Kalɛ 6:2 - NYANMIƐN NDƐ'N 1998

² ɔ kan ndɛ yɛ mun kle Izraɛlfuɛ mun. I waan: «Sɛ yasua wie o, sɛ bla wie o, ɔ jaso nan ɔ cuɛn i wun i wiengu'm be nun'n, nan ɔ ta nda kɛ ɔ ´yo min liɛ klonglo'n nan ɔ ´su min'n,

Kalɛ 6:2 ပူးပေါင်းရင်းမြစ်များ

Ezipt Lɔ Tulɛ'n 33:16

?Ɔ ´yo sɛ nan sran'm b'a si kɛ a su yo min nin min nvlefuɛ mun e ye? ?Nán kɛ a nin ye ´nanti bɔ ngbaciɛ tran min nin min nvle'n e nin nvle kun nga mun ye afiɛn nin-ɔn?»

Nyanndra Mun 18:1

Sran nga bɔ i bɔbɔ i wun akunndan yɛ ɔ bu'n, ɔ fɛ-mɛn i wun mantan-man sran. Sɛ be se kɛ be ´ukɛ i nan ɔ yo like wie'n, ɔ yo-mɛn i fɛ.

Zeremi 35:6

Kpɛkuun be tɛli min su kɛ: «E nɔn-man nzan. Rekab i wa Zɔnadab b'ɔ ti e nannan'n ɔ seli ye kɛ: ‹Amun nin amun osu'n nunfuɛ mun, nán amun wie fi nɔn nzan mlɔnmlɔn.

Saun Yolɛ 20:26

Man amun nzuɛn'n ɔ fa min liɛ'n. Afin min Anannganman, min nzuɛn'n liɛ'n nin klɔ sran liɛ'n ti-man kun. Min waan amun yo min liɛ ti yɛ n waan nán amun nin nvle uflɛ nunfuɛ mun be sanngan nin-ɔn.

Saun Yolɛ 27:2

ɔ `kan ndɛ yɛ mun kle Izraɛlfuɛ mun. I waan: «Sɛ sran kun jran su kɛ ɔ ´fa sran man min'n, yɛ sɛ i sin ɔ bu akunndan kɛ ɔ ´fa sika sin sran sɔ'n i osu'n, man ɔ yo.

Kalɛ 30:3

«Sɛ sran kun ta Anannganman nda kɛ ɔ ´cɛ i like annzɛ ɔ tɛ i nda kɛ ɔ yo-man like wie'n, ng'ɔ kannin'n, man ɔ nian su yo. Nán man ɔ `yaci i lɛ sa ngbɛn .

Kalɛ 6:1

Anannganman seli Moiz kɛ

JÉSUS-CHRIST I DYASIN FE'N BO LUC KLELI'N 1:15

Afin ɔ ´yo sran dan e Min Nyanmiɛn'n nyrun, ɔ su nɔn-man nzan b'ɔ bo'n i wie fi, ɔ nin Nyanmiɛn Wawɛ'n fin blɔlɔ .

Sa nga bé yôli'n 18:18

Pɔl trannin lɛ ekun lɔuun, i sin ɔ srɛli aniaan'm be atin nan ɔ nin Prisiyi nin Akilas b'a fu mmeli kun nun b'a ɔ Siri. Ɔ tali Nyanmiɛn nda like wie su, ɔ man be yili i ti'n Sankre lɛ nan ba ɔ .

Rɔmfuɛ Mun 1:1

M Pɔl, n ti Krist-Jésus i sran. Nyanmiɛn flɛli min kɛ ɔ ´sunman min. Ɔ yili min kɛ m bo i jasin fɛ'n

2 Korɛntfuɛ Mun 6:16

?Be kwla fa sua kun yo Nyanmiɛn nin amuɛn'm bé sua? Afin e ti Nyanmiɛn b'ɔ lafi-man'n i sua, afin Nyanmiɛn bɔbɔ waan: «Min nin be e ´tran, e ´san nun, n ´yo be Nyanmiɛn, yɛ be kusu be ´yo n sran .»

Galasifuɛ Mun 1:15

Sanngɛ Nyanmiɛn dun mmua fali min nan min nin a gua min ase, yɛ i klun-ufue'n ti ɔ flɛli min .

Hébreu 7:27

Ɔ nin Nyanmiɛn nyrun jranfuɛ dandan nga mun be ti-man kun, ɔ yo-man sa tɛ fi, ɔ man ɔ bo-man wɛ sɔ-man Nyanmiɛn i bɔbɔ ti nan ɔ'a sɔ i sran'm bé ti kɛ be nga'm be yo i cɛn'n kwlaa'n sa. Kɛ ɔ fɛ i wun mannin'n, ɔ sɔli Nyanmiɛn kpɛ kunngba ɔ wieli .

Jɔlɛ Difuɛ Mun 13:14

Nán man ɔ nɔn nzan ng'ɔ bo'n wie fi. Nán man ɔ di like fiɛn fi. Ndɛ nga n kan kleli i'n, man ɔ niɛn i kwla'n su yo.»

Jɔlɛ Difuɛ Mun 13:4

I sɔ'n ti, nian ɔ́ wun su kpa. Nán nɔn nzan annzɛ nzan kekle fi, nán like fiɛn wie fi kan ɔ́ nuan.

Jɔlɛ Difuɛ Mun 13:5

A wa wunnzɛ yɛ a wa wu ba yasua kun. Ba nga a wa wu i lɛ'n, nán man like bɔ be fa yi tre'n kɛn i ti'n le, afin ba sɔ'n ɔ ´yo Nyanmiɛn liɛ mlɔnmlɔn. I yɛ ɔ wa bo Izraɛl nvle i delɛ'n bo Filistifuɛ'm bé sa nun-ɔn.»

Jɔlɛ Difuɛ Mun 16:17

Yɛ ɔ tuli i klun kleli i-ɔ. Ɔ seli i kɛ: «Kɛ n fin min nin klun m ´ba'n, n ti Anannganman i liɛ, i ti like nga be fa yi tre'n wie nian kan-man mín ti'n le. Sɛ be yi mín ti'n, min wunmiɛn dan'n ´jaso min nun yɛ n ´kaci kɛ sran kun nga'm be sa.»

1 Samiɛl 1:28

Ɔ man n kusu n waan n ´fɛ i man Anannganman. Ɔ ´yo i liɛ lele ɔ ´fa ju i wie cɛn.» Kɛ ɔ yoli sɔ'n, yɛ Ɛlkana i awlofuɛ'm be kwlaa be kotoli Anannganman i bo-ɔ.