Kalɛ 3:13 - NYANMIƐN NDƐ'N 1998

¹³ Afin talua ba'm be kwlaa be ti min liɛ, kɛ ɔ fin cɛn bɔ n yoli man Eziptfuɛ'm be wa klikli'm be kwlaa be wuli'n, n sieli Izraɛlfuɛ'm be talua ba liɛ'm be nin be nnɛn'm be wa klikli liɛ'm be ngunmin kɛ be `yo min liɛ. Min yɛ n ti Anannganman nin-ɔn.»

Kalɛ 3:13 ပူးပေါင်းရင်းမြစ်များ

Neemi 10:36

E waan afuɛ kwlaa e ´fa e fie'n su ninnge klikli'n, ɔ nin e waka'n kwlaa be su mma klikli'n, e ´fa ba Anannganman i sua'n nun.

Ezipt Lɔ Tulɛ'n 13:12

amun `fa amún wa yasua klikli'm be mɛn i. Amun nnɛn'm bé wa yasua klikli'm be kusu be ti i liɛ.

Ezipt Lɔ Tulɛ'n 13:15

Ezipt famiɛn'n waan be wu be bla, ɔ su kplin-man su kɛ e wɔ, i ti Anannganman yoli man Ezipt lɔ ba klikli'm be ngba be wuli. Kɛ ɔ fɛ i sran'm bé wa yasua klikli'm be su lele b'ɔ ´fa wlu nnɛn'm be liɛ nun be wuli. Sa nga ti bɔ e fa nnɛn'm bé wa yasua klikli mun e fa man Anannganman i bo yɛ ɔ o lɛ-ɔ, sanngɛ sran'm be liɛ'n, e kpɔ bé wa klikli'm bé ti.›

Ezipt Lɔ Tulɛ'n 13:2

«Ba klikli mun'n, fa be wla mín sa nun, afin bla kun i wa yasua klikli'n ɔ nin nnɛn kun i wa yasua klikli'n, be ti min liɛ .»

Ezipt Lɔ Tulɛ'n 22:29

Nannin mun, nin bua mun, ɔ nin boli'm bé wa klikli nga be wu be'n, kɛ be ko di cɛn ba nso be nin bo wun'n, amun `fa be yi tɛ man min be le mɔcuɛ'n su.

Ezipt Lɔ Tulɛ'n 34:19

Ba yasua klikli nga be wu i'n ti min liɛ. Nnɛn'm bé wa yasua klikli mun: sɛ nannin ba o, sɛ bua ba o, sɛ boli ba o, be ti min liɛ wie.

Ezekiɛl 44:30

Fie'm be su ninnge klikli'n nga be nyan be'n nin ninnge nga Izraɛlfuɛ'm be yi be anyanbeun ninnge'm be su'n, be ti min nyrun jranfuɛ'm be liɛ. Be ble sanmlɛn'n i kpafuɛ'n, man be fa man be nan n `yo be liɛ ye.

Saun Yolɛ 27:26

«Klɔ nnɛn kɛ nannin sa wie kusu-ɔ kɛ bua sa annzɛ kɛ boli sa, ng'ɔ ti talua ba'n, be bo-man wɛ be se-man kɛ b'a fa man min'n. Afin nnɛn'm be talua ba'm be kwlaa be ti min liɛ laa.

Kalɛ 18:15

Like kwlaa i wa klikli nga be fa blɛ min'n, sɛ sran o, sɛ nnɛn o, ɔ ti amun liɛ. Sanngɛ amun `kpɔ sran'm be wa klikli'm be ti, amun `kpɔ nnɛn nga be ti fiɛn'n bé wa klikli'm bé ti wie.

Kalɛ 18:6

Amun `nian, n nian-niannin Izraɛlfuɛ'm be nun yɛ n kpali Levifuɛ mun-ɔn, be ti min liɛ, yɛ n fali be m mannin amun kɛ be `di junman tannin sua'n nun.

Kalɛ 3:41

I sin, sie Levifuɛ'm be ngunmin man be yo min Anannganman min liɛ klonglo. Man be sin Izraɛl talua ba'm be ajalɛ nun. Kpɛkuun man Levifuɛ'm be nnɛn'm be sin Izraɛlfuɛ'm be nnɛn'm bé wa klikli'm be ajalɛ nun.»

Kalɛ 33:4

Kɛ be ´kɔ'n, wuun Eziptfuɛ'm be su sie be talua ba nga Anannganman boli be bɔ be wuli bé sa nun'n mun. Talua ba'm be wulɛ sɔ'n, Anannganman fa guali Eziptfuɛ'm be amuɛn'm be nyin ase.

JÉSUS-CHRIST I DYASIN FE'N BO LUC KLELI'N 2:23

«Sɛ sran o, sɛ nnɛn o, be talua ba kwlaa b'ɔ ti yasua'n, be `fɛ i man e Min Nyanmiɛn'n .»

Hébreu 12:23

An bali Nyanmiɛn i mma ngbɛn-ngbɛn bɔ be klɛli be dunman nyanmiɛn su lɔ'n bé cɛn dilɛ'n bo nin be anyia'n nun. An bali Nyanmiɛn b'ɔ ti sran'n kwlaa be jɔlɛ difuɛ'n, nin sran kpa nga Nyanmiɛn a kaci be sran kpa mlɔnmlɔn siɛn'n be wawɛ'n,