Kalɛ 8:2 - NYANMIƐN NDƐ'N 1998

² `kan ndɛ nga kle Aarɔn. I waan ɔ `se i kɛ: «Blɛ bɔ a ´fa kannin mun siesie'n, nian su kpa man be kpaja kannin siewlɛ'n i nyrun.»

Kalɛ 8:2 ပူးပေါင်းရင်းမြစ်များ

Jue Mun 119:105

Ɔ ndɛ'n ɔ ti kɛ kannin sa, ɔ kpaja min bo. Ɔ kpaja min nyrun atin'n su weiin.

Jue Mun 119:130

Sran ng'ɔ wun ɔ ndɛ'm be wlɛ'n, i nyin'n uke. Sran nga be bɔbɔ be kwla uka-man bé wun'n, ɔ man be ngwlɛlɛ.

Ezipt Lɔ Tulɛ'n 25:37

Man be yo kannin siewlɛ'n i kannin nso mun. Be `sie be kannin siewlɛ'n su nglo, man be trɛn i nyrun wa.

Ezipt Lɔ Tulɛ'n 37:23

Be yoli kannin siewlɛ'n i kannin nso mun nin i like nga be fa tu nzuɛn'n, ɔ nin i nzuɛn guawlɛ. Be fali sika ɔkwlɛ jrɛiin'n yɛ be fa yoli be-ɔ.

Ezipt Lɔ Tulɛ'n 39:37

like nga be fa kannin mun siesie su'n, bɔ sika ɔkwlɛ jrɛiin yɛ be fa yoli'n, ɔ nin kannin siesiewlɛ sɔ'n i kannin mun nin bé wun ninnge mun, yɛ ngo nga be fa sɔ kannin mun'n,

Ezipt Lɔ Tulɛ'n 40:25

Be sɔli kannin'm bé nuan Anannganman nyrun kɛ Anannganman kan kleli Moiz kɛ ɔ `nian su yo'n sa.

Ezai 8:20

amun `se kɛ: «Anannganman i mmla'n nin i nuan ndɛ'n yɛ be di su-ɔ.» Sran nga b'a kan-man sɔ'n, be su nyan-man nguan.

Saun Yolɛ 24:4

Man Aarɔn siesie kannin mun kannin siewlɛ b'ɔ ti sika ɔkwlɛ jrɛiin'n i su, nan kɔnguɛ kwlakwla kannin'm be `jue.»

Kalɛ 8:1

Anannganman seli Moiz kɛ ɔ

Kalɛ 8:3

Aarɔn niannin su yoli i sɔ. Ɔ siesieli kannin mun kannin siewlɛ'n i nyrun lɛ kɛ Anannganman kan kleli Moiz kɛ ɔ `kan kle i'n sa.

Matthieu 5:14

Amun yɛ an ti kɛ kannin sa mɛn'n nun-ɔn. Klɔ b'ɔ o oka su'n, ɔ fia-man.

Jean 1:9

Like sɔ'n yɛ man sran'm be wun ase sakpa-a. Kɛ ɔ bali mɛn nun'n, ɔ man sran'm be kwlaa be wun ase .

2 Piɛr 1:19

Ɔ man e wunnin Nyanmiɛn nuan ijɔfuɛ'm be ndɛ nga be kannin'n i wlɛ kpa. Sɛ an fa amún nyin sie su kpa'n, ɔ ti kpa, afin ɔ ti kɛ kannin b'ɔ kpaja lika tuun wie nun sa lele fa ju aliɛ njɛnniɛn kɔmin su, yɛ awuɛ nzraama'n ɔ ´fite, ɔ ´yi sa'm bé nyin weiin kle amun.

Sa nglô yile 1:12

N kpɛli mín nyin kɛ n ´nian sran ng'ɔ kan ndɛ sɔ'n kle min'n. Kɛ n kpɛli mín nyin'n, n wunnin sika ɔkwlɛ kannin nso be jinjin lɛ.

Sa nglô yile 1:20

Nian, nzraama nso bɔ a wunnin be min sa fama nun'n, nin sika ɔkwlɛ kannin nso bɔ be jinjin lɛ'n, bé bo'n yɛ: nzraama nso'n be ti asɔnun nso'm be anz mun, yɛ sika ɔkwlɛ kannin nso bɔ be jinjin lɛ'n be ti asɔnun nso mun.»

Sa nglô yile 4:5

Bian sɔ'n i wun lɔ'n, nyanmiɛn'n kpa sin, yɛ be ti sran wie'm be nɛn nin nyanmiɛn'n i kplalɛ. Tɛ nso be kpaja kpa, be o bia'n i nyrun lɛ, be yɛ be ti Nyanmiɛn i Wawɛ nso nin-ɔn .