Kalɛ 5:28 - NYANMIƐN NDƐ'N 1998

²⁸ Sanngɛ sɛ bla'n ɔ'a kunndɛ-man bian i wun i bo'n, sɛ sa sɔ'n ɔ ti-man i nzuɛn'n, sa fi su ju-mɛn i su yɛ ɔ ´wu ba ekun.

Kalɛ 5:28 ပူးပေါင်းရင်းမြစ်များ

Jue Mun 113:9

Ɔ yo man bla klun kpanfuɛ'n ɔ nyan awlo kɛ bla ta bɔ i mma'm be sin yiɛ i bɔ i klun jɔ'n sa. Amun `manman Anannganman!

Kalɛ 5:19

Man min nyrun jranfuɛ'n ɔ yo man bla'n wunnzin i klun. Man min nyrun jranfuɛ'n se sran'm be kwlaa be nyrun lɛ kɛ: ‹Kɛ a o ɔ́ wun i bo'n, sɛ a nian kunndɛ-man yasua uflɛ le'n, nán man nzue nga a wa nɔn'n ɔ yo wɔ wunnzue.

Kalɛ 5:27

Sɛ bla'n nɔn nzue sɔ'n, sa ng'ɔ wa ju'n yɛ. Sɛ ɔ yoli i bɔbɔ i wun finfin'n i wun bo bian kunndɛlɛ nun'n, sannzan nzue'n ɔ ´wlu i klun lɔ, ɔ ´wlɛ i ku'n, kpɛkuun i klun ´yo kpan. I wla'n su gua-man ase kun. Kɛ ɔ fin lɛ'n, sɛ i wiengu'm be ´bo sran sannzan'n, be ´nian ng'ɔ juli i su'n i su yɛ be ´bo-ɔ.

Kalɛ 5:29

Kwla silɛ'n i su mmla liɛ'n yɛ ɔ o lɛ-ɔ. Ɔ ti bla kun b'ɔ kunndɛ bian i wun bo'n,

2 Korɛntfuɛ Mun 4:17

Nyrɛnnɛn kaan nga e wun i yɛ'n ɔ man e ´nyan tranwlɛ kpa nyanmiɛn su lɔ, e su jao-man nun le.

Mmla'n 24:1

Sɛ sran kun ja bla nan cɛn kun ju kpɛkuun i waan bla'n ɔ'a yo sa wie b'ɔ ti-man su'n, nan i ti ɔ klo-mɛn i kun'n, man ɔ klɛ fluwa wlɛ i sa nun kɛ ɔ'a yrɛ i. I sin man ɔ kan bla'n i bo i awlo'n nun.

1 Piɛr 1:7

i sɔ'n nun yɛ be ´wun kɛ an lafi Nyanmiɛn su kpa-a. Sika ɔkwlɛ bɔ cɛn wie ɔ ´saci'n, be klo i nian. Amun kusu kɛ an lafi Nyanmiɛn su'n, an ti kpa tra sika ɔkwlɛ, sanngɛ san be ´sa amun nian. Yɛ kɛ be wun kɛ an lafi i su kpa'n, cɛn nga Jésus-Krist wa yi i wun nglo'n, be ´manman amun, be ´yi amun ayɛ, yɛ be ´yo amun mo.