Kalɛ 32:39 - NYANMIƐN NDƐ'N 1998

³⁹ Manase i wa Makir i osu'n nunfuɛ'm be nin Galaadfuɛ'm be kunnin, nan b'a fa be lika'n, yɛ be kannin Amɔrfuɛ nga be tran lɛ'n bé bo.

Kalɛ 32:39 ပူးပေါင်းရင်းမြစ်များ

Bo Bolɛ 50:23

Zozɛf sili Efraim i anunman sian mun nan ɔ'a wu. Ɔ fali Manase i wa Makir i mma liɛ mun yoli i liɛ.

2 Samiɛl 24:6

Be ɔli Galaad mɛn'n nun, i sin be ɔli Taktim-Ɔdsi mɛn'n nun, yɛ be ɔli Dan-Zaan. I sin be ɔli Sidɔn asa'n su.

Kalɛ 26:29

Manase akpasua'n su osu-osu mun yɛ: Makirfuɛ mun bɔ be ti Makir i osu'n nun mma mun'n, yɛ Galaadfuɛ mun bɔ be ti Galaad i osu'n nun mma mun'n.

Mmla'n 3:15

N fali Galaad mɛn'n m mannin Manase i wa Makir i osu nunfuɛ mun.

Zozie 17:1

Manase b'ɔ ti Zozɛf i wa kpɛnngbɛn'n i akpasua liɛ'm be kusu be nyannin be lika liɛ. Makir b'ɔ ti Manase i wa kpɛnngbɛn'n ɔ ti alɛ kunfuɛ dan, i si'n yɛlɛ Galaad, i mma liɛ'm be dun mmua nyannin be lika liɛ, yɛlɛ Galaad nin Bazan lika'n, ɔ o Zurdɛn i wia afiliɛ.

Jɔlɛ Difuɛ Mun 10:8

Nvle sɔ'm be yoli be tɛtɛ kpa. Kɛ ɔ fɛ afuɛ sɔ'n nun lele b'ɔ ´fa di afuɛ blu-nin-mɔcuɛ'n, Izraɛlfuɛ nga be tran Zurdɛn i bue kun lɔ'n wia afiliɛ lɔ lika nun Amɔrfuɛ'm be lika ng'ɔ o Galaad lɔ'n, be wunnin nyrɛnnɛn dan.

Jɔlɛ Difuɛ Mun 5:14

Yɛ Efraim i akpasua su sran'm bɔ be kwlali Amalɛkfuɛ mun'n be bali-ɔ. Bɛnzamɛn i akpasua'n su sran'm be suli bé su, be nin be sanngannin nun. Makir osu nun sran'm be kpɛnngbɛn'm be bali, Zabilɔn i osu'n nun sran'm be kpɛnngbɛn'm be bali,