Kalɛ 31:3 - NYANMIƐN NDƐ'N 1998

³ Moiz seli nvlefuɛ'm be kɛ: «Man amun nun sran wie'm be fa be alɛ ninnge mun nan be `ko tɔ Madianfuɛ'm bé su, nan be `tu Anannganman i klunngbɔ gua bé su.

Kalɛ 31:3 ပူးပေါင်းရင်းမြစ်များ

2 Famiɛn Mun 10:30

Anannganman seli Zei kɛ: «Sa nga n wunnin i kɛ ɔ ti kpa'n, yɛlɛ nga a yoli i lɛ'n, afin akunndan nga m buli i min klun wa'n, yɛ a fa yoli Akab i awlofuɛ mun lɛ-ɔ. I ti'n, ɔ osu'n nunfuɛ mun'n, kɛ ɔ fɛ i ɔ mma'm be su b'ɔ ´fa ju wɔ anunman siansiansian'm be su lɔ'n, be ´tran Izraɛl famiɛn bia'n su .»

2 Famiɛn Mun 9:7

A ´kun ɔ́ min Akab i awlofuɛ mun. Kɛ ɔ ko yo sɔ'n, wuun min nuan ijɔfuɛ mun, ɔ nin min sufuɛ'm be kwlaa nga Zezabɛl kunnin be'n, i klunngbɔ ng'ɔ o min klun'n, m'an tu.

Ezipt Lɔ Tulɛ'n 17:16

Kɛ bɔ Amalɛkfuɛ'm be jasoli Anannganman i famiɛn bia'n i wun ti'n, Anannganman nin be ´kun alɛ tititi.

Zeremi 46:10

Anannganman b'ɔ sie mɛn wunmuan'n i cɛn liɛ'n yɛ ɔ'a ju andɛ yɛ. I klunngbɔ tulɛ blɛ liɛ'n yɛ. Ɔ ´tu i klunngbɔ guɛ i kpɔfuɛ'm be su. Tokofi'n i aliɛ b'ɔ di'n yɛlɛ sran nnɛn. I nzue b'ɔ nɔn'n yɛlɛ mmoja. E min'n kun-man be blɛblɛ. Anannganman b'ɔ sie mɛn wunmuan'n ɔ nin be ɔ'a nyɛn i nglo lɔ lika'n nun Efrat nuan su lɔ.

Zeremi 50:28

An `sie amún su be `tie be bɔ be wanndi tɔ blo'n be ndɛ'n. Be bɔ be fin Babilɔni lɔ fite'n, be wa kan Anannganman e Nyanmiɛn i klunngbɔ b'ɔ su tu'n nin i sua'n i ti ngondin b'ɔ tu'n be ndɛ kle Siɔn.

Saun Yolɛ 26:25

Aenguɛ nga min nin amun e trali bɔ amun sacili i'n ti'n, n ´to alɛ n ´yi amun mɛn'n nun. Man amun ´ko fia klɔ wie'm bé su, sanngɛ n ´fa tukpacɛ bɔ sa ndɛndɛ kun n ´yi i klɔ sɔ'm bé su, yɛ kpɛkuun be nga bɔ be nin amun be kun'n, be yɛ be ´sie amun-ɔn.

Kalɛ 25:11

«Eleazar i wa Fine b'ɔ ti Nyanmiɛn nyrun jranfuɛ'n b'ɔ ti Aarɔn i osu'n nunfuɛ'n, i dunman nun ti min ya nga n fɛli Izraɛlfuɛ'm bé wun ɔ'a wie. Ɔ kplili mín ti amun afiɛn. I sɔ'n ti yɛ man m'an nunnun-man Izraɛlfuɛ mun kɛ n fali ya nin-ɔn.

Kalɛ 25:13

Aenguɛ sɔ'n, ɔ ti kɛ e nin i nin i osu'n nunfuɛ'm be kwlaa yɛ e trali-ɔ. Ɔ ´yo man be ´yo min nyrun jranfuɛ manndimaan. Afin i wun mantanlɛ ng'ɔ fa mantan min Nyanmiɛn'n, ɔ yili i nglo weiin. Ɔ ti kɛ ɔ kpatali Izraɛlfuɛ'm bé ti, ɔ man n yacili.»

Kalɛ 31:4

Amun `fa akpasua'm be kwlaa bé su sran, amun `fa akpasua kun su sran akpi trilili sin yia nun.»

Jɔlɛ Difuɛ Mun 5:2

«Man e la Anannganman'n i ase, afin Izraɛlfuɛ'm be siesieli bé wun kɛ be ´kun alɛ. Sran'm be bali be klun klo kɛ be ´ko kun alɛ sɔ'n.

Jɔlɛ Difuɛ Mun 5:23

Anannganman i anz waan: ‹Amun `bo Merɔz klɔ'n i sannzan. Sannzan bɔ amun bo Merɔz i su sran mun'n yɛlɛ kɛ b'a ba-man Anannganman ukalɛ. B'a ba-man Anannganman i safunyrɛn'm be ukalɛ.›