Kalɛ 5:3 - NYANMIƐN NDƐ'N 1998

³ Sɛ ɔ wie yasua o, sɛ bla o, man be kan bé bo, kɛ ɔ ´yo nan nanmue bɔ min Nyanmiɛn'n n wo nun'n ɔ'a yo-man fiɛn'n ti.

Kalɛ 5:3 ပူးပေါင်းရင်းမြစ်များ

1 Famiɛn Mun 7:3

Plafɔn'n ti sɛdri waka ekun. Plafɔn'n i waka'm bɔ be jaja kofiaja'm bé su'n, be ti ablanan-nin-nnun. Be ti nyanman nsan. Nyanman kun su blu-nin-nnun, kun su blu-nin-nnun.

Jue Mun 68:18

Nyanmiɛn i kakaklolo'm be ti akpi-akpi, be sɔnnin sɔnlɛ kpa. Ɔ fali be Sinai oka'n su lɔ yɛ ɔ bali i lika kpa nun wa-a.

Ezipt Lɔ Tulɛ'n 25:8

Man Izraɛlfuɛ'm be yo sua kun be man min, b'ɔ ti min liɛ klonglo, kɛ ɔ ´yo nan m'an tran amun afiɛn'n ti.

Ezipt Lɔ Tulɛ'n 29:45

N wa tran Izraɛlfuɛ'm be afiɛn, n ´yo be Nyanmiɛn.

Ezai 12:6

Siɔnfuɛ mun, amun klun b'ɔ ti jɔwa'n nin amun wun b'ɔ kpaja amun'n ti, amun `bo sro. Afin Izraɛl Nyanmiɛn'n b'ɔ wo amun afiɛn'n ɔ ti kpli!

Saun Yolɛ 14:8

Kpɛkuun man sran nga bɔ be boli i wun aso'n ɔ kpu i wun ninnge mun, yɛ ɔ `yi i wun ndrɛ'n ngba nan ɔ `fa nzue wunnzin. Kɛ ɔ ko yo sɔ'n siɛn'n, ɔ kɔ nanmue'n nun lɔ-ɔ ɔ yo ye. Sanngɛ i lele b'ɔ ´fa di le mɔcuɛ kun'n, nán man ɔ wlu i sua'n nun.

Saun Yolɛ 15:31

Amun `wla Izraɛlfuɛ'm bé su nun kpa kɛ cɛn nga fiɛn kan be'n, nán be ju min nyrun wa. Sɛ be ju min nyrun wa nan fiɛn kan mín tannin sua ng'ɔ o be afiɛn wa yɛ'n, be ´wu.»

Kalɛ 16:3

Be wa kpɛ sin yiali Moiz nin Aarɔn yɛ be seli be kɛ: «Amun liɛ'n ɔ'a flan ye ngboko, sran nga be ti Izraɛlfuɛ'n be kwlaa be ti Anannganman liɛ klonglo, yɛ Anannganman o e kwlaa e afiɛn. ?Yɛ wuun ɔ yo sɛ ti yɛ amun bu amún wun kɛ amun kpa tra Anannganman i sran'm be kwlaa nin-ɔn?»

Kalɛ 19:22

Like kwlaa nga bɔ sran ng'ɔ ti fiɛn'n kɛn i'n, like sɔ'n ɔ ´yo fiɛn. Sran ng'ɔ ko kɛn i sɔ like liɛ'n, ɔ ´yo fiɛn lele fa ju nnɔsua.»

Kalɛ 35:34

I sɔ'n ti amun nian amún wun kpa, nán amun yo mɛn nga amun tran nun'n bɔ m bɔbɔ kusu n tran nun wie'n i fiɛn. Afin min nin Izraɛlfuɛ mun yɛ e tran-an.»

Kalɛ 5:4

Izraɛlfuɛ'm be niannin Anannganman i nuan ndɛ b'ɔ kan kleli Moiz'n su, be yoli i su sa'n. Be kannin sran sɔ'm bé bo nanmue'n nun.»

Mmla'n 23:14

Sɛ amun ´kɔ alɛ kunlɛ'n, amun `fa sue kan amun `sie amun trɔ'n nun. I liɛ sran kwlaa nga i waan ɔ ´kɔ atin nun'n, ɔ ´fɛ i sue'n kpɛ kunman. Kpɛkuun sɛ ɔ wie atin nun kɔ'n, ɔ ´kata i waka su'n su.

Mmla'n 23:15

Man amun ngblaliɛ'n yo saun, afin Anannganman amun Nyanmiɛn'n nin amun yɛ ɔ o lɛ-ɔ. I yɛ ɔ sasa amun-ɔn, i yɛ ɔ yo man amun nyan kwlalɛ amun kpɔfuɛ'm bé su-ɔ. Sɛ ɔ wun like ng'ɔ yo-man nyɛnmɛn'n, ɔ ´jaso amún sin.

2 Tɛsalonikfuɛ Mun 3:6

Aniaan mun, e ´srɛ amun, an `nian e Min Jésus-Krist ti nán an fa amun wun mantan sran kwlaa ng'ɔ ti nvɛɛfuɛ bɔ like ng'ɔ yo'n nin ndɛ nga e kan kleli amun'n ti-man kun'n.

Tite 3:10

Sran ng'ɔ fa ngbaciɛ wla sran'm be afiɛn'n, sɛ a kan kle i kpɛ kun, kpɛ nnyɔn b'ɔ fa-man'n, yi ɔ́ nyin i wun,

Sa nglô yile 21:27

Like fiɛn fi nin sran ng'ɔ fɛ i wun man tete sa yolɛ'n b'ɔ bua ato'n, be su ju-man lɔ. San be nga be klɛli be dunman Bua Gbanflɛn'n i nguan fluwa nun'n be cɛ yɛ be ´ju lɔ-ɔ .

Sa nglô yile 21:3

N tili sran kun nɛn kekle kpa bia'n wun lɔ, ɔ seli kɛ: «Siɛn'n Nyanmiɛn i tranwlɛ'n wo sran'm be afiɛn! Ɔ nin be ´tran, be ´yo i sran, yɛ i bɔbɔ ´yo be Nyanmiɛn .