Kalɛ 3:32 - NYANMIƐN NDƐ'N 1998

³² Levifuɛ'm be kpɛn'n yɛlɛ Eleazar, Nyanmiɛn nyrun jranfuɛ Aarɔn i wa-a. I yɛ ɔ nian be kwlaa nga be di junman Nyanmiɛn i lika nun'n bé su-ɔ.

Kalɛ 3:32 ပူးပေါင်းရင်းမြစ်များ

2 Famiɛn Mun 25:18

Gladi difuɛ'm bé su kpɛn'n trali Nyanmiɛn nyrun jranfuɛ'm bé su kpɛn bɔ be flɛ i Sɛraza'n, ɔ nin i mantanfuɛ bɔ be flɛ i Sofoni'n, ɔ nin Nyanmiɛn nyrun jranfuɛ nsan nga be nian anuan'n su'n.

Ɛsdras 7:5

Abisia liɛ'n yɛlɛ Fine, Fine liɛ'n yɛlɛ Eleazar, yɛ Eleazar liɛ'n yɛlɛ Aarɔn b'ɔ ti Nyanmiɛn nyrun jranfuɛ'm be su kpɛn'n.

Ezekiɛl 40:45

Ɔ seli min kɛ: «Sua ba ng'ɔ o nglo lɔ anuan i wun lɛ'n, b'ɔ i nyin kpɛ ngua lɔ'n, ɔ ti Nyanmiɛn nyrun jranfuɛ'm bɔ be di junman Nyanmiɛn i sua nun'n be liɛ.

Kalɛ 3:31

Nyanmiɛn i alaka'n nin i tabli'n, ɔ nin kannin siewlɛ'n, ɔ nin Nyanmiɛn sɔwlɛ lika mun, ɔ nin ninnge nga be fa di junman Nyanmiɛn i lika'n nun'n, nin rido ng'ɔ o Nyanmiɛn i lika'n i klun lɔ'n, Keatfuɛ'm be yɛ be nian ninnge sɔ'm be lika-a.

Kalɛ 3:33

Mɛrari yɛ ɔ ti Mɛrarifuɛ'm be nannan nin-ɔn. Be buli Mɛrarifuɛ'm be nun akpasua nnyɔn: Maklifuɛ mun, yɛ Misifuɛ mun.

Kalɛ 4:16

Min nyrun jranfuɛ Aarɔn i wa Eleazar yɛ ɔ wa nian ngo nga be fa gua kannin'm be nun'n, nin ansans nga be yrɛ i'n, nin ble annzɛ like ng'ɔ ti kɛ ble sa bɔ be fa yi sraka cɛn kwlakwla'n, ɔ nin bé ti su gualɛ ngo'n bé su-ɔ. Ɔ ´nian min tannin sua'n nin i nun ninnge'm bé su. Ninnge nga be ti min liɛ klonglo'n nin be wun ninnge mma mma mun'n, ɔ ´nian bé su.»

Kalɛ 4:27

Aarɔn nin i mma mun yɛ be ´man Gɛrsɔnfuɛ'm be junman ng'ɔ fata kɛ be di nin-ɔn, sɛ ɔ ti ninnge'm be sualɛ nun o annzɛ junman kwlaa ng'ɔ ti bɔ be di nin o.

Kalɛ 8:26

I liɛ ng'ɔ kwla yo i siɛn'n, yɛlɛ Levifuɛ nga be tɛ o junman'n nun'n be ukalɛ. Sanngɛ i bɔbɔ lɛ-mɛn i tiaun junman kun sa. Mmla nga a wa jran su bɔ Levifuɛ'm be fa di min junman'n yɛ be o lɛ-ɔ.»