Kalɛ 6:27 - NYANMIƐN NDƐ'N 1998

²⁷ Sɛ min nyrun jranfuɛ'm be fa min dunman'n sie Izraɛlfuɛ'm be su kɛ nga sa'n, yɛ n wa yo be wun sa ye-ɔ.»

Kalɛ 6:27 ပူးပေါင်းရင်းမြစ်များ

Bo Bolɛ 32:26

Sran sɔ'n ´nian-an, ɔ kwla-man Zakɔb, nan ɔ'a blɛ i like i bo lengle'n nun, nan i sɔwa owie'n i takawlɛ'n ɔ'a fɔnndɔn.

Bo Bolɛ 32:29

Sran'n sɔ'n seli i kɛ: «Be su flɛ-man wɔ Zakɔb kun, be wa flɛ wɔ kɛ Izraɛl siɛn'n, afin a nin Nyanmiɛn nin sran mun tuli, wɔ yɛ a kwlali-ɔ.»

2 Samiɛl 7:23

Nvle fi nun-man lɛ bɔ be kwla fa sunnzun Izraɛl nvle nin-ɔn. Izraɛl mɛn'n kunngba yɛ a ko kpɔli i Eziptfuɛ mun nin be amuɛn'm be sa nun-ɔn. A fɛ i yoli ɔ nvle. Yɛ wɔ man i dunman'n ɔ fuli, afin a yoli sa dandan mun, nin abonuan sa mun mɛnnin i mɛn nga nun wa.

1 Be Nyoliɛ 4:10

Zaɛbɛz kpan flɛli Izraɛl Nyanmiɛn'n, ɔ seli i kɛ: «N ´srɛ wɔ kpa ti-ɔ, man min muae, yo man min asiɛ'n cɛn, sasa min. Nán sa tɔ min su, nán man n wun nyrɛnnɛn!» Kpɛkuun Nyanmiɛn tɛli i srɛlɛ'n su klanman.

2 Be Nyoliɛ 7:14

amun bɔ amun ti min nvle nunfuɛ'm bɔ min dunman'n wo amun su'n, sɛ amun kan amun wun ase'n, sɛ amun srɛ min'n, sɛ amun fa amun wun mantan min'n, yɛ sɛ amun yaci amun nzuɛn tɛtɛ'n, kɛ n wo nyanmiɛn su lɔ'n, n ´sie min su n ´tie amun srɛlɛ'n. N ´yaci amún wun sa mun n ´cɛ amun, yɛ n ´yo man amun mɛn'n ´yo kpa sin i osu laa'n nun.

Jue Mun 5:12

Sanngɛ be bɔ be talo wɔ'n, man aklunjuɛ yɛ be `di-ɔ. Man be klun jɔ tititi, sasa be. Be bɔ be klo wɔ'n, ɔ dunman nun man be bo sro.

Jue Mun 67:7

Fie'm bé su ninnge'm be yoli kpa, Nyanmiɛn b'ɔ ti e Nyanmiɛn'n, ɔ yo é wun sa ye.

Ezipt Lɔ Tulɛ'n 6:3

Laa, n yili min wun nglo n kleli Abraam, nin Izaak, nin Zakɔb. Min dunman nga n fa kleli be'n yɛlɛ ‹Nyanmiɛn b'ɔ kwla like kwlaa yo'n,› sanngɛ b'a si-man kɛ be flɛ min ekun kɛ: ‹Anannganman›.

Ezai 43:7

Be nga n dunman'n wo be su'n, be kwlaa nga n yili be'n, bɔ m boli be n jrɛli i wa'n, bɔ n yoli be kɛ be manman min'n, amun `fa be sa bé sin `bla.› »

Zeremi 14:9

?Ɔ yo sɛ ti yɛ a yo kɛ sran b'ɔ kwlɛ-mɛn i wun kan sa sɔ-ɔ? ?Ɔ yo sɛ ti yɛ a yo kɛ sonja b'ɔ de sran-an ɔ yo-man ye sa nin-ɔn? Kusu wuun a nin ye yɛ e o wa-a, Anannganman. E o ɔ dunman nun. Nán yi ye ase.»

Kalɛ 23:20

Nian, Nyanmiɛn waan n `yra Izraɛlfuɛ'm be nguan. Kɛ bɔ Nyanmiɛn mannin be muae klanman'n ti, n kusu n kan-man ndɛ uflɛ.

Matthieu 28:19

I sɔ'n ti, an `wɔ ko kle nvle-nvle'n kwlaa be like man be kaci n sɔnnzɔnfuɛ, yɛ an `yo be batɛm e Si Nyanmiɛn, nin i Wa'n, ɔ nin i Wawɛ'n be dunman nun .

Efɛzfuɛ Mun 1:3

E Min Jésus-Krist i Si Nyanmiɛn i kwla o! Kɛ e nin Jésus-Krist e kacili sran wunmuan'n, ɔ fali nyanmiɛn su lɔ ninnge kpakpa'n kwlaa b'ɔ kwla yo e wun sa ye'n mannin ye.

Mmla'n 28:10

Kɛ mɛn'n nun nvle'm be ´wun kɛ Anannganman i dunman'n yɛ ɔ o amún su'n, kpɛkuun be ´sa amun nyan.