Sɛ kannin'n nian wu-man'n, wuun fiɛn'n kusu tɛ o i wun. I sɔ'n ti ɔ fata kɛ ɔ nyɛn i tranwlɛ liɛ lika uflɛ. Nán man ɔ nin i wiengu kun nga mun be tran likawlɛ kun. Man ɔ jaso min nanmue'n nun ko kplɛn i kpata liɛ lika uflɛ.»
Anannganman tɛli i su kɛ: «?Sɛ i si guɛli i nyrun'n nun ngɔsrɛ bɔbɔ'n, nán cɛn ba nso yɛ ɔ tran nyannzuɛn nun-ɔn? I sɔ'n ti, man be kɛn i bo ngblaliɛ'n nun nan ɔ ko di cɛn ba nso nan ɔ'a sɛ i sin i wiengu'm be afiɛn wa ekun.»
«Kokowefuɛ'm be kwlaa nin sran kwlaa b'ɔ lɛ loliɛ'n, annzɛ sran kwlaa ng'ɔ kannin fuɛn b'ɔ man fiɛn ɔ'a kɛn i'n, man Izraɛlfuɛ'm be mmla kɛ be kan bé bo nanmue'n nun.
