Kalɛ 32:23 - NYANMIƐN NDƐ'N 1998

²³ Sanngɛ sɛ amu'an yo-mɛn i sɔ'n, wuun amu'an fɔn Anannganman'n i wun. Kusu man amun si jrɛiin kɛ, sa tɛ nga amun yoli'n, amun wa fɛ i su afɛ'n.

Kalɛ 32:23 ပူးပေါင်းရင်းမြစ်များ

Bo Bolɛ 13:13

Sodɔmfuɛ'm be ti sa tɛtɛ yofuɛ dan. Be fɔn Anannganman i wun.

Bo Bolɛ 4:7

Nian, sɛ a nanti kɛ ɔ fata'n sa'n, a ´nyan kɔmin cɛn wie. Sɛ ɔ'a yo-man sɔ'n, sa tɛ'n yɛ ɔ sa wɔ anuan'n nun lɛ-ɔ. Ɔ ´kunndɛ tran ɔ su, sanngɛ wɔ yɛ a ti bɔ a kwlɛ i-ɔ.»

Bo Bolɛ 44:16

Zida waan: «?Nannan, e ´kan sɛ yɛ e ´kle wɔ-ɔ? ?E ´ijɔ e se sɛ? ?E ´kan sɛ nan w'a wun kɛ y'a yo-man sa? Afin Nyanmiɛn bɔbɔ yɛ ɔ yili é sa tɛ'n i nglo-ɔ. Ɔ man e nin sran nga be wunnin klowa'n i trɔ'n nun'n, e kwlakwla e ti ɔ kanga e yɛ e o yɛ.»

2 Samiɛl 3:39

B'a sie min famiɛn sɔ, sanngɛ mín sa'n nian tin-man. E nin Zɛriza i mma mun e sɛ-man. Man Anannganman bɔbɔ yɛ ɔ fa sran ng'ɔ yo sa tɛ'n i nuan akatua'n mɛn i-ɔ.»

1 Famiɛn Mun 2:32

Anannganman man Nɛr i wa Abnɛr b'ɔ ti Izraɛl sonja'm be su kpɛnngbɛn'n, ɔ nin Zetɛr i wa Amaza b'ɔ ti Zida sonja'm bé su kpɛnngbɛn'n bé wie ndɛ'n ɔ ´kɛ i su. Kɛ ɔ ´kun be'n, min si David ɔ'a wun-man nun. Be ti sran nanwlɛfuɛ mun, yɛ be kpa tra Zoab bɔbɔ lele.

1 Famiɛn Mun 2:33

Man i sɔ sannzan liɛ'n ɔ trɛn i nin i osu'n nunfuɛ'm bé su, sanngɛ David nin i osu'n nunfuɛ mun'n, ɔ nin i awlofuɛ mun'n, ɔ nin i sielɛ'n, be liɛ'n, aunjuɛ'n ɔ ´yo be liɛ tititi.»

Jue Mun 139:11

Sɛ bɔ n waan man aosin'n ɔ wla tuun nan ɔ kata mín su'n, aosin sɔ'n ɔ kaci kannin ɔ kpaja sin yia min.

Jue Mun 140:11

Man sɛnmlɛn kpukpu gua bé su. Man be kan bé bo guɛ i sin'n nun. Man be kan bé bo guɛ i ngblɔn nga be tɔ nun-ɔn be fite-man kun'n i nun.

Jue Mun 90:8

A fa e sa tɛ mun fite wein nun. Ɔ nyrun'n b'ɔ ti kɛ kannin sa'n, ɔ yi e nvialiɛ nun sa'm be nglo.

Nyanndra Mun 13:21

Be nga be yo sa tɛ'n, sa yaci-man bé su tɔlɛ le. Muae'n kusu yɛ ɔ ti sran kpa'm be liɛ-ɔ.

Nyanndra Mun 24:16

Afin sran kpa'n, blɛ wie nun ɔ kwla tɔ. Sɛ ɔ tɔ kpɛ nso sɔ bɔbɔ'n, sanngɛ ɔ jaso. Klunwifuɛ'm be liɛ'n, kɛ sa'n ko nyan be'n, wuun i ala!

Nyanndra Mun 5:22

Sran nga sa tɛ'n yɛ ɔ yo'n, sa tɛ sɔ'n ɔ ci i. Ɔ ti kɛ aya sa, ɔ trɛ i bɔbɔ.

Ezai 3:11

Sran tɛ'n, i yako! Ɔ wo atin tɛ'n su, afin sa ng'ɔ siesie'n, yɛ be ´fa yo i-ɔ.»

Ezai 59:12

Afin Anannganman, a wun e sa tɛtɛ kpanngban bɔ e yo be'n. E sa tɛ sɔ'm be bu e fɔ, sɛ be ti sran'n, wuun n ´se kɛ be mantan e wun. E si e fɔnlɛ bɔ e fɔn'n.

Zonas 1:7

Yɛ mmeli'n i kanfuɛ'm be seli bé wun kɛ: «Amun man e tu fɔtɔ, nan e wun sran nga ti yɛ man sa kekle yɛ'n ɔ'a nyan ye'n.» Be ´tu fɔtɔ nin-ɔn ɔ'a tɔ Zonas su.

Rɔmfuɛ Mun 2:9

Be kwlaa nga be yo sa tɛtɛ'n, yalɛ klelɛ'n ´tɔ be su, yɛ be ´wun nyrɛnnɛn dan, Zuif'm be yɛ be ti i klikli-ɔ, i sin be nga mun.

1 Korɛntfuɛ Mun 4:5

I sɔ'n ti'n, nán an dun mmua di sran fi jɔlɛ nan blɛ nga be kleli ɔ'a ju. Amun minndɛ kɛ e Min bla'n ka. Afin sa ng'ɔ o nvialiɛ nun bɔ be wun-mɛn i'n, i yɛ man be ´wun i kwlaa-a. Yɛ akunndan ng'ɔ o sran klun'n, ɔ ´yi i kwlaa nglo. Kɛ ɔ ko yo sɔ'n, like nga sran kun yoli'n, i ti Nyanmiɛn ´yo i mo.

Zozie 7:18

Zabdi i awlo nun yasua'm be sin jranjrannin, nan Nyanmiɛn a kle Karmi i wa Akan. Akan i nannan yɛlɛ Zabdi. Zabdi i si'n yɛlɛ Zerak. Be kwlaa'n be ti Zida akpasua sufuɛ.