Kalɛ 8:14 - NYANMIƐN NDƐ'N 1998

¹⁴ Yo man Levifuɛ'm be jaso Izraɛlfuɛ'm be afiɛn nan be `yo min liɛ klonglo.

Kalɛ 8:14 ပူးပေါင်းရင်းမြစ်များ

Malasi 3:17

Anannganman b'ɔ sie mɛn wunmuan'n waan: «Be ´yo min liɛ, cɛn nga n ´yi mín wun nglo nun'n, be ´yo min liɛ mlɔnmlɔn. N ´si be aunnvuɛ kɛ sran fa si i wa bɔ i nyin yi i'n i aunnvuɛ'n sa.

Kalɛ 18:6

Amun `nian, n nian-niannin Izraɛlfuɛ'm be nun yɛ n kpali Levifuɛ mun-ɔn, be ti min liɛ, yɛ n fali be m mannin amun kɛ be `di junman tannin sua'n nun.

Kalɛ 3:12

«Nian, m bɔbɔ min yɛ n fali Levifuɛ mun Izraɛlfuɛ'm be nun-ɔn. Be yɛ be ´sin Izraɛl talua ba'm be ajalɛ nun be ´di n sua'n nun junman nin-ɔn.

Kalɛ 3:45

«Sie Levifuɛ'm be ngunmin man be yo min Anannganman min liɛ klonglo. Man be sin Izraɛl talua ba'm be ajalɛ nun. Man Levifuɛ'm be nnɛn'm be kusu be sin Izraɛlfuɛ'm be nnɛn'm be mma klikli'm be ajalɛ nun.

Kalɛ 3:9

Fa Levifuɛ mun fa man Aarɔn nin i mma mun. Man be yo i liɛ mlɔnmlɔn, yɛ man be di Izraɛlfuɛ kun nga'm bé nuan junman.

Kalɛ 6:2

ɔ kan ndɛ yɛ mun kle Izraɛlfuɛ mun. I waan: «Sɛ yasua wie o, sɛ bla wie o, ɔ jaso nan ɔ cuɛn i wun i wiengu'm be nun'n, nan ɔ ta nda kɛ ɔ ´yo min liɛ klonglo'n nan ɔ ´su min'n,

Kalɛ 8:13

Yo man Levifuɛ'm be jran nglo Aarɔn nin i mma'm be nyrun lɛ, nan yo nzɔliɛ ng'ɔ kle kɛ be su fa Levifuɛ mun wla min sa nun'n.

Kalɛ 8:17

Afin talua ba nga be wu be'n, be ti min liɛ, sɛ sran o, sɛ nnɛn o, be ti min liɛ. Kɛ ɔ fin cɛn bɔ n yoli man Eziptfuɛ'm be talua ba yasua'm be wuli'n, Izraɛlfuɛ'm be talua ba yasua'm be ti min liɛ klonglo.

Rɔmfuɛ Mun 1:1

M Pɔl, n ti Krist-Jésus i sran. Nyanmiɛn flɛli min kɛ ɔ ´sunman min. Ɔ yili min kɛ m bo i jasin fɛ'n

Galasifuɛ Mun 1:15

Sanngɛ Nyanmiɛn dun mmua fali min nan min nin a gua min ase, yɛ i klun-ufue'n ti ɔ flɛli min .

Mmla'n 10:8

I blɛ sɔ'n nun yɛ Anannganman sieli Levi akpasua'n sufuɛ'm be ngunmin kɛ be `sua i alaka nin-ɔn. I waan be jrɛn i nyrun be `su i. Yɛ i waan be `fɛ i dunman'n be yra sran'm be nguan. Lele ndɛ be tɛ di i sɔ junman mun.

Hébreu 7:26

Nanwlɛ, Nyanmiɛn nyrun jranfuɛ'm be su kpɛn nga y'a nyɛn i yɛ'n, yɛ e kunndɛ nin-ɔn. Ɔ ti Nyanmiɛn liɛ klonglonglo sa tɛ kaan sa nun-mɛn i wun, ɔ nin sa tɛ yofuɛ'm be sanman nun, yɛ Nyanmiɛn mɛnnin i tranwlɛ kpa nglo mmua-mmua lɔ.