Kalɛ 32:13 - NYANMIƐN NDƐ'N 1998

¹³ Moiz kɛnnin i ekun kɛ: «Ya bɔ Anannganman fɛli i Izraɛlfuɛ'm bé wun'n ti ɔ miannin be man be dili aawlɛ flɛnnɛn'n nun lɔ afuɛ ablanan, lele san be nga be yoli nyin kekle i su'n be blɛ sufuɛ'm be kwlaa be wieli wu.

Kalɛ 32:13 ပူးပေါင်းရင်းမြစ်များ

Jue Mun 107:4

Be wlan daan aawlɛ flɛnnɛn'n nun, ɔ liɛ lika kee sɔ'n nun. Be wun-man atin nga be ko fa nan be ko ju kan sran tran lɛ nin-ɔn.

Jue Mun 78:33

Ɔ man ɔ fita be guali. Kɛ ɔ kunnin be kɛ nga sa. Ɔ yoli nyrɛnnɛn sɔ ngbɛn.

Jue Mun 95:10

I sɔ'n ti, min konvi tuli be su lele afuɛ ablanan, ɔ man n seli kɛ: ‹Minniɛn nga b'a mlin mlɔnmlɔnmlɔn. Atin nga n kle be'n be fa-man su.›

Ezipt Lɔ Tulɛ'n 16:35

Izraɛlfuɛ'm be dili mani'n lele afuɛ ablanan, nan b'a ju mɛn bɔ sran'm be tran nun'n i kun nun. Mani'n yɛ be dili lele nan b'a fa ju Kanaan mɛn'n i anyialiɛ'n su lɔ-ɔ.

Amɔs 2:10

N fali amun Ezipt lɔ m bali. N ko sunmannin amun afuɛ ablanan aawlɛ flɛnnɛn'n nun lɔ lele nan m'an fa Amɔrfuɛ'm be mɛn'n m'an man amun.

Amɔs 2:9

Sanngɛ wuun Amɔrfuɛ mun bɔ be tɛnndɛn'n ti kɛ sɛdri waka sa'n, bɔ be kekle'n ti kɛ sɛni waka sa'n, m bɔbɔ min m'an nunnun be m'an guɛ i ti nin bo m'an man amun.

Kalɛ 14:32

Amun fuɛn liɛ'm be ´ka aawlɛ flɛnnɛn'n nun wa.

1 Korɛntfuɛ Mun 10:5

Sanngɛ Nyanmiɛn klun a jɔ-man be kpanngban lika bé wun, ɔ man be fuɛn'n kali blo .

Mmla'n 2:7

Afin like nga amun yoli bɔ Anannganman amun Nyanmiɛn'n man ɔ'a yo-man ye'n ɔ nun-man lɛ. Ɔ niannin amun su aawlɛ flɛnnɛn dan nga i kpɛlɛ'n nun. Afuɛ ablanan nga amun dili'n nun'n, Anannganman amun Nyanmiɛn ɔ'a kpɔci-man amun le. Like fi ɔ'a mian-man amún sa.

Jɔlɛ Difuɛ Mun 2:14

Yɛ Anannganman ɔ wa fali ya dan kpa Izraɛlfuɛ'm bé wun nan ɔ'a man ninnge fɛnfuɛ'm be atin kɛ be `fɛn bé bo ninnge mun. Ɔ yoli man b'a kwla jran-man be kpɔfuɛ nga be mantan be lɛ'n be nyrun kun.

Jɔlɛ Difuɛ Mun 2:20

Anannganman wa fali ya Izraɛlfuɛ'm bé wun nan ɔ'a se kɛ: «Kɛ bɔ sran nga'm be saci min aenguɛ nga e nin bé nannan mun e trali'n, bɔ b'a tie-man min aniɛn'n,