Kalɛ 3:40 - NYANMIƐN NDƐ'N 1998

⁴⁰ Anannganman seli Moiz kɛ: «Ka Izraɛl talua ba nga be ti yasua'n, bɔ b'a di anglo kun nin anglo kun gua su'n, nan be klɛ be dunman.

Kalɛ 3:40 ပူးပေါင်းရင်းမြစ်များ

Jue Mun 87:6

Kɛ Anannganman ´ka nvle'm be su sran mun'n, wuun ɔ ´klɛ be dunman'm be nyrun lɛ kɛ be awuliɛ klɔ'n yɛlɛ Siɔn.

Ezai 4:3

I sɔ nun'n, sran nga be ´ka Siɔn lɔ'n, sran nga be ´ka Zerizalɛm lɔ'n, be ´flɛ be kɛ Anannganman i sran mun. Be sɔfuɛ mun yɛ Anannganman klɛli be dunman i fluwa'n nun kɛ be `tran Zerizalɛm lɔ-ɔ .

Kalɛ 3:12

«Nian, m bɔbɔ min yɛ n fali Levifuɛ mun Izraɛlfuɛ'm be nun-ɔn. Be yɛ be ´sin Izraɛl talua ba'm be ajalɛ nun be ´di n sua'n nun junman nin-ɔn.

Kalɛ 3:15

«Klɛ Levifuɛ'm be dunman kɛ be awlobo, nin be afiliɛ'n fa ti'n. Klɛ yasua'm be kwlaa nga b'a di anglo kun nin anglo kun gua su'n be dunman.»

Kalɛ 3:41

I sin, sie Levifuɛ'm be ngunmin man be yo min Anannganman min liɛ klonglo. Man be sin Izraɛl talua ba'm be ajalɛ nun. Kpɛkuun man Levifuɛ'm be nnɛn'm be sin Izraɛlfuɛ'm be nnɛn'm bé wa klikli'm be ajalɛ nun.»

Kalɛ 3:45

«Sie Levifuɛ'm be ngunmin man be yo min Anannganman min liɛ klonglo. Man be sin Izraɛl talua ba'm be ajalɛ nun. Man Levifuɛ'm be nnɛn'm be kusu be sin Izraɛlfuɛ'm be nnɛn'm be mma klikli'm be ajalɛ nun.

JÉSUS-CHRIST I DYASIN FE'N BO LUC KLELI'N 10:20

Kannzɛ n seli sɔ'n, nán amun klun jɔ ninnge'm bɔ be sro amun'n ti, sanngɛ man amun klun jɔ amun dunman bɔ b'a klɛ i nyanmiɛn su lɔ'n ti .»

Filipfuɛ Mun 4:3

Yɛ ɔ kusu bɔ a ti n wiengu junman difuɛ kpa'n, n ´srɛ wɔ, uka bla sɔ mun, afin be nin min nin Kleman ɔ nin n wiengu junman difue mun yɛ e kplili jasin fɛ'n i bolɛ'n i wun nin-ɔn. Be kwlaa sɔ'n, be dunman ti klɛwa nguan fluwa'n nun.

2 Timote 2:19

Sanngɛ Nyanmiɛn i sua'n i bo ase b'ɔ wlali'n ɔ jran kekle, be klɛli su kɛ: «E Min'n si be nga be ti i liɛ'n,» yɛ be klɛli su ekun kɛ: «Sran kwlaa nga i waan ɔ ti e Min'n i liɛ'n, man ɔ yaci sa tɛ yolɛ'n .»

Hébreu 12:23

An bali Nyanmiɛn i mma ngbɛn-ngbɛn bɔ be klɛli be dunman nyanmiɛn su lɔ'n bé cɛn dilɛ'n bo nin be anyia'n nun. An bali Nyanmiɛn b'ɔ ti sran'n kwlaa be jɔlɛ difuɛ'n, nin sran kpa nga Nyanmiɛn a kaci be sran kpa mlɔnmlɔn siɛn'n be wawɛ'n,

Sa nglô yile 14:4

Sran sɔ mun yɛlɛ be nga b'a fɔnndɔn-man bé wun bla kunndɛlɛ nun'n, afin be niannin bé wun su kpa. Lika kwlaa nga Bua Gbanflɛn'n ´kɔ'n, be su i su. Be kpɔli bé ti sran'm be nun kɛ be `yo Nyanmiɛn nin Bua Gbanflɛn'n be sran'm be nun klikli.

Sa nglô yile 3:5

Sran ng'ɔ kwla'n, kɛ ɔ ´wlɛ i wun tralɛ ufue sɔ-ɔ. N su nunnun-mɛn i dunman'n nguan fluwa'n nun. M ´bo i dunman n kle min Si nin i anz mun .