Kalɛ 7:9 - NYANMIƐN NDƐ'N 1998

⁹ Sanngɛ ɔ'a man-man Keatfuɛ'm be wie. Sa ti bɔ ɔ'a man-man be wie'n yɛlɛ kɛ be yɛ be nian ninnge nga be ti Nyanmiɛn liɛ'n bé su-ɔ. Ninnge sɔ'm be kusu be wati su yɛ be sua be-ɔ.

Kalɛ 7:9 ပူးပေါင်းရင်းမြစ်များ

2 Samiɛl 6:13

Kɛ sran nga be sua Anannganman i alaka'n be tuli bé ja koko nsiɛn'n, David fali nannin yasua b'ɔ b'a kpɛ cro'n kun, bɔ ɔ'a lo kpa'n yili tɛ.

2 Samiɛl 6:3

Be fali Anannganman i alaka'n Abinadab i sua ng'ɔ o kpɔlɛ'n su lɔ'n nun. Be fɛli i kakaklolo uflɛ kun nun yɛ be ɔli-ɔ. Abinadab i mma mun, Iza nin Akzo yɛ be nian kakaklolo'n su yɛ ɔ kɔ-ɔ.

2 Samiɛl 6:6

Kɛ be juli Nakɔn asiɛ'n su'n, nannin'm be boli tanngan, ɔ man Nyanmiɛn i alaka'n ciali, wuun ɔ wa tɔ. Iza toli i sa trali nun.

1 Famiɛn Mun 8:3

Izraɛl kpɛnngbɛn'm be kwlaa be bali, Nyanmiɛn nyrun jranfuɛ'm be suali alaka'n.

1 Be Nyoliɛ 15:13

Kɛ e ´ko fɛ i i klikli su'n, amu'an ɔ-man wie. I ti Anannganman'n e Nyanmiɛn'n i sa kannin ye, afin y'a nian-man nga mmla'n kannin'n su yɛ e ko fali-ɔ .»

1 Be Nyoliɛ 15:3

David yiayiali Izraɛlfuɛ'm be kwlaa Zerizalɛm lɛ kɛ ɔ ´yo nan b'a fa Anannganman i alaka'n b'a ba lika nga David bɔbɔ siesieli'n nun'n ti.

1 Be Nyoliɛ 23:26

I liɛ'n, Levifuɛ'm be su sua-man tannin sua'n nin Anannganman sulɛ ninnge'n kun.»

Kalɛ 3:31

Nyanmiɛn i alaka'n nin i tabli'n, ɔ nin kannin siewlɛ'n, ɔ nin Nyanmiɛn sɔwlɛ lika mun, ɔ nin ninnge nga be fa di junman Nyanmiɛn i lika'n nun'n, nin rido ng'ɔ o Nyanmiɛn i lika'n i klun lɔ'n, Keatfuɛ'm be yɛ be nian ninnge sɔ'm be lika-a.