Kalɛ 4:30 - NYANMIƐN NDƐ'N 1998

³⁰ Ka be kwlaa nga b'a di afuɛ ablasan annzɛ afuɛ ablasan gua su'n lele fa ju afuɛ ablenun'n, nan be `man be junman wie mun tannin sua bɔ n yi mín wun nglo nun lɔ'n i nun man be di.

Kalɛ 4:30 ပူးပေါင်းရင်းမြစ်များ

Kalɛ 4:23

Be nga be `klɛ be dunman sɔ'n yɛlɛ sran nga b'a di afuɛ ablasan annzɛ afuɛ ablasan ɔ'a gua su'n lele fa ju afuɛ ablenun'n. Be `fa be kɛ be `di junman wie mun tannin sua nga bɔ n yi min wun nglo nun'n i nun.

Kalɛ 4:29

Anannganman seli Moiz kɛ: «Klɛ Mɛrari mma'm be dunman. Kɛ be awlobo'n nin be afiliɛ'n fa ti'n, be su yɛ amun nian be klɛ-ɔ.

Kalɛ 4:3

Be nga be ´klɛ be dunman sɔ'n yɛlɛ sran nga b'a di afuɛ ablasan nin afuɛ ablasan gua su'n lele b'ɔ ´fa ju afuɛ ablenun'n. Be kwlaa be kwla di junman tannin sua nga n yi min wun nglo nun'n i nun.

Kalɛ 4:31

Junman nga be wa di'n be mun yɛ: be `sua min lika'n i waka paplaapla mun nin waka nga be fa jaja nun'n, nin sua ja mun, nin bé takawlɛ mun,

Kalɛ 8:24

«Levifuɛ'm be junman'n i wun ndɛ yɛ: Levifuɛ kwlaa ng'ɔ ko nyan afuɛ ablaɔn-nin-nnun'n, man ɔ wlu min junman'n nun sua'n nun lɔ.

2 Timote 2:4

Sonja ng'ɔ ti sonja kpa bɔ i waan ɔ ´yo sa ng'ɔ ti i su kpɛn'n i klun su'n, ɔ fɛ-mɛn i wun wla-man like nga sran kun'm be yo'n nun.