Kalɛ 3:7 - NYANMIƐN NDƐ'N 1998

⁷ Man be di junman min tannin sua bɔ n yi mín wun nglo nun'n i nyrun lɛ. Be `di junman sɔ'n be `man Aarɔn nin Izraɛlfuɛ'm be kwlaa. Man be `di min tannin sua'n i wun junman.

Kalɛ 3:7 ပူးပေါင်းရင်းမြစ်များ

1 Be Nyoliɛ 26:20

Asiza ti Levifuɛ'm be nun kun. Nyanmiɛn i sua'n nun lɔ ninnge kpakpa'n nin ninnge nga be fa man Nyanmiɛn'n, i yɛ ɔ nian be su-ɔ.

1 Be Nyoliɛ 26:22

nin Zetam, nin i niaan Zoɛl bɔ be ti Zɛiɛl i mma mun'n, be nian Anannganman i sua'n nun bɔlɛ'n su wie.

1 Be Nyoliɛ 26:26

Ninnge kpakpa nga famiɛn David, nin awlobo kpɛnngbɛn mun, nin sonja akpi, nin sonja ya bé su kpɛn mun, ɔ nin sonja'm bé su kpɛn kun nga mun be sieli be ngunmin mannin Nyanmiɛn'n, Sɛlɔmit nin i niaan mun yɛ be nian su-ɔ.

Saun Yolɛ 8:35

Amun `gua tannin sua'n i anuan'n nun lɛ lele man aliɛ'n cɛn amun ɔ san amun sɔ cɛn nso. Mmla nga Anannganman fa mannin amun'n, amun `fa su, sɛ ɔ ti-mɛn ti-ɔ, wie'n ´kun amun. Ndɛ nga bɔ Anannganman kan be kleli min'n, be yɛ be o lɛ-ɔ.»

Kalɛ 1:50

Tannin sua nga n yi min wun nglo nun'n bɔ min alaka'n wo nun'n, ɔ nin i wun ninnge'n kwlaa, fa wlɛ i Levifuɛ'm bé sa nun. Sɛ amun su tu amun bo kɔ lika uflɛ'n, be yɛ be ti tannin sua'n nin i wun ninnge'm be suafuɛ-ɔ. Be ´di sua sɔ'n i nun junman yɛ be ´yo be ngblaliɛ liɛ'n sin yiɛ i.

Kalɛ 1:53

San Levifuɛ'm be ngunmin yɛ be ngblaliɛ liɛ'n ɔ `sin yia tannin sua bɔ min alaka'n wo nun nin-ɔn. Be `di nun junman. I liɛ'n, n su fa-man Izraɛlfuɛ'm bé wun ya.»

Kalɛ 3:32

Levifuɛ'm be kpɛn'n yɛlɛ Eleazar, Nyanmiɛn nyrun jranfuɛ Aarɔn i wa-a. I yɛ ɔ nian be kwlaa nga be di junman Nyanmiɛn i lika nun'n bé su-ɔ.

Kalɛ 3:8

Man be nian tannin sua'n i nun ninnge'm be lika. Man be di mín tannin sua'n i wun junman man Izraɛlfuɛ mun.

Kalɛ 31:30

Izraɛlfuɛ'm bé onga'm be liɛ lika'n nun kusu'n, min liɛ ng'ɔ o nun'n yɛlɛ nga: sran ablenun su'n, min liɛ ti kun, nnɛn ablenun su'n, min liɛ ti kun. Sɛ nannin o, sɛ aflunmun o, sɛ bua o, sɛ boli o, nnɛn uflɛ kwlaa o, sɛ be fa ablenun'n, min liɛ kun o nun. Fa min liɛ lika sɔ'n man Levifuɛ nga be di mín sua bɔ n yi min wun nglo nun'n i nun junman'n.»

Kalɛ 8:11

Man Aarɔn yo nzɔliɛ ng'ɔ kle kɛ ɔ su fa Levifuɛ mun wla min sa nun'n, man ɔ yo i Izraɛlfuɛ'm bé nuan, nan Levifuɛ'm be wlu min junman'n nun.

Kalɛ 8:15

I sin, man Levifuɛ'm be wa di junman tannin sua'n nun. Wafa nga bɔ a ´fa kplo be wun fiɛn'n bɔ a ´yo nzɔliɛ ng'ɔ kle kɛ be su fa be be wlɛ mín sa nun'n yɛ ɔ o lɛ-ɔ.