Kalɛ 32:41 - NYANMIƐN NDƐ'N 1998

⁴¹ Zair b'ɔ ti Manase i wa kun ekun'n, i osu nunfuɛ'm be ko fali Amɔrfuɛ'm be klɔ kanngan mun, nan b'a flɛ be kɛ «Zair i klɔ mun.»

Kalɛ 32:41 ပူးပေါင်းရင်းမြစ်များ

1 Famiɛn Mun 4:13

Gebɛr i wa'n, ɔ fin Ramɔt. Ramɔt'n ɔ o Galaad akpasua'n su. Gebɛr i lika liɛ'n yɛlɛ Manase i wa Zair i klɔ kanngan nga be o Galaad akpasua'n su'n. Gebɛr i lika'n wie ekun yɛlɛ Argɔb lika'n ng'ɔ o Bazan'n. Bazan lika'n ɔ ti kpɛtɛkplɛɛ. Klɔ dandan kpa ablesiɛn be o Gebɛr i lika'n nun, talɛ sisi bé wun, be anuan'n be ti aaba.

Mmla'n 3:14

Manase i wa Zair i osu nunfuɛ'm be fali Argɔb lika wunmuan'n Bazan lika'n nun lɔ lele kpɛn Gesirfuɛ mun nin Maakatfuɛ'm be awɛ'n su. Be fali be dunman sieli lɛ klɔ'm be su. Be flɛ be kɛ Zair klɔ, lele ndɛ be tɛ flɛ be sɔ.

Zozie 13:30

i ngua lɔ'n i nuan yɛlɛ Maanaim, Bazan nin Ɔg b'ɔ ti Bazan famiɛn'n i mɛn'n wunmuan, ɔ nin Zair i klɔ kanngan ablesiɛn'n be o lika sɔ'n nun.

Jɔlɛ Difuɛ Mun 10:4

Ɔ wuli ba yasua ablasan. Be lɛ be aflunmun ablasan yɛ be fu su-ɔ. Be lɛ klɔ ablasan Galaad nvle'n nun lɔ. Lele ndɛ be tɛ flɛ be kɛ Zair klɔ.