Kalɛ 8:12 - NYANMIƐN NDƐ'N 1998

¹² Man Levifuɛ'm be fa bé sa sie nannin tola bé ti'm bé su. Man Aarɔn fa nannin tola'n kun yi min kpatalɛ tɛ'n, yɛ ɔ fa kun'n kusu yi tɛ nga be yrɛ i nnɛn'n kɔlikɔli'n, i sin nan ɔ'a yo like ng'ɔ fata kɛ ɔ yo nan m'an yaci Levifuɛ'm be wun sa m'an cɛ be.

Kalɛ 8:12 ပူးပေါင်းရင်းမြစ်များ

Ezipt Lɔ Tulɛ'n 29:10

be `fa nannin tola sɛsɛ'n be `wɔ tannin sua'n i nyrun lɔ. Man Aarɔn nin i mma'm be fa bé sa sie i nannin tola'n i ti'n su.

Saun Yolɛ 1:4

Nnɛn nga b'ɔ ´fa man min kɛ n kpatalɛ nnɛn'n, ɔ `fɛ i sa'n fuɛ i ti'n su.

Saun Yolɛ 14:22

Ɔ `fa okunmomo nnyɔn, wie kusu-ɔ ablioso nnyɔn. Nga i sa ju su'n yɛ ɔ `fa-a. Kun ti min kpatalɛ liɛ, kpɛkuun kun ti tɛ nga be yrɛ i nnɛn'n kɔlikɔli'n i liɛ.

Saun Yolɛ 16:11

Man Aarɔn fa nannin'n yi i bɔbɔ i ti tɛ liɛ'n. Kpɛkuun like nga bɔ sɛ be yo-ɔ n yaci bé wun sa'n n cɛ be'n, man ɔ fa yo i bɔbɔ nin i osufuɛ'm bé su. Kpɛkuun man ɔ kpɛ nannin tola'n i kɔmin.

Saun Yolɛ 16:21

Kɛ be fɛ i sɔ boli kpakpuɛ liɛ'n ba'n, man Aarɔn fɛ i sa nnyɔn'n gua boli sɔ'n i ti'n su, yɛ Izraɛlfuɛ'm bé sa tɛ'n nin bé nyin bɔ ɔ'a yi-man min'n, ɔ nin fɔnlɛ nga be fɔnnin'n, man Aarɔn kɛnngɛn i ngba guɛ i boli'n su. Kpɛkuun sran nga bɔ be yili i kɛ ɔ `fa boli'n wɔ aawlɛ flɛnnɛn i afiɛn lɔ'n, ɔ `fa mɛn i nan ɔ `fa wɔ.

Saun Yolɛ 16:6

Aarɔn i bɔbɔ i sa tɛ ng'ɔ yoli'n i su yɛlɛ nannin tola'n b'ɔ fa yi tɛ'n. Like nga be yo bɔ n yaci bé wun sa'n n cɛ be'n, ɔ `fa yo i bɔbɔ, ɔ nin i awlofuɛ'm bé su.

Saun Yolɛ 4:15

Man klɔ'n su kpɛnngbɛn'm be fa bé sa fua nnɛn'n i ti su nan b'a kpɛ i kɔmin min nyrun lɛ.

Saun Yolɛ 4:20

Ninnge nga bɔ min nyrun jranfuɛ'n fa yoli i bɔbɔ i tɛ nnɛn liɛ'n su'n, ɔ `nian bé su tɛɛn yo be. Like ng'ɔ fata kɛ min nyrun jranfuɛ'n ɔ yo nan m'an yaci Izraɛlfuɛ'm bé wun sa'n m'an cɛ be'n yɛ ɔ o lɛ-ɔ. Kɛ ɔ ko yo i sɔ'n, kpɛkuun n kusu n ´yaci bé wun sa'n cɛ be.

Saun Yolɛ 4:35

Nnɛn'n i luilui lika'n, man min nyrun jranfuɛ'n ɔ yiyi be. Ɔ `yiyi be kɛ be fa yiyi bo kun yolɛ i su tɛ'n nnɛn'n i liɛ'n sa, nan ɔ `yrɛ i min sɔwlɛ'n su sin nga be trɔli i lɛ'n su. Like ng'ɔ fata kɛ min nyrun jranfuɛ'n ɔ yo nan m'an yaci ngbata sefuɛ'n i wun sa'n m'an cɛ i'n yɛ ɔ o lɛ-ɔ .»

Saun Yolɛ 4:4

Ɔ `fa nannin tola'n wɔ tannin sua nga n yi min wun nglo nun'n i anuan'n nun min nyrun lɔ, ɔ `fɛ i sa'n fuɛ i nnɛn'n i ti'n su nan ɔ `kpɛ i kɔmin.

Saun Yolɛ 5:7

«Sɛ like fi nun-mɛn i sa nun bɔ i ti ɔ kwla to-man bua bla'n annzɛ boli bla'n, ɔ `fa okunmomo nnyɔn, wie kusu-ɔ ablioso nnyɔn. Be `fa kun be fa kpata min. Kun'n kusu ti tɛ nga be yrɛ i nnɛn'n kɔlikɔli'n i liɛ.

