɔ yoli sɔ'n, Levifuɛ'm be wa dili junman tannin sua'n nun. Kɛ be ´di junman sɔ'n, Aarɔn nin i mma mun yɛ be nian be su-ɔ. Kɛ Anannganman kan kleli Moiz kɛ be `fa yo Levifuɛ mun'n, i su yɛ be yoli-ɔ.

Kalɛ 8:7

Wafa nga a wa fa kplo be wun fiɛn'n yɛ. Kpɛntɛn-kpɛntɛn bé su nzue b'ɔ salo sa tɛ'n. Man be bɔbɔ be fa laliɛ lɛman be yiyi be wunnɛn wunmuan'n su ndrɛ'n, man be kpu be tralɛ mun, man bé wun ɔ sa .