Kalɛ 34:2 - NYANMIƐN NDƐ'N 1998

² ɔ `kan ndɛ yɛ mun kle Izraɛlfuɛ mun. I waan: «Amun su wa wlu Kanaan mɛn'n nun. Mɛn sɔ b'ɔ ti amun liɛ'n i nuan su lika mun yɛ:

Kalɛ 34:2 ပူးပေါင်းရင်းမြစ်များ

Bo Bolɛ 10:19

Ɔ man Kanaanfuɛ'm be lika'n fɛ i Sidɔn kɔ Gerar bue liɛ'n su lɔ lele ju Gaza. Kpɛkuun ɔ kɔ Sodɔm, nin Gomɔr, nin Adma, nin Zɛbɔim bue liɛ'n su lɔ lele ju Lesa.

Bo Bolɛ 17:8

N ´fa mɛn nga a ti nun aofuɛ yɛ'n m ´man wɔ nin ɔ osu'n. N ´fa Kanaan mɛn wunmuan'n m ´man be. Ɔ ti be liɛ titi, yɛ kusu n ´yo be Nyanmiɛn .»

Jue Mun 105:11

Ɔ seli be kɛ: «N ´fa Kanaan mɛn'n m ´man amun. Ɔ ti amun aja like yɛ amun nyɛnnin i-ɔ.»

Ezipt Lɔ Tulɛ'n 23:31

Amun mɛn liɛ'n ´bo i bo ndɛma jenvie'n su lele ´fa ju Mediterane jenvie'n su, yɛ ɔ ´fɛ i Sinai aawlɛ flɛnnɛn'n su lele fa ju Efrat nzue ba'n su. Afin n wa fa be nga be o lika sɔ'm be nun'n n ´wla amún sa nun nan amun kan bé bo.

Zeremi 3:19

Sɛ n ´kwla se'n, laa n waan: «N klo kɛ n ´fa wɔ n ´yo min wa yasua klikli nan m ´man wɔ mɛn klanman kpa kun bɔ i yɛ ɔ ti mɛn'm be kwlakwla be nun klanman nin-ɔn. N waan: ‹A wa flɛ min kɛ Baba.› A su kpɔci-man min.

Ezekiɛl 47:13

Anannganman Nyanmiɛn wan yoo: «N wa kle wɔ mɛn nga Izraɛl akpasua blu-nin-nnyɔn'm be wa cɛ nun'n i anyialiɛ mun. Zozɛf i akpasua liɛ'n, ɔ ´nyan akpasua nnyɔn lika.

Ezekiɛl 47:14

Amun ´cɛ lika'n nun sɛsɛ, afin n tali nda kɛ n ´fa Izraɛl mɛn'n m man amun nannan mun. I sɔ'n ti lika'n wa yo amun liɛ.

Kalɛ 34:1

Anannganman seli Moiz kɛ

Sa nga bé yôli'n 17:26

Sran ng'ɔ yili be'n be kwlaa be osu'n ti kun. Ɔ yili be kɛ be tran asiɛ'n su, ɔ sieli be afuɛ nga be di'n i nuan, yɛ ɔ jali nvle kun nin kun be awɛ.

Sa nga bé yôli'n 26:18

N ´sunman wɔ kɛ a tike bé nyin nan be jao aosin'n nun be bla weiin nun, nan be jao Satan sa nun be bla Nyanmiɛn sin nan ɔ yaci bé wun sa'n cɛ be, yɛ like nga be nga be lafi n su'n bɔ i ti yɛ be kaci n liɛ'n be nyɛn i'n, be ´nyan be liɛ.› »

Efɛzfuɛ Mun 1:14

Like nga Nyanmiɛn seli e kɛ e ´nyɛn i'n, i Wawɛ sɔ'n yɛ ɔ kle kɛ e ´nyɛn i sakpa nin-ɔn. Ɔ kle e weiin kɛ cɛn nga ɔ ko de i sran'm bé ti mlɔnmlɔn'n e ´nyɛn, yɛ ɔ ´nyan kɔmin.

Efɛzfuɛ Mun 1:18

N srɛ i ekun kɛ ɔ `yo nan an wun sa wlɛ weiin kpa nan kɛ ɔ flɛli amun'n, an si like nga i sran'm be nyin o i sin'n. Yɛ n srɛ i kɛ an si kɛ i sran'm be anyanbeun'n ɔ ´yo dan, afin like nga i waan ɔ ´fa man be'n ɔ ti like kpa sakpa.

Zozie 11:23

Wafa nga Anannganman kan kleli Moiz kɛ ɔ `fa mɛn sɔ'n, i su yɛ Zozie nian fali-ɔ. Ɔ fa cɛcɛli Izraɛl akpasua'm be kwlaa, i sin yɛ Izraɛlfuɛ'm be deli wunmiɛn alɛ kunlɛ nun-ɔn.

Zozie 13:1

Kɛ Zozie yoli kpɛnngbɛn'n, Anannganman seli i kɛ: «Wɔ yɛ w'a yo kpɛnngbɛn yɛ, yɛ sanngɛ lika ng'ɔ fata kɛ a fa'n b'ɔ tɛ ka lɛ'n ɔ ti lɔun.

Zozie 21:43

Anannganman fali mɛn ng'ɔ boli bé nannan'm be kasiɛ kɛ ɔ ´fa man be'n i ngba mannin be. Be fa yoli be liɛ, be trannin nun.