Kalɛ 6:24 - NYANMIƐN NDƐ'N 1998

²⁴ ‹Man Anannganman yo amun wun sa ye, yɛ man ɔ sasa amun!

Kalɛ 6:24 ပူးပေါင်းရင်းမြစ်များ

Bo Bolɛ 28:15

Nian e nin wɔ e o nun, ajalɛ nga a ´tu i yɛ'n, i kwlakwla nun e nin wɔ-ɔ. N ´fa wɔ n ´sa ɔ sin mɛn nga nun. N yi-man wɔ ase. Ndɛ nga n kan kleli wɔ'n, san n ´yiɛ i kwlaa nuan.»

2 Samiɛl 7:29

Ɔ man, yo min osufuɛ'm be ye, man be tran ɔ́ sa nun tititi, yɛ kɛ a fa kannin'n sa, min Min Anannganman, man ɔ́ sa kpa'n ɔ tran min awlo'n su tititi.»

Jue Mun 134:3

Man Anannganman b'ɔ tran Siɔn lɔ'n, b'ɔ boli nyanmiɛn'n b'ɔ la nglo lɔ plaii'n nin asiɛ'n ɔ yo ɔ liɛ ye!

Jue Mun 17:8

Sasa min kɛ ɔ nyinma'n sa. Fa ɔ ndɛwa'n kata min su man n trɛn i fɔnvɔ'n bo.

Jue Mun 28:9

Anannganman, de ɔ nvle'n nunfuɛ mun, ɔ liɛ yɛlɛ be, yo be ye. Be ti kɛ ɔ bua mun sa, nian be lika blɛ'n kwlaa nun.

Jue Mun 91:11

Afin Anannganman ɔ ´se i anz'm be kɛ be sasa wɔ ajalɛ kwlaa nga a ´tu'n nun.

Ezai 27:3

«M bɔbɔ min Anannganman yɛ n nian su-ɔ. Blɛ b'ɔ ju i su nzue gualɛ'n, n gua su nzue. N sɛsɛ i wia su nin kɔnguɛ kɛ ɔ ´yo nan b'a wlu-man nun b'a saci-mɛn i'n ti.

Ezai 42:6

«Min Anannganman, n flɛli wɔ kɛ a wa yo sa b'ɔ ti i nuan su'n. N tra ɔ́ sa, n sasa wɔ, n yi wɔ kɛ a yo aenguɛ bɔ e nin sran mun e tra'n i nun aowa, n yi wɔ kɛ a yo mɛnmɛn'm be like b'ɔ kpaja be atin'n su'n.

Daniɛl 9:17

Siɛn'n, e Min e Nyanmiɛn, tie srɛlɛ tantrantan nga n srɛ wɔ yɛ'n. Nian ɔ bɔbɔ ti nan bu lika b'ɔ ti ɔ liɛ klonglo bɔ ɔ'a saci'n i akunndan.

Jean 17:11

N nun-man mɛn'n nun wa kun, sanngɛ be liɛ'n be tɛ o wa, n kusu n su ba ɔ́ sin. Min Si bɔ ɔ nzuɛn'n nin klɔ sran liɛ'n ti-man kun'n, ɔ dunman'n b'ɔ o n su'n ti, nian bé su. Man be yo sran wunmuan kɛ min nin wɔ e ti sran wunmuan'n sa.

1 Korɛntfuɛ Mun 14:16

?Sɛ ɔ'a yo-man sɔ'n, sɛ Nyanmiɛn Wawɛ'n man a yi i ayɛ aniɛn wie nun sɔ'n, ɔ ´yo sɛ yɛ sran b'ɔ wun-man sa sɔ'n i wlɛ'n ɔ ´sɔ ɔ Nyanmiɛn i asenna'n su kɛ: «Man ɔ yo sɔ-ɔ?» Afin ɔ ti-man ndɛ nga a kan'n.

Efɛzfuɛ Mun 6:24

Yɛ e Si Nyanmiɛn man be kwlaa nga be klo e Min Jésus-Krist lele guɛ i ti nin i bo'n be nyan ye!

Filipfuɛ Mun 4:23

Man e Min Jésus-Krist aklunyefuɛ'n nin amun tran!

Filipfuɛ Mun 4:7

Yɛ ɔ man amún wun ´jɔ amun fɔuun, amun su wun-man sa ti bɔ amun wun jɔ amun fɔuun sɔ'n i bo mlɔnmlɔn. Aunjuɛ sɔ'n man amún wla su bo-man, yɛ amun akunndan su sanngan-man sran wunmuan bɔ amun nin Krist-Jésus ti'n ti.

1 Tɛsalonikfuɛ Mun 5:23

Man Nyanmiɛn b'ɔ man sran di alaje'n ɔ yo man an kaci i liɛ mlɔnmlɔn, man ɔ nian amun wunmuan'n su, amun klun akunndan'n, nin amun wawɛ'n, nin amun wunnɛn'n, nan cɛn nga e Min Jésus-Krist ´ba'n b'a kputu-man amun!

1 Piɛr 1:5

Nyanmiɛn b'ɔ kwla like'n kwlaa yo'n ɔ sieli i lɔ sieli amun i su bɔ an lafi'n ti, ɔ ´nian amun su lele amun ´nyan amún ti, afin ɔ'a dun mmua sie i kɛ mɛn'n i awieliɛ ɔ ´yi amún ti nyanlɛ sɔ'n i nglo.

Jude 1:24

Nyanmiɛn b'ɔ kwla nian amun su b'ɔ man an fɔn-man'n, bɔ kɛ ɔ man amun ´kɔ i wun lɔ'n sa kaan sa bɔn-man amún wun'n, yɛ amun klun jɔ'n,

Rit I Wun Ndɛ 2:4

Be o lɛ, kpɛkuun Bɔaz ɔ'a fin Bɛtleɛm lɔ ɔ'a ba. Yɛ ɔ yoli junman difuɛ'm be like-ɔ. I waan: «Man Anannganman nin amun tran.» Be kusu be tɛli i su kɛ: «Man Anannganman yo ɔ liɛ ye.»

1 Samiɛl 2:9

Ɔ sasa be bɔ bé nyin yi i mun'n, sanngɛ sran tɛfuɛ'm be wu aosin nun. Afin kɛ a wun kɛ sran kun ´nyan kwlalɛ lɛ'n, wuun nɛ́n i bɔbɔ fanngan nun-ɔn.