Kalɛ 31:4 - NYANMIƐN NDƐ'N 1998

⁴ Amun `fa akpasua'm be kwlaa bé su sran, amun `fa akpasua kun su sran akpi trilili sin yia nun.»

Kalɛ 31:4 ပူးပေါင်းရင်းမြစ်များ

Saun Yolɛ 26:8

Be nga be nin amun be kun'n, kannzɛ man be yo sran ya kun, yɛ sɛ amun kusu amun ti sran nnun'n, san be ´wanndi amún bo. Be nun akpi blu (10.000) be ´wanndi amun nun sran ya bo. Be nin amun be jran kun alɛ-ɔ ɔ su yo-man ye.

Kalɛ 31:3

Moiz seli nvlefuɛ'm be kɛ: «Man amun nun sran wie'm be fa be alɛ ninnge mun nan be `ko tɔ Madianfuɛ'm bé su, nan be `tu Anannganman i klunngbɔ gua bé su.

Kalɛ 31:5

Be kpali akpasua'm be kwlaa be su sran. Be kpali akpasua kun su sran akpi lele sin yiali nun, kpɛkuun be sonja'm be kwlaa be yoli akpi-akpi blu-nin-nnyɔn.

Jɔlɛ Difuɛ Mun 7:2

Anannganman seli Zedeɔn kɛ: «Sran nga be o ɔ́ sa nun'n be sɔnnin ngboko. Sɛ n yi Madian m man Izraɛlfuɛ mun'n, be wa fa di bé nuan be ´se kɛ: ‹E bɔbɔ é sa kekle yɛ e fa nyannin e ti-ɔ.› Kpɛkuun be ´kpi min dunman'n i ase.

1 Samiɛl 14:6

Zonatan seli i gbanflɛn ng'ɔ suɛ i alɛ ninnge'n kɛ: «Bla e wɔ Filistifuɛ nga b'a wla-man be klɛn'm bɔ be nyin yi-man Nyanmiɛn bé wun lɔ. Sɛ Anannganman ´uka ye o! Afin i liɛ'n, sɛ ɔ klo kɛ ɔ ´man sran kwlalɛ'n, ɔ lɛ-man kɛ amun ti kaan, annzɛ amun sɔnnin.»