Kalɛ 32:14 - NYANMIƐN NDƐ'N 1998

¹⁴ ?Siɛn'n, amun bɔ amun ti sa tɛ yofuɛ'n, amun waan amun ´fa amún si'm be ajalɛ kunngba sɔ'n nan amun ´yo nan Anannganman fa ya dan Izraɛlfuɛ'm bé wun?

Kalɛ 32:14 ပူးပေါင်းရင်းမြစ်များ

Bo Bolɛ 5:3

Kɛ Adam dili afuɛ ya kun afuɛ ablasan'n, ɔ wuli ba yasua kun. Ba sɔ'n fɛli i kpa, ɔ flɛli i kɛ Sɛt.

Bo Bolɛ 8:21

Nnɛn'n i fannin'n b'ɔ bɔn'n, ɔ wluli Anannganman bue nun kpɛkuun ɔ seli i klun lɔ kɛ: «Ɔ fin ndɛ, n nian-man sran'n i sa tɛ'n su n saci-man asiɛ'n kun. Afin kɛ ɔ fin i bakan nun'n, i nyin'n wo sa tɛ'n su titi. Ɔ man n kun-man ninnge mun kɛ m'an fa yo i yɛ'n sa kun.

2 Be Nyoliɛ 28:13

Kpɛnngbɛn sɔ'n be seli be kɛ: «Nán amun fa kanga nga mun wlu wa. Amun su wa yo man e fɔn Anannganman wun, afin amun su uka e sa tɛ'n bɔ e yoli'n su. E dun mmua e fɔnnin kpa laa, ɔ man Nyanmiɛn ɔ'a fa e wun ya dan kpa.»

Ɛsdras 10:10

Ɛsdras b'ɔ ti Nyanmiɛn nyrun jranfuɛ'n jasoli, nan ɔ'a se be kɛ: «Amu'an fɔn Nyanmiɛn i wun nvle nun bla bɔ amun jali'n ti. Amu'an fa sa tɛ b'a uka Izraɛlfuɛ'm be sa tɛ'n su.

Neemi 13:18

?Nán like nga amun nannan'm be yoli b'ɔ man Nyanmiɛn man sa yalɛ tɔli e nin klɔ nga e su nin-ɔn? ?Yɛ amun ´yo wunmiɛn-delɛ-cɛn'n finfin nan i ya'n `tɔ Izraɛlfuɛ'm be su ekun-ɔn?»

Zɔb I Nyrɛnnɛn Wunlɛ 14:4

?Wan cɛ yɛ ɔ kwla yo man like saun fin like fiɛn nun fite-ɔ ? Sran fi.

Jue Mun 78:57

Be ɔli i wun mmua, be jasoli i sin kɛ be nannan'm be sa. Be yoli kɛ ta bɔ be lafi su kpɛkuun be ´to-ɔ i nyanman'n ɔ'a glɔ'n sa.

Ezai 1:4

Nvle b'ɔ ti sa tɛ yofuɛ, nvle bɔ sran kunlɛ'n ti i nzuɛn'n, nvle bɔ i nunfuɛ'm be ti kakajefuɛ ngunmin kokoko'n, amu'an wie wu mlɔnmlɔnmlɔnmlɔn, amun yako! Amu'an yi min Anannganman min ase, amu'an yo min bɔ n ti Izraɛl i Nyanmiɛn kunngba'n min finfin, amu'an kaci amun sin b'a si min.

Ezai 57:4

?Wan yɛ amun yo i finfin nin-ɔn? ?Wan yɛ amun tike amún nuan'n gbauun be oto i nin-ɔn? ?Amun ti-man ba bɔ bé nyin ti kekle bɔ be ti ato buafuɛ mun?

Ezekiɛl 20:21

Sanngɛ be jasoli mín wun wie. B'a fa-man mín nuan su ndɛ'm be su, b'a fa-man min mmla bɔ sran fa su-ɔ ɔ nyɛn i ti'n be su. B'a nian-man min wunmiɛn-delɛ-cɛn'n su. M buli akunndan kɛ n ´fa bé wun ya, min waan n ´fɛ i lele n ´nguɛ i ti nin i bo aawlɛ flɛnnɛn'n nun lɔ.

Kalɛ 32:15

Sɛ amun Ribɛnfuɛ nin Gadfuɛ mun, amun waan amun su-man Anannganman i su kun'n, Anannganman wa yo man Izraɛlfuɛ'm be wa cɛ aawlɛ flɛnnɛn'n nun wa ekun'n, wuun mlinlɛ yɛ amun mlinnin be-ɔ.»

JÉSUS-CHRIST I DYASIN FE'N BO LUC KLELI'N 11:48

Ɔ kle kɛ an jin amun nannan'm bé ja nun, yɛ o kle kɛ sa nga be yoli'n ɔ yo amun fɛ, afin be yɛ be kunnin Nyanmiɛn nuan ijɔfuɛ mun-ɔn, yɛ amun kusu an kplan be ndia'm be su sua!

Mmla'n 9:24

Kɛ n si amun lele'n, amun nian yaci-man nyin kekle yolɛ'n Anannganman su le.