Kalɛ 32:29 - NYANMIƐN NDƐ'N 1998

²⁹ Ndɛ nga Moiz kan kleli be'n yɛ: «Sɛ Gadfuɛ nin Ribɛnfuɛ'm be fa alɛ ninnge mun nan be nin amun kpɛ Zurdɛn'n, nan be ko kun alɛ'n kɛ Anannganman fa kannin'n sa'n, sɛ be uka amun nan amun fa mɛn'n, amun `fa Galaad mɛn'n be `fa man be.

Kalɛ 32:29 ပူးပေါင်းရင်းမြစ်များ

Kalɛ 32:17

I sin e ´fa e alɛ ninnge mun e dun mmua Izraɛlfuɛ'm be nyrun lele e ´fa be kɔ be lika liɛ'm be nun. Kɛ ɔ ´yo sɔ'n, wuun é yi nin e mma'm be o klɔ nga e sisili bé wun'n be nun, sran fi sa su kan-man be.

Kalɛ 32:28

Moiz fali sran sɔ'm bé su mmla mannin Nyanmiɛn nyrun jranfuɛ Eleazar nin Nɛn i wa Zozie, ɔ nin awlobo kpɛnngbɛn mun.

Kalɛ 32:30

Sanngɛ sɛ b'a yo-mɛn i sɔ'n, man be asiɛ liɛ nga be nyɛn i'n ɔ `tran amun afiɛn Kanaan mɛn'n nun lɔ.»

Zozie 12:6

Moiz nin Izraɛlfuɛ'm be kwlali famiɛn nnyɔn sɔ mun, nan Moiz b'ɔ ti Anannganman i sufuɛ'n ɔ'a fa be mɛn ɔ'a man Ribɛn akpasua'n, ɔ nin Gad akpasua'n, ɔ nin Manase akpasua'n i bue.

Zozie 13:11

Galaad mɛn'n, Gesir nin Maaka lika'n, Ɛrmɔn oka'n ɔ nin Bazan'n kwlaa lele fa to Salka klɔ'n, ɔ o lika sɔ'n nun.

Zozie 14:3

Moiz dun mmua fali lika ng'ɔ o Zurdɛn i bue ng'ɔ kpɛ wia afiliɛ lɔ'n fa cɛcɛli akpasua nnyɔn nin bue'n bé ti nun ti nun, ɔ'a man-man Levi akpasua'n sufuɛ'm be wie,

Zozie 18:7

Levifuɛ'm be su nyan-man lika'n wie. Ng'ɔ ti be liɛ'n yɛlɛ Anannganman i nyrun jranlɛ junman'n. Gad nin Ribɛn be akpasua mun ɔ nin Manase i akpasua'n i bue be kusu be dun mmua nyannin be lika liɛ Zurdɛn'n i wia afiliɛ lɔ. Moiz bɔbɔ b'ɔ ti Anannganman i sufuɛ'n yɛ ɔ fa mannin be-ɔ.»

Zozie 22:9

Ribɛn akpasua'n, nin Gad akpasua'n, ɔ nin Manase akpasua bue'n be ɔli be nvle liɛ'n nun. Be kaleli Izraɛlfuɛ nga be o Silo lɔ'n, Kanaan mɛn'n nun lɔ. Be ɔli Galaad mɛn bɔ Anannganman man Moiz mannin be'n nun lɔ.

Jɔlɛ Difuɛ Mun 10:3

Sran ng'ɔ sinnin Tola i ajalɛ nun'n yɛlɛ Zair b'ɔ fin Galaad'n. Ɔ sieli Izraɛl afuɛ ablaɔn-nin-nnyɔn.

1 Samiɛl 18:17

Sail seli i klun lɔ kɛ: «M bɔbɔ n su n yo-mɛn like. Filistifuɛ'm be ´ko kun i.» Yɛ ɔ seli David kɛ: «Merab b'ɔ ti min wa bla kpɛnngbɛn'n yɛ ɔ o lɛ-ɔ, sɛ a fa yakpa su min nan a nian Anannganman i alɛ'n nun kun'n, n ´fɛ i m ´man wɔ kɛ a jɛ i.»