Kalɛ 5:8 - NYANMIƐN NDƐ'N 1998

⁸ Sɛ sran ng'ɔ lɛ like sɔ'n ɔ'a wu'n, nan ɔ lɛ-man osufuɛ ng'ɔ mɛntɛn i'n nan b'a yi like'n b'a sie i osu b'a mɛn i'n, man be fa man min, be `fa wla min nyrun jranfuɛ'n i sa nun. Man sran ng'ɔ yoli sa'n ɔ fa bua nene kun uka su nan be `fa yi min kpatalɛ tɛ nan min nyrun jranfuɛ ɔ yo like nga ɔ fata kɛ ɔ yo nan m'an yaci sran sɔ'n i wun sa m'an cɛ i.

Kalɛ 5:8 ပူးပေါင်းရင်းမြစ်များ

2 Famiɛn Mun 12:16

Sran nga be fa sika'n wla bé sa nun kɛ be fa man sua'n i su junman difuɛ mun'n, be usa-man be kɛ be kan sika i wun ndɛ, afin be si kɛ sran sɔ'm be ti nanwlɛfuɛ.

Saun Yolɛ 5:16

Man ɔ yi i sɔ like ng'ɔ fali'n, yɛ sɛ be bu i gua nun nnun'n, ɔ `fɛ i bue kun uka su nan ɔ `fɛ i kwlakwla sɔ'n man min nyrun jranfuɛ'n. Kɛ min nyrun jranfuɛ'n ko fa nnɛn'n ko yi tɛ'n, kpɛkuun min nyrun jranfuɛ'n ɔ `yo i yowlɛ nga be yo i titi'n su'n nan n `yaci sran sɔ'n i wun sa'n n cɛ i.

Saun Yolɛ 6:5

Sin ng'ɔ o min sɔwlɛ'n su b'ɔ jue'n, nán man ɔ nuan. Nglɛmun kwlaa man min nyrun jranfuɛ'n gua su yie, i su yɛ ɔ `dun mmua sie nnɛn nga be ´fa yi tɛ-ɔ be yrɛ i'n, kwlaa nan ɔ'a yra bo kun yolɛ i su tɛ'n i nnɛn lui'n.

Saun Yolɛ 7:7

Afiɛn siesielɛ tɛ'n i su mmla'n i kunngba'n yɛlɛ min kpatalɛ tɛ'n i su mmla'n. Nnɛn'n ti min nyrun jranfuɛ ng'ɔ yili min kpatalɛ tɛ'n i liɛ.»

Kalɛ 5:7

Sa ng'ɔ yoli'n, ɔ fata kɛ ɔ di i nanwlɛ. Like ng'ɔ wuali'n, man ɔ yi i ngba fa man like'n i fuɛ'n. Yɛ sɛ be bu like sɔ'n i gua'n nun nnun'n, man ɔ fɛ i bue kun su i bo.

Kalɛ 5:9

Like kwlaa nga Izraɛlfuɛ'm be yi i ninnge nga be ti min liɛ klonglo'n bé su, bɔ be fa man min nyrun jranfuɛ'n, ɔ ti i liɛ.