Kalɛ 6:26 - NYANMIƐN NDƐ'N 1998

²⁶ Man Anannganman yo amun kpa, yɛ ɔ yo man amun wun jɔ amun fɔuun.›

Kalɛ 6:26 ပူးပေါင်းရင်းမြစ်များ

Jue Mun 29:11

Man Anannganman ɔ man i nvle'n nunfuɛ'm be fanngan. Man Anannganman ɔ yrɛ i nuan man i nvle'n nunfuɛ mun, ɔ `yo man bé wun jɔ be fɔuun.

Jue Mun 37:37

Nian sran ng'ɔ nanti sein'n i kpa nian. Nian sran ng'ɔ ti sɛsɛ'n i kpa nian. I sɔfuɛ'n, i nzuɛn'n ti flɔlɔlɔ, ɔ man i ti, san ɔ ´di ye le.

Jue Mun 4:6

Amun `yi sraka ng'ɔ fata'n. Yɛ amun `fa amun wun wla Anannganman i sa nun.

Jue Mun 42:5

Kɛ mín nyin kpɛnkpɛn min laa nun'n, ɔ kle min sunlɛ. Laa sɔ'n, n dun sran'm be nyrun mmua e nanti e kɔ Nyanmiɛn sua'n nun, wuun be ´kpan be ´bo be sro, e klun jɔ, Nyanmiɛn i ye b'ɔ yoli ye'n ti.

Jue Mun 44:3

Be kan kleli ye kɛ a deli nvle wie'm be lika'n a fa mannin be kɛ be `tran nun. A kleli nvle sɔ'm be nyrɛnnɛn nan ɔ nvlefuɛ'm b'a nyan tranwlɛ.

Jue Mun 89:15

Ɔ famiɛn bia'n taka ndɛ nanwlɛ bulɛ nin mmla'n i su falɛ'n su. A yi ɔ klun-ufue'n nin ɔ nanwlɛ bɔ a di'n be nglo sa kwlaa nun.

Ezai 26:12

Anannganman, wɔ man é wun jɔ ye. Afin like nga e yo'n, wɔ yɛ a yiɛ i nuan man ye-ɔ.

Ezai 26:3

Sran ng'ɔ tran cinnjin ɔ́ sa nun'n, Anannganman, a mɛn i aunjuɛ, ɔ man i wun jɔ i fɔuun, afin ɔ fɛ i wla'n gua ɔ su.

Ezai 57:19

N ´yo man be ´bo sro. Be nga be o mmua o, be nga be o koko o, bé wun ´jɔ be, bé wun ´jɔ be sakpa! N ´kaci be.» Anannganman yɛ se sɔ-ɔ .

Mise 5:5

Bé sa nun alɛ ninnge'n ti, be ´kwla Asiri asiɛ'n su sran wunmuan'n, be ´kwla Nimrɔd mɛn wunmuan'n. Sɛ Asirifuɛ'm be wlu e mɛn'n nun'n, nan bé ja tia e mɛn'n nun asiɛ su'n, ɔ ´de ye bé sa nun.

JÉSUS-CHRIST I DYASIN FE'N BO LUC KLELI'N 2:14

«Man Nyanmiɛn manmanlɛ'n tɛ nyanmiɛn su lɔ, yɛ man sran bɔ Nyanmiɛn klun jɔ bé wun asiɛ'n su wa'n, bé wun jɔ be.»

Jean 14:27

N ´yo man amún wun ´jɔ amun fɔuun, yɛ amun ´di alaje kɛ min sa. Alaje nga mɛn nunfuɛ'm be yra bé nuan kɛ sran di'n, ɔ nin n liɛ'n ti-man kun. Nán amún wla bo, nán srɛ kun amun.

Jean 16:33

N kɛnnin i kwlaa sɔ'n kleli amun nan amún wun `jɔ amun fɔuun sran wunmuan bɔ min nin amun y'a kaci'n ti. Amun wa wun amún nyin su kpa, sanngɛ an `tra amun anwlɛn, mɛn nga nun wa'n, min yɛ n kwlaa-a.»

Jean 20:21

Yɛ ɔ seli be ekun kɛ: «Man amun wun jɔ amun fɔuun! Kɛ n Si fa sunmannin min'n, n kusu n ´fa sunman amun sɔ.»

Jean 20:26

Kɛ ɔ dili le mɔcuɛ'n, Jésus sɔnnzɔnfuɛ'm be o sua lɔ ekun, Tomas nin be yɛ be o lɛ-ɔ, b'a nyin bé sin anuan, sanngɛ Jésus wluli lɔ ɔ jrannin be afiɛn lɛ, yɛ ɔ seli be kɛ: «Man amun wun jɔ amun fɔuun!»

Sa nga bé yôli'n 10:36

Ɔ fɛ i ndɛ'n blɛli Izraɛlfuɛ mun, yɛ ɔ kannin alaje bɔ be wa nyɛn i Jésus-Krist b'ɔ ti sran'm be kwlaa be Min'n i ti'n i ndɛ kleli be.

Sa nga bé yôli'n 2:28

A kleli min nguan atin'n. Sɛ a ba min wun lɛ'n, kpɛkuun n klun ´jɔ dan kpa .›

Rɔmfuɛ Mun 15:13

Man Nyanmiɛn bɔ é nyin o i sin'n ɔ man amun klun jɔ, yɛ an di alaje i su bɔ an lafi'n ti nan Nyanmiɛn Wawɛ'n i fanngan nun amún nyin trɛn i sin tititi.

Rɔmfuɛ Mun 15:33

Man Nyanmiɛn b'ɔ man sran di alaje'n, ɔ nian amun kwlaa amun su. Man ɔ yo sɔ!

Rɔmfuɛ Mun 5:1

I sɔ'n ti, Nyanmiɛn a bu ye sran kpa i su bɔ e lafi'n ti, ɔ man siɛn'n e Min Jésus-Krist ti e nin i e afiɛn a sɛ.

Efɛzfuɛ Mun 6:23

Man e Si Nyanmiɛn nin e Min Jésus-Krist man e niaan'm be kwlaa bé wun jɔ be fɔuun, yɛ be `klo sran, yɛ ɔ `yo man be lafi Krist su.

Filipfuɛ Mun 4:7

Yɛ ɔ man amún wun ´jɔ amun fɔuun, amun su wun-man sa ti bɔ amun wun jɔ amun fɔuun sɔ'n i bo mlɔnmlɔn. Aunjuɛ sɔ'n man amún wla su bo-man, yɛ amun akunndan su sanngan-man sran wunmuan bɔ amun nin Krist-Jésus ti'n ti.

2 Tɛsalonikfuɛ Mun 3:16

Man e Min'n b'ɔ man sran di alaje'n i bɔbɔ man amún wun jɔ amun fɔuun cɛn kwlaa sa kwlaa nun, yɛ ɔ nin amun tran!