Kalɛ 6:25 - NYANMIƐN NDƐ'N 1998

²⁵ Man Anannganman nian amun nyrun, yɛ man ɔ sɔ amun nun klanman!

Kalɛ 6:25 ပူးပေါင်းရင်းမြစ်များ

Bo Bolɛ 43:29

Zozɛf ´nian-an, i niaan bian Bɛnzamɛn b'ɔ nin i be nin ti kun'n yɛ. Yɛ ɔ usali kɛ: «?Amun sinma kan nga amun kɛnnin i ndɛ'n yɛ?» Kpɛkuun Zozɛf seli i kɛ: «Mín wa, man Nyanmiɛn man a nyan muae klanman!»

Jue Mun 119:135

Nian min bɔ n ti ɔ sufuɛ'n min nyrun. Kle min sa nga ɔ waan be `yo'n i bo'n weiin nan n si i.

Jue Mun 21:6

Ɔ ukalɛ bɔ a ukɛ i'n ti, ɔ'a nyan nyrun dan. Ɔ dunman nun ti i nyin a uke, yɛ i nyrun a ba nyan.

Jue Mun 31:16

Ɔ sa nun yɛ min nguan'n ɔ wo-ɔ. De min min kpɔfuɛ mun nin min yalɛ klefuɛ'm bé sa nun.

Jue Mun 4:7

Sran sunman be se kɛ: «Ee! ?Wan yɛ man e ´nyan ye-ɔ?» Ee! Anannganman, titi ɔ́ nyin nun wein, nan yo e ye!

Jue Mun 67:1

Be kpɛli jue nga be fa mannin jue tofuɛ'm be su kpɛn'n. Kɛ be ´to'n, be bo like b'ɔ ti kɛ jru sa'n wie. Jue sɔ'n ɔ se kɛ:

Jue Mun 80:19

Yɛ e su kpɔci-man wɔ kun. Man e nguan, wɔ yɛ e ´su wɔ-ɔ.

Jue Mun 80:7

Wɔ man be nga be mɛn'n mantan e liɛ'n be kpɛ ndɛ e mɛn'n i falɛ ti. E kpɔfuɛ'm be yo e finfin.

Jue Mun 86:16

Kpɛ ɔ nyin min su, yɛ si min aunnvuɛ. Ɔ sufuɛ yɛlɛ min. Fa ɔ wunmiɛn'n wie wla min nun. N ti wɔ liɛ, de min.

Ezipt Lɔ Tulɛ'n 33:19

Anannganman tɛli i su kɛ: «N ´sin ɔ nyrun lɛ, n ´yi min aklunye'n i nglo n ´kle wɔ, yɛ m ´bo min dunman'n kɛ: Anannganman, Sran nga n waan n ´yo i ye'n, n ´yo i ye. Sran nga n waan n ´si i aunnvuɛ'n, n ´si i aunnvuɛ .»

Daniɛl 9:17

Siɛn'n, e Min e Nyanmiɛn, tie srɛlɛ tantrantan nga n srɛ wɔ yɛ'n. Nian ɔ bɔbɔ ti nan bu lika b'ɔ ti ɔ liɛ klonglo bɔ ɔ'a saci'n i akunndan.

Malasi 1:9

Amun `sin be wa `srɛ min, be `se min kɛ n `yaci nan n `si amun aunnvuɛ.» Anannganman b'ɔ sie mɛn wunmuan'n usa kɛ yoo: «?Tɛ nga amun nyinfu be yoli min lɛ'n, amun bu i kɛ n ´sie min su amún nuan'n bo? Ɔ siɛ i mlɔnmlɔn.»

Jean 1:17

Moiz yɛ Nyanmiɛn man ɔ fa mmla'n mannin ye-ɔ, Jésus-Krist kusu yɛ ɔ fa ye yolɛ'n nin nanwlɛ'n bali-ɔ .

Rɔmfuɛ Mun 1:7

N ´fa fluwa nga blɛ amun bɔ an wo Rɔm lɔ bɔ Nyanmiɛn klo amun b'ɔ flɛli amun kɛ an kaci i liɛ mlɔnmlɔn'n. Man e Si Nyanmiɛn nin e Min Jésus-Krist be yo man an nyan ye, yɛ man amún wun jɔ amun fɔuun!