Kalɛ 30:2 - NYANMIƐN NDƐ'N 1998

² Moiz kannin Anannganman i nuan su ndɛ mun kleli Izraɛl akpasua-akpasua'm bé su kpɛn mun. Ɔ seli be kɛ Anannganman wan yoo:

Kalɛ 30:2 ပူးပေါင်းရင်းမြစ်များ

Zɔb I Nyrɛnnɛn Wunlɛ 22:27

Sɛ a srɛ i nan a jran su'n, ɔ ´tɛ wɔ su. Kpɛkuun like nga a kannin kɛ a ´yo mɛn i'n, wuun a su yo.

Jue Mun 116:14

Ninnge nga n tali nda kɛ n ´yo be m ´man Anannganman'n, n ´yo be i nvlefuɛ'm be nyrun.

Jue Mun 116:18

Ninnge nga n tali nda kɛ n ´yo be m ´man Anannganman'n, n ´yo be i nvlefuɛ'm be nyrun.

Jue Mun 119:106

Jɔlɛ klanman nga a dili'n, i su sa bɔ n seli wɔ kɛ n ´yo'n, san n ´yo i nuan su.

Jue Mun 15:3

Sran sɔ'n ɔ tɔn-mɛn i wiengu suɛn, ɔ yo-mɛn i wiengu tɛ, ɔ kpɛ-mɛn i nzowa.

Jue Mun 22:25

Afin ɔ yo-man nyrɛnnɛnfuɛ'n i finfin, ɔ yi-mɛn i ase, ɔ kaci-mɛn i sin si-mɛn i. Sanngɛ kɛ nyrɛnnɛnfuɛ sɔ'n ɔ kpan flɛ i'n, ɔ sie i su ɔ ti.

Jue Mun 50:14

Yi min asenna tɛ'n man min, yɛ fualɛ nga a fua kleli min bɔ like fi nun-man n sin'n kɛ a ´yo like wie man min'n, yiɛ i nuan.

Jue Mun 55:20

Kɛ ɔ fin adudua'n, i yɛ ɔ ti Nyanmiɛn-ɔn. Nyanmiɛn ´ti min aniɛn, ɔ ´gua bé nyin ase man min. Afin be kaci-man le. Be sro-man Nyanmiɛn.

Jue Mun 56:12

N lafi Nyanmiɛn su, srɛ kun-man min. ?Nguɛ like bɔ cɛ yɛ klɔ sran'n kwla yo min-ɔn?

Jue Mun 76:11

Sɛ sran'm be fa ya sɛ, i agualiɛ su'n, wɔ yɛ a nyan nyrun be ya falɛ sɔ'n nun-ɔn. Be nga be ko nyan bé ti ɔ́ ya liɛ bɔ a fa nun'n, be ´di cɛn be man wɔ.

Ezipt Lɔ Tulɛ'n 20:7

Nán bo min Anannganman bɔ n ti ɔ Nyanmiɛn'n min dunman'n ngbɛn, afin sran ng'ɔ bo min dunman ngbɛn'n, n su yaci-mɛn i lɛ, san n ´tu i fɔ.

Nyanndra Mun 20:25

A kpli ta Nyanmiɛn nda-a, a mian. Sɛ a ta nda kwlaa ka nan w'a bu i akunndan'n, ɔ ti-man kpa.

Saun Yolɛ 5:4

Sɛ sran wie ɔ'a bu-man akunndan kpɛkuun ɔ ta nda ngbɛn kɛ ɔ ´yo sa kpa wie annzɛ kusu ɔ ´yo sa tɛ wie'n, nan sɛ i kasiɛn nun ɔ wa si kɛ kannzu ndɛ kun yɛ ɔ'a kɛn i lɛ'n, wuun ɔ'a yo sa tɛ.

Kalɛ 21:2

Yɛ Izraɛlfuɛ'm be tali Anannganman i nda, be seli kɛ: «Sɛ a fa nvle nga nunfuɛ mun wla é sa nun nan e kwla be'n, e ´saci be klɔ mun mlɔnmlɔn, e su yaci-man like fi lɛ.»

Kalɛ 30:10

Sɛ angboti bla kun annzɛ bla bɔ be yrɛli i'n ɔ ta nda'n, man ɔ yiɛ i nuan.

Kalɛ 32:24

Amun `kplan klɔ mun `man amun mma mun, yɛ amun `si amun nnɛn'm be klangla mun. Like nga kusu bɔ amun kannin kɛ amun ´yo'n, amun `nian nun yo.»

Matthieu 23:16

Amun anyansifuɛ'm bɔ an kle sran atin'n, an yako! Afin an se kɛ, sɛ sran wie di Nyanmiɛn i sua'n, ndɛ fi nun-man nun, sanngɛ sɛ sran wie di Nyanmiɛn i sua'n nun sika ɔkwlɛ'n, be `de i like.

Matthieu 23:18

Yɛ an se kɛ, sɛ sran wie di Nyanmiɛn sɔwlɛ'n, ndɛ fi nun-man nun, sanngɛ sɛ sran wie di nnɛn'n bɔ be fa sɔ Nyanmiɛn b'ɔ o i sɔwlɛ'n su'n, be `de i like.

Sa nga bé yôli'n 23:12

Kɛ aliɛ cɛnnin'n, Zuif'm be cicili, be fa Nyanmiɛn wuawuali bé wun kɛ be su di-man like be su nɔn-man nzue lele san b'a kun Pɔl.

Sa nga bé yôli'n 23:14

Be ɔli be ko toli Nyanmiɛn nyrun jranfuɛ dandan mun nin kpɛnngbɛn mun, be seli be kɛ: «Y'a fa Nyanmiɛn y'a wuawua e wun e waan e su di-man like mlɔnmlɔn san y'a kun Pɔl.

Sa nga bé yôli'n 23:21

Nán kplin su, afin be nga b'a sɛ i nyrun be tra sran ablanan. Be waan be di-man like be nɔn-man nzue san b'a kun i. I sɔ'n ti b'a fa Nyanmiɛn b'a wuawua bé wun. B'a wie tanndan, be gua lɔ, wɔ yɛ be su minndɛ wɔ-ɔ.»

2 Korɛntfuɛ Mun 1:23

Sa ti bɔ n nian ɔ-man Korɛnt lɔ kun'n, amun nyrun aunnvuɛ ti-ɔ. Sɛ nɛ́n i sɔ ti'n, man Nyanmiɛn wun min.

Jɔlɛ Difuɛ Mun 11:11

Yɛ Zɛfte nin Galaad kpɛnngbɛn'm be ɔli-ɔ. Izraɛlfuɛ'm be fɛ i sieli kpɛn. I kunngba'n ɔ ti sonja'm be su kpɛn. Ndɛ kunngba nga be kɛnnin i lɔ'n, Zɛfte ko kɛnnin i Anannganman nyrun Mizpa lɔ.

Jɔlɛ Difuɛ Mun 11:39

Kɛ anglo nnyɔn'n wieli'n, ɔ sɛli i sin i si awlo lɔ, nan nda nga i si tali'n ɔ'a yo i nuan like'n. I blɛ sɔ nun'n, wuun ɔ nin yasua nian la-man le. Sa sɔ'n ɔ kacili Izraɛlfuɛ'm be nzuɛn. Afuɛ'n kwlaa kɛ i blɛ'n ko ju'n, Izraɛl talua'm be ko di Galaad bian'n i wa bla'n i ti cɛn. Be di i le nnan.