Kalɛ 8:13 - NYANMIƐN NDƐ'N 1998

¹³ Yo man Levifuɛ'm be jran nglo Aarɔn nin i mma'm be nyrun lɛ, nan yo nzɔliɛ ng'ɔ kle kɛ be su fa Levifuɛ mun wla min sa nun'n.

Kalɛ 8:13 ပူးပေါင်းရင်းမြစ်များ

Kalɛ 18:6

Amun `nian, n nian-niannin Izraɛlfuɛ'm be nun yɛ n kpali Levifuɛ mun-ɔn, be ti min liɛ, yɛ n fali be m mannin amun kɛ be `di junman tannin sua'n nun.

Kalɛ 8:11

Man Aarɔn yo nzɔliɛ ng'ɔ kle kɛ ɔ su fa Levifuɛ mun wla min sa nun'n, man ɔ yo i Izraɛlfuɛ'm bé nuan, nan Levifuɛ'm be wlu min junman'n nun.

Kalɛ 8:12

Man Levifuɛ'm be fa bé sa sie nannin tola bé ti'm bé su. Man Aarɔn fa nannin tola'n kun yi min kpatalɛ tɛ'n, yɛ ɔ fa kun'n kusu yi tɛ nga be yrɛ i nnɛn'n kɔlikɔli'n, i sin nan ɔ'a yo like ng'ɔ fata kɛ ɔ yo nan m'an yaci Levifuɛ'm be wun sa m'an cɛ be.

Kalɛ 8:14

Yo man Levifuɛ'm be jaso Izraɛlfuɛ'm be afiɛn nan be `yo min liɛ klonglo.

Kalɛ 8:21

Levifuɛ'm be kploli bé wun fiɛn, kpɛkuun be kpuli bé wun ninnge mun. I sin Aarɔn yoli nzɔliɛ ng'ɔ kle kɛ be su fa be wlɛ Anannganman i sa nun, yɛ ɔ yoli like ng'ɔ fata kɛ ɔ yo nan Nyanmiɛn ɔ'a yaci be wun sa a cɛ be nan be wun fiɛn'n ɔ'a kplo'n.

Rɔmfuɛ Mun 12:1

Aniaan mun, aunnvuɛ dan bɔ Nyanmiɛn wunnin ye'n ti, n ´srɛ amun kpa kɛ an fa amun wun mɛn i kɛ sraka bɔ be jrɛ i'n sa, b'ɔ ti i liɛ mlɔnmlɔn bɔ i klun jɔ su, i yɛ ɔ ti i sɔlɛ wafa b'ɔ ti su-ɔ.

Rɔmfuɛ Mun 15:16

b'ɔ sieli min kɛ n di Krist-Jésus i junman be nga be ti-man Zuif'n be afiɛn'n ti yɛ n klɛli i sɔ-ɔ. Kɛ m ´bo Nyanmiɛn i jasin fɛ'n, n yo i nyrun jranfuɛ nan n ´fa be nga be ti-man Zuif'n mɛn i nan i Wawɛ'n man be kaci i liɛ yɛ i klun `jɔ bé wun.