Kalɛ 3:25 - NYANMIƐN NDƐ'N 1998

²⁵ Anannganman i tannin sua ng'ɔ yi i wun nglo nun'n, i lika nga be fa wlali Gɛrsɔnfuɛ'm bé sa nun kɛ be `nian su'n yɛ: tannin sua'n i klun nin i sin'n, ɔ nin like nga be fa kata tannin sua'n su'n, ɔ nin rido ng'ɔ o tannin sua'n i anuan'n nun'n,

Kalɛ 3:25 ပူးပေါင်းရင်းမြစ်များ

1 Be Nyoliɛ 23:32

Be nian tannin sua'n nin Nyanmiɛn i lika kpa'n su. Anannganman i sua'n nun junman bɔ Aarɔn osu'n nunfuɛ'm bɔ be ti be niaan'm be kle be'n, be nian su be di .

2 Be Nyoliɛ 31:2

Ezekias sieli Nyanmiɛn nyrun jranfuɛ mun nin Levifuɛ'm be akpasua-akpasua ekun. Sran kun i junman ng'ɔ di i akpasua'n su'n, ɔ kleli i. Anannganman i sua'n nun'n, Nyanmiɛn nyrun jranfuɛ mun nin Levifuɛ'm be junman'n yɛlɛ tɛ nga be yra be nnɛn'n kɔlikɔli'n nin bo kun yolɛ'n i su tɛ'm be yilɛ. Wie'm be kusu'n Anannganman sulɛ'n wafa'n nin jue nga be to be mɛnmɛn i'n, be yɛ be nian su-ɔ.

Ezipt Lɔ Tulɛ'n 25:9

Kɛ amun ´yo tannin sua nga n yi min wun nglo nun'n nin i klun lɔ ninnge mun'n, amun `nian jajalɛ nga n wa fa kle amun yɛ'n su yɛ amun yo-ɔ.»

Ezipt Lɔ Tulɛ'n 40:19

Tannin tanmue nga be sasali be su'n, be tinngɛli be nun yɛ be fa yoli Nyanmiɛn i sua nin-ɔn. Kpɛkuun be fali sua'n i su katalɛ like'n be katali su kɛ Anannganman kan kleli Moiz kɛ ɔ `yo'n sa.

Ezipt Lɔ Tulɛ'n 40:28

Be sendeli tannin sua'n i anuan'n nun rido'n.

Kalɛ 1:50

Tannin sua nga n yi min wun nglo nun'n bɔ min alaka'n wo nun'n, ɔ nin i wun ninnge'n kwlaa, fa wlɛ i Levifuɛ'm bé sa nun. Sɛ amun su tu amun bo kɔ lika uflɛ'n, be yɛ be ti tannin sua'n nin i wun ninnge'm be suafuɛ-ɔ. Be ´di sua sɔ'n i nun junman yɛ be ´yo be ngblaliɛ liɛ'n sin yiɛ i.

Kalɛ 10:17

Be tutuli Nyanmiɛn i sua'n, sran nga be sua ɔli mun yɛlɛ Gɛrsɔn i osu'n nunfuɛ mun nin Mɛrari i osu'n nunfuɛ mun.

Kalɛ 3:24

Laɛl i wa Eliazaf yɛ ɔ ti Gɛrsɔnfuɛ'm be awlobo kpɛn nin-ɔn.

Kalɛ 3:7

Man be di junman min tannin sua bɔ n yi mín wun nglo nun'n i nyrun lɛ. Be `di junman sɔ'n be `man Aarɔn nin Izraɛlfuɛ'm be kwlaa. Man be `di min tannin sua'n i wun junman.

Kalɛ 7:7

Gɛrsɔnfuɛ'm be junman wafa bɔ be di'n ti, ɔ fali kakaklolo nnyɔn nin nannin nnan mannin be.

Marc 13:34

Ɔ ´yo kɛ sran kun b'ɔ su kɔ lika'n sa, ɔ tu i bo i awlo'n nun, ɔ fɛ i ninnge'n kwlaa wlɛ i i sran'm bé sa nun, ɔ man be kwlaa be junman, yɛ ɔ se anuan sunianfuɛ'n kɛ ɔ nian su kpa.

Kolɔsfuɛ Mun 4:17

An `se Arsip kɛ ɔ nian junman nga e Min'n fɛ i sieli i su'n su kpa, an se i kɛ ɔ `nian nun di i kpa.

1 Timote 1:18

Mín wa Timote, afɔtuɛ nga n ´fa man wɔ yɛ'n, ɔ nin ɔ́ wun ndɛ nga be bo su kleli min laa'n ɔ ti kun. Fa ndɛ sɔ'n, mian ɔ́ nyin yo sa ng'ɔ ti kpa'n