Kalɛ 32:4 - NYANMIƐN NDƐ'N 1998

⁴ lika nga Anannganman yoli man Izraɛlfuɛ'm be nyɛnnin i'n nun. Lika bɔ klɔ sɔ'm be o su'n, sɛ be ta nnɛn nun-ɔn ɔ ´yo kpa, yɛ e kusu e lɛ nnɛn.»

Kalɛ 32:4 ပူးပေါင်းရင်းမြစ်များ

1 Be Nyoliɛ 4:41

Ezekias b'ɔ ti Zida famiɛn'n blɛ su'n, sran nga be boboli be dunman lɛ'n, be ko bubuli be nga be o lɛ'n bé tannin sua mun nin be tranwlɛ mun, be nunnunnin be kwlaa, kɛ e ´se yɛ'n, be wun-man be osu bɔ kaan sa. Be nunnunnin be, kpɛkuun be trannin be osu, afin be nyannin be bua'm be didiwlɛ lɛ.

Zeremi 50:19

N ´fa Izraɛl n sɛ i sin i osu. N ´fɛ i n sɛ i sin Karmɛl nin Bazan lɔ didiwlɛ'm be nun. I klun ´jɔ Efraim oka'm be su nin Galaad mɛn'n nun.

Mise 7:14

Anannganman, ɔ kpɔnman nga a fa kankan nnɛn'n, fa nan fa kankan ɔ mɛn'n nunfuɛ mun, be ti ɔ liɛ. B'a cuɛn bé wun be gua bo ble wie afiɛn. Fa be kɔ Bazan nin Galaad mɛn'n nun lɔ nan be ko di like kɛ a fa yo i laa'n sa.

Kalɛ 21:24

Izraɛlfuɛ'm be kwlali be, be fali be mɛn wunmuan b'ɔ fɛ i Arnɔn nzue'n su fa ju Zabɔk nzue'n su'n, lele ɔ fa ju Amɔnfuɛ'm be anyialiɛ'n su lika ng'ɔ kpɛ wia afiliɛ lɔ'n b'ɔ ti talɛ tɛɛn'n su.

Kalɛ 21:34

Anannganman seli Moiz kɛ: «Nán sro i. N wa yo man a ´kwlɛ nin i alɛ kunfuɛ mun, ɔ nin i mɛn wunmuan'n bɔbɔ. Kɛ a fa yoli Amɔrfuɛ'm be famiɛn'n b'ɔ tran Ɛsbɔn'n, i sɔ yɛ a wa fa yo i-ɔ.»

Kalɛ 21:35

Izraɛlfuɛ'm be kwlali Ɔg nin i bo mma mun, ɔ nin i alɛ kunfuɛ'm be kwlaa. B'a yaci-man ba kun sa nun, be fɛli i mɛn'n.

Kalɛ 32:5

Be seli Moiz kɛ: «Sɛ ɔ ti ɔ klun su'n, e ´srɛ wɔ kɛ a fɛ i sɔ asiɛ liɛ'n man ye. Nán fa e kɔ Zurdɛn nzue ba'n i bue kun'n su lɔ.»

Mmla'n 4:38

Ɔ fuannin nvle wie'm be nun sran mun, yɛ ɔ fali be mɛn'n mannin amun kɛ amun tran nun. Amun bɔbɔ amun nyinma ta sa sɔ mun kɛ e se yɛ'n. Nvle sɔ'm be dan tra amun liɛ yɛ be nunfuɛ'm be kekle tra amun.