Kalɛ 30:8 - NYANMIƐN NDƐ'N 1998

⁸ sɛ cɛn nga i wun ti ndɛ'n nan ɔ'a tɛ-man su'n, nga talua'n kannin'n, man talua sɔ'n yiɛ i nuan.

Kalɛ 30:8 ပူးပေါင်းရင်းမြစ်များ

Bo Bolɛ 3:16

Yɛ ɔ se bla'n kɛ: «N ´yo man ɔ wunnzɛlɛ nun afɛ'n wa yo dan. Kɛ a ´wu ba'n, a ´wun nyrɛnnɛn kpa. Wɔ anwlɛn'n wa tran ɔ́ wun su, sanngɛ ɔ ´sie wɔ.»

Zeremi 44:19

Yɛ bla'm be waan: «?I kpa'n, ansans nga e yra e man nyanmiɛn su lɔ famiɛn bla'n lɛ'n, e nin é wun mun e bo ti-man kun yɛ e yo-ɔ? ?Gato nga e ´tɔn bɔ e fa nyanmiɛn su lɔ bla sɔ'n i nzɔliɛ'n sie su'n nin nzan nga e gua e mɛn i'n, nán be nyrun yɛ e yo i-ɔ?»

Saun Yolɛ 5:4

Sɛ sran wie ɔ'a bu-man akunndan kpɛkuun ɔ ta nda ngbɛn kɛ ɔ ´yo sa kpa wie annzɛ kusu ɔ ´yo sa tɛ wie'n, nan sɛ i kasiɛn nun ɔ wa si kɛ kannzu ndɛ kun yɛ ɔ'a kɛn i lɛ'n, wuun ɔ'a yo sa tɛ.

Kalɛ 30:5

sɛ i si ti ndɛ'n nan ɔ'a tɛ-man su'n, ndɛ nga talua'n kannin'n, man ɔ nian su yo i su sa'n.

Kalɛ 30:7

Sɛ talua wie kusu ta nda wie nan ɔ'a bu-mɛn i akunndan kpɛkuun i sin ɔ'a ko ja bian'n,

Kalɛ 30:9

Sɛ kusu cɛn kunngba nga bian'n ti'n nan ɔ se kɛ nán man i su ti'n, wuun nda nga talua'n tali i sɔ'n yɛ yasua'n ɔ'a nunnun su lɛ-ɔ. Anannganman ´yaci bla'n i wun sa'n cɛ i.

1 Korɛntfuɛ Mun 7:4

Bla'n sie-mɛn i bɔbɔ wun, i wun'n yɛ ɔ sie i-ɔ, yɛ yasua'n kusu sie-mɛn i bɔbɔ wun, i yi'n yɛ ɔ sie i-ɔ.

1 Samiɛl 1:23

Ɛlkana tɛli i su kɛ: «Sɛ a yo i sɔ-ɔ, ɔ ti kpa. Kpɛ i nyɔnflɛn ka. Min nuan nga n yra yɛlɛ kɛ man Anannganman bɔbɔ ɔ yiɛ i ndɛ'n i nuan.» Yɛ Ani kali Rama lɔ ɔ mɛnnin i wa'n i nyɔnflɛn-ɔn.