Kalɛ 4:15 - NYANMIƐN NDƐ'N 1998

¹⁵ Kɛ Aarɔn nin i mma mun be ko wie min ninnge nga be o min lika nun'n bé wun cici'n, bɔ Izraɛlfuɛ'm be ´tu bé bo be ´kɔ'n, Keatfuɛ mun yɛ be wa sua ninnge sɔ mun-ɔn. Sanngɛ nán be kan like bɔ be ti min liɛ klonglo mun kɛ ɔ ´yo nan b'a wu-man'n ti. Junman ng'ɔ ti Keatfuɛ'm be liɛ tannin sua'n nun'n yɛ ɔ o lɛ-ɔ.

Kalɛ 4:15 ပူးပေါင်းရင်းမြစ်များ

2 Samiɛl 15:24

Nyanmiɛn nyrun jranfuɛ Zadɔk nin Levifuɛ'm be kwlaa be o lɛ wie, Nyanmiɛn i alaka'n wo bé sa nun. Be takali i lɛ, kɛ sran'm be ´fin klɔ'n nun lɔ fite'n, wuun Abiatar ´yi tɛ'n.

2 Samiɛl 6:13

Kɛ sran nga be sua Anannganman i alaka'n be tuli bé ja koko nsiɛn'n, David fali nannin yasua b'ɔ b'a kpɛ cro'n kun, bɔ ɔ'a lo kpa'n yili tɛ.

1 Famiɛn Mun 8:3

Izraɛl kpɛnngbɛn'm be kwlaa be bali, Nyanmiɛn nyrun jranfuɛ'm be suali alaka'n.

1 Be Nyoliɛ 15:15

Levifuɛ'm be suali Nyanmiɛn i alaka'n. Be fɛli i sa floloflolo mun sieli be wati su. Be niannin nga Anannganman kan kleli Moiz kɛ be yo'n su yɛ be yoli-ɔ .

1 Be Nyoliɛ 15:2

kpɛkuun i waan: «Sran fi su sua-man Nyanmiɛn i alaka'n san Levifuɛ mun, afin be yɛ Anannganman kpali be kɛ be sua nan be di i wun junman titi-ɔ. »

1 Be Nyoliɛ 23:26

I liɛ'n, Levifuɛ'm be su sua-man tannin sua'n nin Anannganman sulɛ ninnge'n kun.»

Ezipt Lɔ Tulɛ'n 19:12

Ja awɛ tɛɛn man ɔ́ sin yia oka'n nan se be kɛ: ‹Nán amun fu oka'n su, nán amun mɛntɛn i'n bɔbɔ. Like kwlaa ng'ɔ mɛntɛn i'n be ´kun i.

Ezipt Lɔ Tulɛ'n 19:21

Anannganman seli i kɛ: «Ko kan kle sran'm be kɛ nán be wanndi bla min nianlɛ. Sɛ be yo i sɔ'n, be nun kpanngban kpa be ´wu.

Ezipt Lɔ Tulɛ'n 27:7

Man be fa waka floloflolo sɔ'm be wla sika ɔkwlɛ nga'm be nun. Be `fa kun wla i bue kun su, yɛ be fa kun'n kusu wla i bue kun'n su kɛ ɔ ´yo nan b'a kwla sua min sɔwlɛ'n ti.

Saun Yolɛ 16:13

Man ɔ fa ansans nzuɛn'n ɔ guɛ i sɛnmlɛn su min nyrun lɛ. Kpɛkuun i wɛnsrɛn ng'ɔ fite lukuu'n, ɔ ´kata min alaka'n bɔ i nun yɛ min mmla blu'n wo'n ɔ nin i tre'm bé su. Sɛ Aarɔn yo i sɔ'n, wie'n su kun-mɛn i.

Kalɛ 1:50

Tannin sua nga n yi min wun nglo nun'n bɔ min alaka'n wo nun'n, ɔ nin i wun ninnge'n kwlaa, fa wlɛ i Levifuɛ'm bé sa nun. Sɛ amun su tu amun bo kɔ lika uflɛ'n, be yɛ be ti tannin sua'n nin i wun ninnge'm be suafuɛ-ɔ. Be ´di sua sɔ'n i nun junman yɛ be ´yo be ngblaliɛ liɛ'n sin yiɛ i.

