Kalɛ 5:26 - NYANMIƐN NDƐ'N 1998

²⁶ Man min nyrun jranfuɛ'n ɔ fla like sɔ'n kan i sa buɛ kun, ɔ ti wla kpɛnlɛ like. Ɔ `yrɛ i min sɔwlɛ'n su. Kɛ ɔ ko yo sɔ'n, ɔ `fa nzue'n man bla'n kɛ ɔ nɔn.

Kalɛ 5:26 ပူးပေါင်းရင်းမြစ်များ

Saun Yolɛ 2:2

nan ɔ `fa ko to min nyrun jranfuɛ Aarɔn i mma mun. Ble sanmlɛn mlɛnnɛnnɛn kpa nga b'a fa ngo b'a sɛnngɛn i'n, man be fla bé sa buɛ kun, man be fa ansans, nan min nyrun jranfuɛ'n kun `yrɛ i min sɔwlɛ'n su. Ɔ ti sraka'n i nzɔliɛ kan. Be flɛ i kɛ Be Wla Kpɛnlɛ Like. Be `yrɛ i kɔlikɔli, ɔ bɔn min bue nun fannin.

Saun Yolɛ 2:9

Man min nyrun jranfuɛ'n ɔ fa Be Wla Kpɛnlɛ Like'n nan ɔ `yrɛ i min sɔwlɛ'n su. I sɔ sraka liɛ'n nga be yrɛ i kɔlikɔli'n, ɔ bɔn min bue nun fannin.

Saun Yolɛ 5:12

Ɔ `fa ble sanmlɛn mlɛnnɛnnɛn kpa'n man min nyrun jranfuɛ'n, nan i kusu flɛ i sa buɛ kun gua min sɔwlɛ'n su nan ɔ `yrɛ i kɛ tɛ nga be yrɛ i nnɛn'n kɔlikɔli'n sa. Ble sanmlɛn sa buɛ kun sɔ'n, be flɛ i kɛ: ‹Be wla kpɛnlɛ like›. Ngbata like yɛ be mannin-ɔn.

Saun Yolɛ 6:15

Aarɔn i osu nunfuɛ kun nga be ko fɛ i be ko jrɛn i ajalɛ nun'n, ɔ ´yi sraka kunngba'n. I sɔ like liɛ'n ti min kunngba min liɛ tititi, be `yrɛ i kɔlikɔli.

Kalɛ 5:25

I sin, man min nyrun jranfuɛ'n fa bla i sa nun like nga i waan ɔ fa man min'n, ɔ `toto i mín nyrun lɛ, kpɛkuun ɔ `fa like sɔ'n man min, ɔ `fa sie min sɔwlɛ'n su.