Kalɛ 6:4 - NYANMIƐN NDƐ'N 1998

⁴ Blɛ b'ɔ tɛ o i sɔ blɛ'n nun'n, nán man ɔ di vinyi i wun like fi kɛ ɔ bo i bo i klun mma'm be su lele b'ɔ ´fa ju i wun bui'n su nin o.

Kalɛ 6:4 ပူးပေါင်းရင်းမြစ်များ

Kalɛ 6:21

Sran ng'ɔ cuɛn i wun i wiengu be nun kɛ ɔ ´di min junman'n, i wun mmla'n yɛ ɔ o lɛ-ɔ. Ninnge ng'ɔ fata kɛ ɔ man be'n be yɛ be o lɛ-ɔ .»

Kalɛ 6:3

nzan ng'ɔ bo'n nin vinɛgri nga be fa nzan be yo'n, ɔ nin nzan kwlaa nga be fa vinyi mma be yo'n, nán man wie fi kɛn i nuan. Nán man ɔ di vinyi mma mɔnnɛn annzɛ i mma kee .

Kalɛ 6:5

Sɛ blɛ ng'ɔ kleli i kɛ ɔ ´tran nun nan ɔ ´yo min liɛ klonglo'n nian wie-man'n, nán man laliɛ lɛman ɔ kɛn i timuɛn nin i akanza'n mlɔnmlɔn. Afin ɔ ti min liɛ klonglo, yɛ min junman'n yɛ ɔ di-ɔ. I sɔ'n ti, ɔ `yaci i timuɛn nin i akanza'm be lɛ man be fu lele fa ju blɛ ng'ɔ kleli'n i awieliɛ.

Jɔlɛ Difuɛ Mun 13:14

Nán man ɔ nɔn nzan ng'ɔ bo'n wie fi. Nán man ɔ di like fiɛn fi. Ndɛ nga n kan kleli i'n, man ɔ niɛn i kwla'n su yo.»