Kalɛ 1:51

Sɛ amun su tu amun bo kɔ lika uflɛ'n, be yɛ be ti i tutufuɛ-ɔ. Blɛ bɔ amun ´kplan amun ngblaliɛ mun'n, be yɛ be ti tannin sua'n i kplanfuɛ-ɔ. Sɛ ɔ min kun bɔ a ti-man Levifuɛ a ko mantan mín tannin sua'n, be ´kun wɔ.

Kalɛ 10:21

Levifuɛ nga be fin Keat osu nun'n, bɔ be sua ninnge nga be ti Nyanmiɛn liɛ klonglo'n be suli bé su. Levifuɛ'm bé onga'm be dun mmua ko kplannin Nyanmiɛn i lika'n be fa minndɛli Keatfuɛ mun.

Kalɛ 18:3

Be ´di junman be ´man amun, yɛ be ´di junman min tannin sua'n nun. Kɛ ɔ ´yo nan b'a wu-man nan amun bɔbɔ kusu amu'an wu-man'n ti, nán be mantan ninnge nga be ti min liɛ klonglo'n mun annzɛ min sɔwlɛ'n.

Kalɛ 3:38

Moiz, nin Aarɔn nin i mma'm be ngblaliɛ liɛ'n wo wia afiliɛ lɔ kan be sin be wlu Anannganman i tannin sua ng'ɔ yi i wun nglo nun'n nun lɔ'n. Be yɛ be ´di Nyanmiɛn i lika'n i nun junman Izraɛlfuɛ'm be kwlaa be dunman nun-ɔn. Sɛ sran wie b'ɔ ti-man Nyanmiɛn i nyrun jranfuɛ'n, i waan ɔ ´di i sɔ junman'n wie'n, be `kun i.

Kalɛ 4:14

Be `fa ninnge nga be fa yi tɛ'n be kwlaa be `sie su, nzuɛn tulɛ like mun o, atiɛ je mun o, peli mun o, kpongbo dandan mun o. Man be cici i kwlaa sɔ'm bé wun nin nnɛn kplo ng'ɔ sɔ kpa'n, yɛ man be fa min sɔwlɛ'n i waka floloflolo'm be wla i sa'm be nun.

Kalɛ 4:19

Kɛ ɔ´yo nan b'a wu-man, nan b'a tran nguan nun blɛ bɔ be nian ninnge nga be ti min liɛ klonglo be lika'n ti'n, like nga amun `yo man be'n yɛ: Aarɔn, a nin ɔ mma mun, amun `fa Keatfuɛ sɔ'm be nun kunngun `sie be be junman'm be su, yɛ amun `kle be like ng'ɔ fata kɛ be `yo'n.

Kalɛ 4:20

Nán man be se kɛ be ´ko sa nian min ninnge bɔ be su cici bé wun kaan sa. Afin sɛ be wun min ninnge sɔ mun-ɔn, be ´wu.»

Kalɛ 7:9

Sanngɛ ɔ'a man-man Keatfuɛ'm be wie. Sa ti bɔ ɔ'a man-man be wie'n yɛlɛ kɛ be yɛ be nian ninnge nga be ti Nyanmiɛn liɛ'n bé su-ɔ. Ninnge sɔ'm be kusu be wati su yɛ be sua be-ɔ.

Mmla'n 31:9

Moiz klɛli Nyanmiɛn i mmla'n, ɔ fa mannin Nyanmiɛn nyrun jranfuɛ'm bɔ be ti Levifuɛ'n, bɔ be sua Anannganman i alaka'n. Ɔ fa mannin be ɔ nin Izraɛl kpɛnngbɛn'm be kwlaa.

Zozie 4:10

Nyanmiɛn nyrun jranfuɛ nga be sua Nyanmiɛn i alaka'n, be jrannin Zurdɛn ba'n i afiɛn lele san ndɛ nga Anannganman fa wlali Zozie nuan kɛ ɔ `kan kle nzrafuɛ mun'n, be niannin i kwlaa su yoli. Ɔ man Zozie fali ndɛ nga Moiz kan kleli i'n su. Izraɛlfuɛ'm be kannin bé wun be kpɛli Zurdɛn'n.

1 Samiɛl 6:19

Bɛt-Semɛsfuɛ'm be niannin Anannganman i alaka'n nun, i ti ɔ nin be nyɛnnin. Ɔ kunnin be nun sran ableso. Klɔ nunfuɛ'm be trannin awlaboɛ nun sa yalɛ dan sɔ'n bɔ Anannganman fa yili bé su'n ti.