Kalɛ 7:10 - NYANMIƐN NDƐ'N 1998

¹⁰ Le kun nga bɔ be wa yi Nyanmiɛn i sɔwlɛ'n i nglo'n, kpɛnngbɛn'm be fali cɛlɛ ninnge'm be bali. Kɛ be guali be su ngo'n, be fa be bali Nyanmiɛn sɔwlɛ'n i nyrun lɛ.

Kalɛ 7:10 ပူးပေါင်းရင်းမြစ်များ

1 Famiɛn Mun 8:63

Salomɔn fali nannin akpi-akpi ablaɔn-nin-nnyɔn (22.000) nin bua nin boli akpi-akpi ya ablaɔn (120.000) fa yili bo kun yolɛ i su tɛ mannin Anannganman. Anannganman i sua'n i nglo yilɛ ti yɛ be yili tɛ sɔ mun-ɔn.

2 Be Nyoliɛ 7:5

Famiɛn Salomɔn fali nannin tola akpi-akpi ablaɔn-nin-nnyɔn (22.000), nin bua nin boli akpi-akpi ya ablaɔn (120.000) yili tɛ. Kɛ famiɛn'n nin nvlefuɛ'm be kwlaa be yili Nyanmiɛn i sua'n i nglo kɛ ng'ɔ o lɛ'n sa.

2 Be Nyoliɛ 7:9

I le mɔcuɛ su'n, be yiali yialɛ kpa, afin be fali cɛn ba nso be yili Nyanmiɛn sɔwlɛ'n i nglo. Yɛ be fali cɛn ba nso be dili cɛn ekun.

Neemi 12:27

Kɛ be ´yi Zerizalɛm talɛ'n i nglo'n, be ko yiali Levifuɛ'm be lika nga be tran nun'n i kwlaa nun kɛ be bla Zerizalɛm be wa di cɛn'n wie. Be flɛ be kɛ be wa to jue, be bo aaba ndɛ nin jru, nin aluku be manman Nyanmiɛn.

Neemi 12:43

Le kun sɔ'n, e yili sraka kpanngban, yɛ e dili cɛn bɔbɔ, afin sa nga Nyanmiɛn yo mɛnnin i sran mun'n, ɔ man be klun jɔli dan. Bla nin ba kanngan'm be ngba yɛ be klun jɔli sɔ nin-ɔn. Be tili Zerizalɛmfuɛ'm be aklunjuɛ kplanlɛ'n mmua.

Jue Mun 30:1

Jue nga ti David liɛ. Kɛ be ´yi Nyanmiɛn i sua'n i nglo'n, yɛ ɔ kpɛli-ɔ. I waan:

Kalɛ 7:1

Kɛ Moiz wieli Nyanmiɛn i lika'n i kplan'n, ɔ guali su ngo yɛ ɔ fa wlali Anannganman bɔbɔ sa nun. Ɔ fali lika sɔ'n i nun ninnge mun wlɛli i sa nun. I sin ɔ fali Nyanmiɛn sɔwlɛ'n nin i wun ninnge mun wlali Anannganman bɔbɔ sa nun ekun. Ɔ guali ninnge sɔ'm be kwlaa be su ngo.

Kalɛ 7:11

Anannganman seli Moiz kɛ: «Man kpɛnngbɛn'm be bla kunngun nan be wa yi be cɛlɛ ninnge nga be ´fa yi min sɔwlɛ'n i nglo'n.» Man cɛn kun sran kun blɛ i liɛ, cɛn kun sran kun blɛ i liɛ.

Kalɛ 7:84

Ninnge nga awlobo kpɛnngbɛn'm be yili i nun bɔ be ´fa Nyanmiɛn sɔwlɛ'n be wlɛ i sa nun'n i kwlaa'n yɛ: pla dandan nga jɛtɛ ufuɛ yɛ be fa yoli'n, i sɔ blu-nin-nnyɔn, klowa nga be fa kpɛntɛn-kpɛntɛn nzue'n, bɔ jɛtɛ ufue yɛ be fa yoli'n, i sɔ blu-nin-nnyɔn, yɛ sika ɔkwlɛ klowa blu nin nnyɔn.

Kalɛ 7:88

be fali nannin tola ablaɔn-nin-nnan, ɔ nin bua nene ablesiɛn, ɔ nin boli kpakpuɛ ablesiɛn, yɛ bua bɔ b'a di afuɛ kunngun'n i sɔ ablesiɛn, be ti bo kun yolɛ'n i su tɛ'n i yilɛ liɛ. Blɛ bɔ be fa Nyanmiɛn sɔwlɛ'n be wlali Nyanmiɛn sa nun'n, ninnge nga be mannin'n be yɛlɛ nga be o lɛ'n.

Mmla'n 20:5

Kpɛkuun man alɛ su kpɛnngbɛn'm be usa alɛ kunfuɛ'm be kɛ: «?Wan yɛ ɔ'a kplɛn i sua uflɛ-uflɛ b'ɔ nian la-man nun-ɔn? Man ɔ sɛ i sin wɔ i awlo. Nán man alɛ'n ɔ di i nan sran uflɛ yɛ ɔ tran nun-ɔn.