Kalɛ 3:19 - NYANMIƐN NDƐ'N 1998

¹⁹ Levi osu nun'n, Keat i wa Amram, nin Zizear, nin Ebrɔn nin Iziɛl be kusu be ti be akpasua liɛ'm bé nannan.

Kalɛ 3:19 ပူးပေါင်းရင်းမြစ်များ

1 Be Nyoliɛ 15:5

Keat osu'n nunfuɛ'm be kpɛnngbɛn'n yɛlɛ Iriɛl. Iriɛl nin i niaan'm be ti ya ablaɔn.

1 Be Nyoliɛ 25:4

Kun ekun yɛlɛ Eman. I mma liɛ mun yɛlɛ Bikiza, Matania, Iziɛl, Sɛbiɛl, Zɛrimɔt, Anania, Anani, Eliata, Gidalti, Rɔmamti-Ezɛr, Zɔsbɛkasa, Malɔti, Ɔtir, ɔ nin Masaziɔt.

1 Be Nyoliɛ 6:18

Be nga be dili i sɔ junman'n be nin be sran'm be dunman mun yɛ: Keat awlo nun'n, Eman yɛ ɔ ti jue tofuɛ'm bé su kpɛn nin-ɔn, i si'n yɛlɛ Zoɛl, Zoɛl liɛ'n yɛlɛ Samiɛl,

1 Be Nyoliɛ 6:38

Asitib wuli Zadɔk, yɛ Zadɔk wuli Asimaaz.

2 Be Nyoliɛ 29:12

I sin'n, Levifuɛ wie'm be bali. Be nga be bali'n mun yɛ: Amazai wa Masat, nin Azaria wa Zoɛl, be ti Keatfuɛ mun, Abdi wa Kis, nin Zealeleɛl wa Azaria, be ti Mɛrari i fuɛ mun, Zima wa Zɔak, nin Zɔak wa Edɛn, be ti Gɛrsɔn i fuɛ mun,

Ezipt Lɔ Tulɛ'n 6:16

Levi i mma'm be nin be mma mun yɛ: Levi wuli ba nsan. Be yɛ: Gɛrsɔn, Keat, Mɛrari. Levi dili afuɛ ya afuɛ ablasan-nin-nso.

Ezipt Lɔ Tulɛ'n 6:18

Keat i mma mun yɛ: Amram, Zizear, Ebrɔn, yɛ Iziɛl. Keat dili afuɛ ya afuɛ ablasan-nin-nsan.

Ezipt Lɔ Tulɛ'n 6:20

Amram jali i si i niaan bla Zokebɛd, ɔ nin i be wuli ba nnyɔn. Be yɛlɛ Aarɔn nin Moiz. Ɔ dili afuɛ ya afuɛ ablasan-nin-nso.

Zakari 12:13

Levi awlofuɛ'm be ´yo be sɛ liɛ ngunmin. Be nun bla'm be ´gua be liɛ ngunmin. Simɛi i awlofuɛ'm be ´yo be liɛ ngunmin. Be nun bla'm be ´gua be liɛ ngunmin.

Kalɛ 3:18

Gɛrsɔn i wa Libni nin Simɛi yɛ be yoli akpasua nga be dunman o bé su'm be nannan mun-ɔn.

Kalɛ 3:20

Mɛrari i wa Makli, nin Misi be o Levi awlo'n nunfuɛ'm be nannan'm be nun wie. Sran sɔ mun yɛ be dunman'n wo Levi akpasua'n su-ɔ.

Kalɛ 3:27

Keat yɛ ɔ ti Keatfuɛ'm be nannan nin-ɔn. Be bubuli Keatfuɛ'm be nun akpasua nnan: Amramfuɛ mun, nin Zizearfuɛ mun, nin Ebrɔnfuɛ mun, ɔ nin Iziɛlfuɛ mun.