Kalɛ 8:11 - NYANMIƐN NDƐ'N 1998

¹¹ Man Aarɔn yo nzɔliɛ ng'ɔ kle kɛ ɔ su fa Levifuɛ mun wla min sa nun'n, man ɔ yo i Izraɛlfuɛ'm bé nuan, nan Levifuɛ'm be wlu min junman'n nun.

Kalɛ 8:11 ပူးပေါင်းရင်းမြစ်များ

Ezipt Lɔ Tulɛ'n 29:24

Fa ninnge sɔ'm be kwlaa wla Aarɔn nin i mma'm bé sa nun. Yɛ toto ninnge sɔ mun Anannganman i nyrun kɛ be fa yo i titi'n sa.

Saun Yolɛ 7:30

Nnɛn'n i luilui lika'n nin i wue'n, bɔ be ti min liɛ'n, man i bɔbɔ fa be blɛ min. Man be toto nnɛn i wue'n min nyrun lɛ.

Saun Yolɛ 7:34

Nnɛn nga be fa yi bo kun yolɛ i su tɛ'n, i wue'n nin i sɔwa fama'n be ti min Anannganman min liɛ, n fa mannin min nyrun jranfuɛ Aarɔn nin i osu'n nunfuɛ mun, ɔ ti be liɛ tititi.»

Saun Yolɛ 8:27

Kpɛkuun ɔ fa be ko guali Aarɔn nin i mma'm bé sa'n su. Yɛ ɔ totoli ninnge sɔ mun Anannganman'n i nyrun-ɔn.

Saun Yolɛ 8:29

Moiz fali nnɛn'n i wue'n. Ɔ fa kleli Anannganman, ɔ totoli i. Nnɛn'n i wue sɔ'n, ɔ ti Moiz liɛ, afin kɛ Anannganman sieli i sɔ-ɔ.

Kalɛ 6:20

I sin man min nyrun jranfuɛ'n i bɔbɔ fa be wla mín sa nun, man ɔ dun mmua toto be mín nyrun lɛ. Nnɛn sɔ'm be ti min nyrun jranfuɛ'n i liɛ, ɔ ´fa ukɛ i walɛ nin i sɔwa'n bé su. Kpɛkuun i sɔ sran ng'ɔ fɛli i wun mannin min'n, ɔ kwla nɔn nzan siɛn'n.

Mmla'n 10:8

I blɛ sɔ'n nun yɛ Anannganman sieli Levi akpasua'n sufuɛ'm be ngunmin kɛ be `sua i alaka nin-ɔn. I waan be jrɛn i nyrun be `su i. Yɛ i waan be `fɛ i dunman'n be yra sran'm be nguan. Lele ndɛ be tɛ di i sɔ junman mun.