Kalɛ 4:32 - NYANMIƐN NDƐ'N 1998

³² nin awa'n i waka mun, nin i kpɛngbɛ mun, nin i nyanman mun, ɔ nin ninnge sɔ'm bé wun ninnge nga be fa di bé wun junman'n. Man min nyrun jranfuɛ'm be klɛ ninnge nga sran kun ´sua'n be dunman fluwa su.

Kalɛ 4:32 ပူးပေါင်းရင်းမြစ်များ

1 Be Nyoliɛ 9:29

Be wie'm be kusu be nian Nyanmiɛn i lika kpa'n nun lɔ kpongbo'm be su. Yɛ be nian ble sanmlɛn mlɛnnɛnnɛn'n, nin nzan'n, nin ngo'n, nin ansans'n, ɔ nin parfɛn'n be su.

Ezipt Lɔ Tulɛ'n 25:9

Kɛ amun ´yo tannin sua nga n yi min wun nglo nun'n nin i klun lɔ ninnge mun'n, amun `nian jajalɛ nga n wa fa kle amun yɛ'n su yɛ amun yo-ɔ.»

Ezipt Lɔ Tulɛ'n 27:9

«Man min tannin sua nga n yi mín wun nglo nun'n nyan awlo klun. Man tannin tanmue nga be fali lɛn b'ɔ sɔ kpa yɛ be yoli'n be sin yia awlo klun'n. Man awlo klun sɔ'n i bue ng'ɔ kpɛ ngua lɔ'n `yo mɛtri ablenun.

Ezipt Lɔ Tulɛ'n 38:17

Sua ja nga be o awa'n nun'n be ti aaba. Tanmue'm be ase tralɛ like nin bé bo suanlɛ like'm be ti jɛtɛ ufue.

Ezipt Lɔ Tulɛ'n 38:21

Nyanmiɛn i tannin sua b'ɔ ti i bɔbɔ i alaka'n i siewlɛ'n i kplanlɛ'n wun ninnge'n kwlaa bé nuan'n yɛ: Moiz yɛ ɔ seli Levifuɛ'm be kɛ be `ka ninnge sɔ mun nan be `si bé nuan-an. Aarɔn i wa yasua Itamar b'ɔ ti Nyanmiɛn nyrun jranfuɛ'n yɛ ɔ ti ninnge'm be kalɛ sɔ'n i su kpɛnngbɛn nin-ɔn.

Kalɛ 3:36

Nyanmiɛn i lika'n i waka paplaapla nin waka nga be fa jaja nun'n, ɔ nin sua'n i ja'm be takawlɛ mun, yɛ ninnge'm bé onga'm be kwlaa, be yɛ be nian bé su-ɔ.

Kalɛ 3:8

Man be nian tannin sua'n i nun ninnge'm be lika. Man be di mín tannin sua'n i wun junman man Izraɛlfuɛ mun.

Kalɛ 4:31

Junman nga be wa di'n be mun yɛ: be `sua min lika'n i waka paplaapla mun nin waka nga be fa jaja nun'n, nin sua ja mun, nin bé takawlɛ mun,

Kalɛ 4:33

Junman nga be fa mannin Mɛrari i osu nunfuɛ mun kɛ be di i tannin sua nun'n yɛ ɔ o lɛ-ɔ. Nyanmiɛn nyrun jranfuɛ Aarɔn i wa Itamar yɛ ɔ nian bé su be junman'n i dilɛ nun-ɔn.»

Kalɛ 7:1

Kɛ Moiz wieli Nyanmiɛn i lika'n i kplan'n, ɔ guali su ngo yɛ ɔ fa wlali Anannganman bɔbɔ sa nun. Ɔ fali lika sɔ'n i nun ninnge mun wlɛli i sa nun. I sin ɔ fali Nyanmiɛn sɔwlɛ'n nin i wun ninnge mun wlali Anannganman bɔbɔ sa nun ekun. Ɔ guali ninnge sɔ'm be kwlaa be su ngo.

Kalɛ 7:8

Ɔ mannin Mɛrarifuɛ'm be kakaklolo nnan ɔ nin nannin mɔcuɛ, kɛ be junman'n ɔ fa ti ju'n, i su yɛ be niannin be mannin be-ɔ. Be junman sɔ'n i dilɛ nun'n, Nyanmiɛn nyrun jranfuɛ Aarɔn i wa Itamar yɛ ɔ nian bé su-ɔ.