Kalɛ 6:23 - NYANMIƐN NDƐ'N 1998

²³ ɔ kan ndɛ yɛ mun kle Aarɔn nin i mma mun. I waan: «Sɛ amun ´yra Izraɛlfuɛ'm be nguan'n, ndɛ nga ɔ fata kɛ amun kan'n yɛ:

Kalɛ 6:23 ပူးပေါင်းရင်းမြစ်များ

Bo Bolɛ 24:60

Be yrali Rebeka i nguan be seli kɛ: «E niaan bla, fiaa! Nyanmiɛn man ɔ osu'n trɛ, man i nunfuɛ'm be ju akpingbingbi kaka kpa. Yɛ man be de be kpɔfuɛ'm be klɔ mun.»

Bo Bolɛ 47:10

Yɛ Zakɔb kaleli Ezipt famiɛn'n nan ɔ'a jaso ɔ'a ɔ.

Bo Bolɛ 47:7

Kɛ Zozɛf fɛli i si Zakɔb bali'n, ɔ fɛli i ko kleli Ezipt famiɛn'n nan Zakɔb ɔ'a yo i like.

Bo Bolɛ 48:20

Ɔ yrali be nguan cɛn sɔ'n nun, ɔ seli kɛ: «Sɛ Izraɛlfuɛ'm be ´yra sran nguan'n, man be ´bo amun dunman'n be ´se kɛ: ‹Nyanmiɛn man a yo kɛ Efraim nin Manase be sa.› » Ɔ fali Efraim dunnin Manase i nyrun.

1 Famiɛn Mun 8:55

Ɔ jrannin nglo lɛ, ɔ boli muae klanman mannin Izraɛlfuɛ mun. Ɔ mannin i aniɛn'n su kekle kpa. Ɔ seli kɛ:

1 Be Nyoliɛ 23:13

Amram wuli Aarɔn nin Moiz. Be sieli Aarɔn nin i osu'n nunfuɛ'm be kwlaa be ngunmin kɛ be `di junman Nyanmiɛn i sua'n i lika kpa tra su'n nun tititi, nan be yi sraka nga be yra ansans be man Anannganman'n, nan be su i, nan i sin be fɛ i dunman'n be yra sran'm be nguan.

2 Be Nyoliɛ 30:27

I sin'n, Nyanmiɛn nyrun jranfuɛ mun nin Levifuɛ'm be jasoli, nan b'a yra sran'm be nguan. Be Nyanmiɛn bɔ be srɛli'n ɔli lele juli nglo lɔ, ɔ juli Anannganman bɔbɔ tranwlɛ'n nun lɔ. Yɛ ɔ tɛli be su.

Ezipt Lɔ Tulɛ'n 39:43

Kɛ Moiz wunnin i kɛ i kwlaa'n ɔ'a wie kɛ Anannganman fa kleli be'n sa'n, ɔ yrali Izraɛlfuɛ'm be nguan.

Kalɛ 6:22

Anannganman seli Moiz kɛ

Rɔmfuɛ Mun 1:7

N ´fa fluwa nga blɛ amun bɔ an wo Rɔm lɔ bɔ Nyanmiɛn klo amun b'ɔ flɛli amun kɛ an kaci i liɛ mlɔnmlɔn'n. Man e Si Nyanmiɛn nin e Min Jésus-Krist be yo man an nyan ye, yɛ man amún wun jɔ amun fɔuun!

1 Korɛntfuɛ Mun 1:3

Man e Si Nyanmiɛn nin e Min Jésus-Krist be man an nyan ye, yɛ man amún wun jɔ amun fɔuun!

Mmla'n 10:8

I blɛ sɔ'n nun yɛ Anannganman sieli Levi akpasua'n sufuɛ'm be ngunmin kɛ be `sua i alaka nin-ɔn. I waan be jrɛn i nyrun be `su i. Yɛ i waan be `fɛ i dunman'n be yra sran'm be nguan. Lele ndɛ be tɛ di i sɔ junman mun.

Mmla'n 21:5

Kpɛkuun man Nyanmiɛn nyrun jranfuɛ bɔ be ti Levi i osu nunfuɛ mun'n be bla. Afin be yɛ Anannganman amun Nyanmiɛn'n ɔ kpali be kɛ be su i nan be yra sran'm be nguan i dunman nun nin-ɔn. Sɛ akplowa tɔ'n, annzɛ sɛ be yo sran wie like'n, be yɛ be ´kɛn i nun ndɛ nin-ɔn.

Mmla'n 33:1

Muae nga Moiz b'ɔ ti Nyanmiɛn i sufuɛ'n ɔ bo mannin Izraɛlfuɛ mun ka nan ɔ'a wu'n yɛ. I waan:

Hébreu 7:1

Mɛlkizedɛk sɔ'n ti Salɛm famiɛn nin Nyanmiɛn bɔ like fi nun-mɛn i sin'n i nyrun jranfuɛ. Kɛ Abraam nin famiɛn mun be ko kunnin b'ɔ kwlali be b'ɔ ´ba'n, Mɛlkizedɛk kpɛli i atin, yɛ ɔ yrɛli i nguan.

Hébreu 7:7

Sran ng'ɔ lɛ nyrun'n yɛ ɔ yra ng'ɔ lɛ-man nyrun'n i nguan-an, akplowa nun-man su.

Zozie 8:33

Izraɛlfuɛ be kwlaa nin be kpɛnngbɛn mun, be sunianfuɛ nin be jɔlɛ difuɛ mun, ɔ nin aofuɛ nga be o be afiɛn'n be jrannin Anannganman i alaka'n i bue nnyɔn'n su. Bé nyin ta Nyanmiɛn nyrun jranfuɛ nga be sua alaka'n. Izraɛlfuɛ'm be bue o Garizim oka'n i bo lɔ, yɛ be bue kusu o Ebal oka'n i bo lɔ. Moiz waan i sɔ yɛ be yo nan b'a yra Izraɛl nvle'n i nguan-an.

1 Piɛr 1:2

E Si Nyanmiɛn fali amun, afin ɔ dun mmua buli i akunndan sɔ nan i Wawɛ'n ti, an `kaci i liɛ nan amún nyin `yi Jésus-Krist, yɛ i mmoja'n ti amún wun sa'n `wie. Nyanmiɛn man an nyan ye titi, yɛ man amún wun jɔ amun fɔuun!

2 Jean 1:3

Man e Si Nyanmiɛn nin Jésus-Krist b'ɔ ti i Wa'n be man e nyan ye, be si ye aunnvuɛ, yɛ be man é wun jɔ e fɔuun, nan e yo nanwlɛfuɛ, e klo e wun.