Kalɛ 5:27 - NYANMIƐN NDƐ'N 1998

²⁷ Sɛ bla'n nɔn nzue sɔ'n, sa ng'ɔ wa ju'n yɛ. Sɛ ɔ yoli i bɔbɔ i wun finfin'n i wun bo bian kunndɛlɛ nun'n, sannzan nzue'n ɔ ´wlu i klun lɔ, ɔ ´wlɛ i ku'n, kpɛkuun i klun ´yo kpan. I wla'n su gua-man ase kun. Kɛ ɔ fin lɛ'n, sɛ i wiengu'm be ´bo sran sannzan'n, be ´nian ng'ɔ juli i su'n i su yɛ be ´bo-ɔ.

Kalɛ 5:27 ပူးပေါင်းရင်းမြစ်များ

Jue Mun 109:18

Man sannzan'n b'ɔ bo'n ɔ tran i bɔbɔ su kɛ ɔ'a wlɛ i tralɛ'n sa. Man ɔ wluwlu i wun kɛ nzue wluwlu like nun'n sa. Man ɔ wluwlu i owie nun kɛ ngo wluwlu like nun'n sa.

Akunndanfuɛ'n 7:26

N wunnin kɛ bla nga ɔ sua yasua'm be wun aya'n, ɔ wla sran nyrɛnnɛn nun tra wie b'ɔ kun sran'n. Klolɛ ng'ɔ se kɛ ɔ klo yasua'n ɔ ti kɛ aya sa, yɛ i sa'n ɔ ti kɛ jrɔkɔ sa yɛ ɔ fa ci i-ɔ. Sanngɛ sran ng'ɔ klo Nyanmiɛn'n, i sɔ bla'n kwla nyɛn-mɛn i, san sran ng'ɔ yo sa tɛ'n yɛ ɔ kwla nyɛn i-ɔ.

Ezai 65:15

Sɛ amun wu'n, min sufuɛ nga be ´ka amún sin wa'n, be ´fa amun dunman'n yɛ be ´fa wa sran'm be amuɛn-ɔn. Be ´se kɛ: Man Anannganman kun wɔ kɛ sran nga sa annzɛ kɛ sran nga sa. Sanngɛ min sufuɛ'm be liɛ'n, m ´man be dunman uflɛ .

Zeremi 24:9

Sa nga n ´fa wla be nun'n man asiɛ'n su famiɛn diwlɛ'n kwlaa be nunfuɛ nga be wun be'n be ´bo kitika. Lika kwlaa wie ala bɔ n ´fuan be lɛ'n, lɛfuɛ'm be ´fa be dunman'n be ´kpɛ nzowa. Be ´kpɛ bé wun flɛn, be ´fa be bo sannzan.

Zeremi 29:18

N ´fa alɛ nin awe, ɔ nin tukpacɛ b'ɔ sa ndɛndɛ n ´su be su. N ´yo man asiɛ'n su famiɛn diwlɛ'm be wun be-ɔ be ´yo be sro.

Zeremi 29:22

Zidafuɛ nga be fali be ɔli Babilɔni'n, be ´fa be dunman'n fa bo sannzan kɛ: Man Anannganman yo wɔ kɛ ɔ fa yoli Sedesias nin Akab bɔ Babilɔni famiɛn'n yili be sin nun'n sa.

Zeremi 42:18

Anannganman b'ɔ sie mɛn wunmuan'n, Izraɛl Nyanmiɛn'n wan yoo: «Kɛ min ya dan'n kplo guali Zerizalɛmfuɛ'm be su'n yɛ ɔ ´kplo gua be nga be waan be kɔ Ezipt'n be su-ɔ. Sran'm be ´yo amun finfin: sɛ be waan be su bo sannzan'n, sɛ be ´kan sa sroesroe wie ndɛ'n annzɛ be su kan like wie b'ɔ lɛ-man nyrun annzɛ b'ɔ yo nyannzuɛn'n i ndɛ'n, amun dunman yɛ be ´bo-ɔ, yɛ amun su wun-man lika nga kun.»

Zeremi 44:12

Zida nvle'n nun sran onga kan bɔ be kali lɛ bɔ be waan be wu be bla nan san Ezipt yɛ be ´wanndi kɔ'n nan be ´kɔ tran lɔ'n, n ´fa be, be kwlaa be ´wu. Be ´wu Ezipt asiɛ'n su. Sɛ nán alɛ'n yɛ ɔ di be'n, awe'n yɛ ɔ ´kun be-ɔ. Ɔ lɛ-man be nun kun, be kwlaa'n be ´wu kpan. Sɛ sran wie waan ɔ su bo sannzan, sɛ sran wie waan ɔ ´kan sa sroesroe wie ndɛ'n, annzɛ sɛ ɔ su kan like wie b'ɔ lɛ-man nyrun annzɛ b'ɔ yo nyannzuɛn'n i ndɛ'n, amun dunman yɛ ɔ ´bo-ɔ.

Zakari 8:13

Zidafuɛ mun nin Izraɛlfuɛ mun, kɛ laa an bo sanndili nvle'm be nun bɔ be fa wunnin kɛ sannzan o amun su'n, kɛ n wa de amun, siɛn'n, be ´wun kɛ an ti muaefuɛ. Nán srɛ kun amun, an `tra amun anwlɛn !»

Kalɛ 5:20

Sanngɛ sɛ kɛ a o ɔ́ wun i bo'n, sɛ w'a yaci i lɛ w'a yo fiɛn le'n, sɛ yasua uflɛ nin wɔ lali'n,

Kalɛ 5:28

Sanngɛ sɛ bla'n ɔ'a kunndɛ-man bian i wun i bo'n, sɛ sa sɔ'n ɔ ti-man i nzuɛn'n, sa fi su ju-mɛn i su yɛ ɔ ´wu ba ekun.

Rɔmfuɛ Mun 6:21

?Sa nga an yoli be laa bɔ siɛn'n be yo amun nyannzuɛn'n, nguɛ like yɛ an nyɛnnin i nun-ɔn? Sa sɔ'm be agualiɛ'n yɛlɛ wie.

2 Korɛntfuɛ Mun 2:16

Be nga be su mlin'n be liɛ'n ɔ ti kɛ duwlɛ kpukpuwa sa, ɔ kun sran, yɛ be nga be su fite nun'n be liɛ'n ɔ ti like kpa, ɔ man be nyan nguan. ?Wan yɛ ɔ kwla di i sɔ junman nin-ɔn?

Mmla'n 28:37

Nvle nga Anannganman ´fa amun ´kɔ be nun'n, be nunfuɛ'm bé nuan ´bo bé wun. Be ´srisri amun, be ´yo amun finfin.

2 Piɛr 2:10

Be nga be liɛ'n ´yo tɛ tra su'n yɛlɛ be nga be konvi sɔ sa tɛtɛ'm be yolɛ'n, bɔ be bu-man Nyanmiɛn i like fi'n. Be yo sa nyin kekle su, yɛ be yo be bɔbɔ be klun sa. Be sro-man nyanmiɛn su lɔ sran nga be lɛ nyrun'n be nzowa kpɛlɛ.