Kalɛ 3:15 - NYANMIƐN NDƐ'N 1998

¹⁵ «Klɛ Levifuɛ'm be dunman kɛ be awlobo, nin be afiliɛ'n fa ti'n. Klɛ yasua'm be kwlaa nga b'a di anglo kun nin anglo kun gua su'n be dunman.»

Kalɛ 3:15 ပူးပေါင်းရင်းမြစ်များ

2 Be Nyoliɛ 31:17

Nyanmiɛn nyrun jranfuɛ nga be nian be awlobo'm bé su'n nin Levifuɛ nga b'a nyan afuɛ ablaɔn annzɛ afuɛ ablaɔn tra su bɔ be nian be junman nin be akpasua'n be su'n bɔ be klɛ be dunman'n, be man be wie.

Nyanndra Mun 8:17

Be nga be klo min'n, n kusu n klo be. Be nga be kunndɛ min'n, be wun min .

Zeremi 2:2

«Ko se Zerizalɛmfuɛ'm be kɛ: ‹Anannganman'n waan: Mantanlɛ nga kɛ amun tɛ yo kɛ talua sa'n amun nin min mantannin'n, klolɛ nga amun fa kloli min kɛ be fa klo bla bɔ b'a jɛ i uflɛ sa'n b'ɔ man an suli min su aawlɛ flɛnnɛn, bɔ be kwla di-man nun fie'n i nun'n, mín wla o su.

Zeremi 31:3

I waan: «Anannganman'n fin mmua lɔ lele ɔ wa yili i wun kleli min.» Ɔ seli min kɛ: «Klolɛ nga n fa klo wɔ'n, ɔ lɛ-man kpɛbo. N tɛ di wɔ nɛnnɛn kɛ ɔ ´yo nan w'a mantan min'n ti.

Kalɛ 1:3

Amun `ka yasua'm be kwlaa nga b'a di afuɛ ablaɔn nin afuɛ ablaɔn gua su'n, bɔ be kwla di sonja, bɔ be o Izraɛl sonja akpasua-akpasua'm be nun'n.

Kalɛ 1:47

Kɛ be ´ka Izraɛlfuɛ kun nga mun'n, b'a ka-man Levifuɛ'm be wie.

Kalɛ 26:57

Osu-osu nga be o Levi akpasua'n su bɔ be klɛli be dunman'n mun yɛ: Gɛrsɔnfuɛ mun bɔ be ti Gɛrsɔn i osu'n nun mma mun'n, Keatfuɛ mun bɔ be ti Keat i osu'n nun mma mun'n, Mɛrarifuɛ mun bɔ be ti Mɛrari i osu'n nun mma mun'n.

Kalɛ 26:62

Yasua nga b'a di anglo kun nin anglo kun gua su bɔ be klɛli be dunman'n, be kwlaa be ti sran akpi-akpi ablaɔn-nin-nsan (23.000). B'a klɛ-man be dunman Izraɛlfuɛ'm be nun wie, afin b'a man-man be asiɛ kɛ Izraɛlfuɛ kun nga'm be sa.

Kalɛ 3:16

Kɛ Anannganman fa kannin'n, yɛ Moiz niannin su klɛli be dunman nin-ɔn.

Kalɛ 3:22

Blɛ bɔ be ´klɛ be dunman'n, be ti sran yasua akpi nso sran yasua ya nnun. (7.500) Yasua nga bɔ b'a di anglo kun nin anglo kun gua su'n be o nun wie.

Kalɛ 3:28

Kɛ be ka sran yasua'm be kwlaa, ɔ nin be nga b'a di anglo kun nin anglo kun gua su'n mun, be ti sran akpi mɔcuɛ sran ya nsiɛn (8.600). Be yɛ be nian Nyanmiɛn i ninnge'm be lika-a.

Kalɛ 3:34

Kɛ be klɛli sran yasua mun ɔ nin ba yasua nga b'a di anglo kun nin anglo kun gua su'n be dunman'n, bɔ be kali be'n, be ti sran akpi nsiɛn sran ya nnyɔn. (6.200)

Kalɛ 3:43

Kɛ be klɛli talua ba nga be ti yasua bɔ b'a di anglo kun nin anglo kun gua su be dunman'n, bé nuan ti akpi-akpi ablaɔn-nin-nnyɔn sran ya nnyɔn sran ableso-nin-nsan (22.273).

Marc 10:14

Kɛ Jésus wunnin i sɔ'n, ɔ'a yo-mɛn i fɛ, nan ɔ'a se be kɛ: «An `yaci ba kanngan'm be nun man be bla n sin, nán an fuan be, afin be bɔ be yo bé wun kɛ ba kanngan nga mun sa'n, be yɛ Nyanmiɛn sie be-ɔ.

2 Timote 3:15

Kɛ ɔ fin ɔ ba kaan nun'n, a si Nyanmiɛn Ndɛ nga be klɛli'n yɛ man a si ngwlɛlɛ b'ɔ man sɛ be lafi Krist su-ɔ be nyan bé ti nin-ɔn.