Kalɛ 3:50 - NYANMIƐN NDƐ'N 1998

⁵⁰ Sika ng'ɔ fɛli i Izraɛl talua ba'm bé sa nun'n, ɔ ti jɛtɛ ufue akpi kun jɛtɛ ya nsan jɛtɛ ufue ablesiɛn-nin-nnun (1.365). Be niannin Nyanmiɛn i tannin sua'n nun lɔ sika sunnzunliɛ'n su yɛ be sunnzunnin-ɔn.

Kalɛ 3:50 ပူးပေါင်းရင်းမြစ်များ

Kalɛ 3:49

Moiz man be yili sran nga be tɔli su bɔ Levifuɛ'm b'a kwla sin-man be ajalɛ nun'n bé ti kpɔlɛ sika.

Kalɛ 3:51

Moiz fali ti kpɔlɛ sika'n wlali Aarɔn nin i mma'm bé sa nun kɛ Anannganman fa kan kleli i kɛ ɔ yo'n sa.

Matthieu 20:28

M bɔ n kacili Sran'n kɛ m balɛ'n ɔ ti sɔ-ɔ, afin m'an ba-man kɛ be su min, sanngɛ m bali kɛ n ´su sran, nan n ´fa min wun kpɔ sran sunman bé ti.»

Tite 2:14

E ti Jésus ɔ fɛli i wun mannin nan ɔ ´yi ye sa tɛtɛ'n kwlaa nun nan e `kaci i sa ti sran bɔ é wun sa tɛtɛ'n kwlaa ɔ'a wie, bɔ e tu e klun yo sran ye .

Hébreu 9:12

Kɛ Krist ´wlu Nyanmiɛn lika kpa nun'n, nán boli kpakpuɛ nin nannin ba mmoja yɛ ɔ fa ɔli-ɔ, sanngɛ ɔ fɛli i bɔbɔ i mmoja'n, ɔ wluli lɔ kpɛ kunngba cɛ, ɔ su wlu-man lɔ kun, ɔ man ɔ deli ye mlɔnmlɔn.

1 Piɛr 1:18

Afin an si like nga be fa toli amun'n, b'ɔ man an nyan amún ti sa ngbɛn-ngbɛn nga amun nannan'm be fa kleli amun'n be nun'n. Nán like b'ɔ saci-ɔ, nán jɛtɛ ufue-ɔ, yɛ nán sika ɔkwlɛ-ɔ.

1 Piɛr 3:18

Amún ti tɛ yɛ Krist fɛ i wun yili-ɔ. Ɔ yoli i kpɛ kunngba. Ɔ su yo-mɛn i kun. I b'ɔ ti sran kpa'n, sa tɛ yofuɛ'm be ti ɔ wuli nan ɔ ´fa amun man Nyanmiɛn. Be kunnin i, sanngɛ Nyanmiɛn Wawɛ'n cɛnnin i.