Kalɛ 3:8 - NYANMIƐN NDƐ'N 1998

⁸ Man be nian tannin sua'n i nun ninnge'm be lika. Man be di mín tannin sua'n i wun junman man Izraɛlfuɛ mun.

Kalɛ 3:8 ပူးပေါင်းရင်းမြစ်များ

1 Be Nyoliɛ 23:27

David yɛ man be klɛli Levifuɛ nga b'a di afuɛ ablaɔn annzɛ afuɛ ablaɔn ɔ'a tra su'n be dunman-an. David i ndɛ kasiɛn ng'ɔ kannin'n i wie-ɔ.

2 Be Nyoliɛ 29:11

Amun liɛ'n, min mma mun, nán amun yo sa su kpafuɛ mun kun. Amun yɛ Anannganman fali amun kɛ amun jrɛn i nyrun nan amun sɔ i, nan amun di i junman'n, nan amun yra ansans be mɛn i nin-ɔn.»

Ezai 52:11

Amun bɔ amun sua Anannganman i sulɛ ninnge mun'n, amun `wɔ, amun `wɔ, amun `fite! Nán amun kan ninnge fiɛn fi. Amun `fin Babilɔni lɔ fite, amun `yo amún wun saun !

Kalɛ 10:17

Be tutuli Nyanmiɛn i sua'n, sran nga be sua ɔli mun yɛlɛ Gɛrsɔn i osu'n nunfuɛ mun nin Mɛrari i osu'n nunfuɛ mun.

Kalɛ 10:21

Levifuɛ nga be fin Keat osu nun'n, bɔ be sua ninnge nga be ti Nyanmiɛn liɛ klonglo'n be suli bé su. Levifuɛ'm bé onga'm be dun mmua ko kplannin Nyanmiɛn i lika'n be fa minndɛli Keatfuɛ mun.

Kalɛ 3:7

Man be di junman min tannin sua bɔ n yi mín wun nglo nun'n i nyrun lɛ. Be `di junman sɔ'n be `man Aarɔn nin Izraɛlfuɛ'm be kwlaa. Man be `di min tannin sua'n i wun junman.

Kalɛ 3:9

Fa Levifuɛ mun fa man Aarɔn nin i mma mun. Man be yo i liɛ mlɔnmlɔn, yɛ man be di Izraɛlfuɛ kun nga'm bé nuan junman.

Kalɛ 31:30

Izraɛlfuɛ'm bé onga'm be liɛ lika'n nun kusu'n, min liɛ ng'ɔ o nun'n yɛlɛ nga: sran ablenun su'n, min liɛ ti kun, nnɛn ablenun su'n, min liɛ ti kun. Sɛ nannin o, sɛ aflunmun o, sɛ bua o, sɛ boli o, nnɛn uflɛ kwlaa o, sɛ be fa ablenun'n, min liɛ kun o nun. Fa min liɛ lika sɔ'n man Levifuɛ nga be di mín sua bɔ n yi min wun nglo nun'n i nun junman'n.»

Kalɛ 4:15

Kɛ Aarɔn nin i mma mun be ko wie min ninnge nga be o min lika nun'n bé wun cici'n, bɔ Izraɛlfuɛ'm be ´tu bé bo be ´kɔ'n, Keatfuɛ mun yɛ be wa sua ninnge sɔ mun-ɔn. Sanngɛ nán be kan like bɔ be ti min liɛ klonglo mun kɛ ɔ ´yo nan b'a wu-man'n ti. Junman ng'ɔ ti Keatfuɛ'm be liɛ tannin sua'n nun'n yɛ ɔ o lɛ-ɔ.

Kalɛ 4:28

Junman bɔ be fa mannin Gɛrsɔn i osu nunfuɛ'm be kɛ be di i tannin sua bɔ Nyanmiɛn yi wun nglo nun'n i nun'n yɛ be o lɛ-ɔ. Nyanmiɛn nyrun jranfuɛ Aarɔn i wa Itamar yɛ ɔ ´nian be su be junman'n i dilɛ nun-ɔn.»

Kalɛ 4:33

Junman nga be fa mannin Mɛrari i osu nunfuɛ mun kɛ be di i tannin sua nun'n yɛ ɔ o lɛ-ɔ. Nyanmiɛn nyrun jranfuɛ Aarɔn i wa Itamar yɛ ɔ nian bé su be junman'n i dilɛ nun-ɔn.»