Saun Yolɛ 8:14

Kɛ i sɔ liɛ'n wieli'n, ɔ man be fali nannin tola nga b'ɔ ti ti kpatalɛ tɛ nnɛn'n be bali. Nan Aarɔn nin i mma'm b'a fa bé sa b'a fua nnɛn sɔ'n i ti'n su.

Saun Yolɛ 8:15

Kpɛkuun yɛ Moiz kpɛli nnɛn'n i kɔmin-ɔn, nan ɔ'a sɔ i mmoja. Ɔ fɛ i sama'n kun boli nun ɔ fa siesieli Nyanmiɛn i sɔwlɛ'n i cɔnjɔ-cɔnjɔ'm bé su. I sɔ ng'ɔ ´yo i lɛ'n, ɔ ti Nyanmiɛn i sɔwlɛ'n i wun fiɛn kplolɛ. Kpɛkuun ɔ utuli mmoja'n i onga'n Nyanmiɛn i sɔwlɛ'n bo lɛ. Kɛ ɔ ko yo nan sɛ be ´yi sa tɛ i yaci cɛlɛ i tɛ nin-ɔn b'a kwla b'a yi i Nyanmiɛn i sɔwlɛ su'n, i ti yɛ man be kpɛntɛn-kpɛntɛnnin su mmoja nin-ɔn.

Saun Yolɛ 8:18

Yɛ Moiz man be nin tɛ nga sɛ be yi-ɔ be yrɛ i nnɛn'n kɔlikɔli'n i bua nene liɛ'n be bali ekun-ɔn. Kɛ be nin i be bali'n, Aarɔn nin i wa yasua mun be fa bé sa be fuali nnɛn sɔ'n i ti'n su.

Saun Yolɛ 8:34

Ninnge nga y'a yo be ndɛ yɛ'n, kɛ ɔ ko yo nan sa tɛ nga amun yoli'n Anannganman ɔ'a yaci ɔ'a cɛ amun'n, i ti yɛ i bɔbɔ klekleli-ɔ.

Saun Yolɛ 9:7

Kpɛkuun Moiz seli Aarɔn kɛ: «Ɔ Nyanmiɛn kpatalɛ tɛ i nnɛn'n nin tɛ nga be yi-ɔ be yrɛ i nnɛn'n kɔlikɔli'n i nnɛn'n fa be wunnge Nyanmiɛn i sɔwlɛ'n wun lɔ, nan fa be yi tɛ wɔ nin Izraɛlfuɛ'm be dunman nun. Kpɛkuun like nga be yo bɔ Anannganman yaci bé wun sa tɛ'n cɛ be'n, yo ɔ bɔbɔ ɔ liɛ'n, yɛ yo mɛn mma'm bé liɛ'n kusu man be. Kɛ a ko yo i sɔ'n, kpɛkuun yi mɛn mma'm bé tɛ liɛ'n. Kpɛkuun like nga be yo bɔ Anannganman yaci bé wun sa tɛ'n cɛ be'n, fa yo i bé su ekun. Nian Anannganman i mmla'n su yo i kɛ ɔ fa kleli wɔ'n sa .»

Kalɛ 6:14

Man ɔ fa nnɛn nsan bɔ lɛ fi nun-man bé wun'n man min: bua kaan kun bɔ ɔ'a di afuɛ kun, ɔ ti tɛ nga be yrɛ i nnɛn'n kɔlikɔli'n i yilɛ liɛ'n, bua talua kun bɔ ɔ'a di afuɛ kun, ɔ ti min kpatalɛ tɛ'n i yilɛ liɛ, yɛ bua nene kun, ɔ ti bo kun yolɛ i su tɛ'n i yilɛ liɛ.

Kalɛ 6:16

Man min nyrun jranfuɛ'n ɔ fa ninnge sɔ'n kwlaa ɔ `ju min nyrun, ɔ `yi tɛ nga be yrɛ i nnɛn'n kɔlikɔli'n nin kpatalɛ tɛ'n.

Kalɛ 8:13

Yo man Levifuɛ'm be jran nglo Aarɔn nin i mma'm be nyrun lɛ, nan yo nzɔliɛ ng'ɔ kle kɛ be su fa Levifuɛ mun wla min sa nun'n.

Kalɛ 8:8

Man be fa nannin tola bɔ b'a kpɛ cro'n kun nin i su ble sanmlɛn mlɛnnɛnnɛn kpa'n bɔ be fa ngo be fɔtɔli'n, kpɛkuun ɔ bɔbɔ fa nannin tola uflɛ nga be fa yi min kpatalɛ tɛ'n.

Hébreu 9:22

Be klɛli i mmla'n nun kɛ be fa mmoja yo ninnge'm be kpanngban lika kpa be wun saun, ɔ man sɛ be kun-man nnɛn bɔ i mmoja gua-man'n, Nyanmiɛn yaci-man bé wun sa'n cɛ-man be .