Kalɛ 7:86 - NYANMIƐN NDƐ'N 1998

⁸⁶ Sika ɔkwlɛ klowa kun ti gram ya. Be blu-nin-nnyɔn'm be ti gram akpi gram ya nnyɔn (1.200), ansans bɔ be yrɛ i'n ɔ yi be piɛ.

Kalɛ 7:86 ပူးပေါင်းရင်းမြစ်များ

1 Famiɛn Mun 7:50

kpongbo mun, laliɛ mun, klowa nga be gua nun like bɔ be fa kpɛntɛn-kpɛntɛn ninnge'm be su, klowa mun, nzuɛn guawlɛ bɔ be fali sika ɔkwlɛ jrɛiin be yoli'n, like nga be fa tra Nyanmiɛn i lika kpa tra su'n i anuan'm be ase'n, ɔ nin like nga be fa tra Nyanmiɛn i sua'n i anuan'm be ase'n, ninnge sɔ'm be ti sika ɔkwlɛ.

Ezipt Lɔ Tulɛ'n 25:29

Be `yo tabli'n i asiɛti mun, nin klowa mun, nin kpongbo cɛcrɛcɛ mun, ɔ nin tasi bɔ be fa gua nzan ase'n mun, i kwlaa sɔ'n sika ɔkwlɛ jrɛiin ngunmin kokoko yɛ be fa `yo be-ɔ.

Ezipt Lɔ Tulɛ'n 30:13

Like ng'ɔ fata kɛ be nga be ´tran sran nga be ´ka be'n be nun'n be yi'n yɛ: sran kun ´yi jɛtɛ ufue gram nnun. Be `nian min tannin sua'n nun lɔ sika'n i sunnzunliɛ'n su yɛ be `sunnzun-ɔn. Be `bu lɔ sunnzunliɛ nun sɛsɛ yɛ be `fa-a .

Kalɛ 7:85

Pla dan kun ti gram akpi kun gram ya nsan (1.300) yɛ klowa kun ti gram ya nso. I kwlaa sɔ'n ɔ ju jɛtɛ ufue kilo ablaɔn-nin-nnan, Nyanmiɛn sua'n nun lɔ sika sunnzunliɛ'n su yɛ be sunnzunnin-ɔn.

Kalɛ 7:87

Be fali nannin tola blu-nin-nnyɔn, ɔ nin bua nene blu nin nnyɔn, ɔ nin bua bɔ b'a kpɛ cro-cro'n i sɔ blu-nin-nnyɔn, be ti tɛ nga be yra be nnɛn'n kɔlikɔli'n be yilɛ liɛ. Be fali ble annzɛ like ng'ɔ ti kɛ ble sa bɔ be fa yi sraka man Anannganman'n be ukali su. Be fali boli kpakpuɛ blu-nin-nnyɔn kɛ be `fa kpata Nyanmiɛn,

Matthieu 2:11

Be wluli sua lɔ, be wunnin bakan'n nin i nin Mari, be kotoli i bo, be mɛnmɛnnin i. Be nyannjili be trɔ mun, be cɛli i sika ɔkwlɛ, nin ansans, ɔ nin mir.