Kalɛ 8:19 - NYANMIƐN NDƐ'N 1998

¹⁹ N fali Levifuɛ mun m mannin Aarɔn nin i mma mun kɛ be `jran Izraɛlfuɛ'm be nuan be `di min junman'n tannin sua'n nun. Be yɛ n kpali be Izraɛlfuɛ'm be afiɛn kɛ be `yi Izraɛlfuɛ'm be ti tɛ mun-ɔn. Kɛ ɔ yo sɔ'n, Izraɛlfuɛ'm be su wun-man nyrɛnnɛn dandan ng'ɔ fata kɛ be wun be'n, afin be su wunnge-man lika ng'ɔ ti min liɛ klonglo'n i wun kun.»

Kalɛ 8:19 ပူးပေါင်းရင်းမြစ်များ

Ezipt Lɔ Tulɛ'n 12:50

Izraɛlfuɛ'm be kwlaa be yoli nga Anannganman kan kleli Moiz nin Aarɔn'n. Be niannin su sɛsɛ be yoli.

Kalɛ 1:50

Tannin sua nga n yi min wun nglo nun'n bɔ min alaka'n wo nun'n, ɔ nin i wun ninnge'n kwlaa, fa wlɛ i Levifuɛ'm bé sa nun. Sɛ amun su tu amun bo kɔ lika uflɛ'n, be yɛ be ti tannin sua'n nin i wun ninnge'm be suafuɛ-ɔ. Be ´di sua sɔ'n i nun junman yɛ be ´yo be ngblaliɛ liɛ'n sin yiɛ i.

Kalɛ 1:53

San Levifuɛ'm be ngunmin yɛ be ngblaliɛ liɛ'n ɔ `sin yia tannin sua bɔ min alaka'n wo nun nin-ɔn. Be `di nun junman. I liɛ'n, n su fa-man Izraɛlfuɛ'm bé wun ya.»

Kalɛ 8:18

I kwlaa sɔ'n ti yɛ n kpali Levifuɛ mun kɛ be sin Izraɛlfuɛ'm be talua ba yasua'm be ajalɛ nun nin-ɔn.

Kalɛ 8:20

Moiz nin Aarɔn, ɔ nin Izraɛlfuɛ'm be kwlakwla be yoli like nga Anannganman kan kleli Moiz kɛ be yo be man Levifuɛ mun'n.

1 Samiɛl 6:19

Bɛt-Semɛsfuɛ'm be niannin Anannganman i alaka'n nun, i ti ɔ nin be nyɛnnin. Ɔ kunnin be nun sran ableso. Klɔ nunfuɛ'm be trannin awlaboɛ nun sa yalɛ dan sɔ'n bɔ Anannganman fa yili bé su'n ti.