I blɛ sɔ'n nun yɛ e fali lika ng'ɔ o Arɔɛr i nglo lɔ Arnɔn nzue ba'n i nuan lɔ nin-ɔn. N kpacili Galaad b'ɔ ti oka-oka lika'n i nun kpla, n fɛli i bue kun m mannin Ribɛnfuɛ mun nin Gadfuɛ'm be osu nunfuɛ mun. N fali lɛ klɔ mun m mannin be.
Manase b'ɔ ti Zozɛf i wa kpɛnngbɛn'n i akpasua liɛ'm be kusu be nyannin be lika liɛ. Makir b'ɔ ti Manase i wa kpɛnngbɛn'n ɔ ti alɛ kunfuɛ dan, i si'n yɛlɛ Galaad, i mma liɛ'm be dun mmua nyannin be lika liɛ, yɛlɛ Galaad nin Bazan lika'n, ɔ o Zurdɛn i wia afiliɛ.